1 Mga Hade 22:23 - Marahay na Bareta Biblia

²³ Nagpadagos si Micaias, “Iyo ini an nangyari. Ibinugtak nin Kagurangnan an espiritung nagpuputik sa ngoso kan saimong mga propeta. Alagad siya mismo an nagtalaan kan saimong kagadanan!”

1 Mga Hade 22:23 ပူးပေါင်းရင်းမြစ်များ

1 Mga Hade 20:42

Dangan sinabihan kan propeta an hade, “Iyo ini an tataramon nin Kagurangnan: ‘Huli ta tinugotan mong makadulag an tawong ipinagboot kong gadanon, buhay mo an kasalihid kan saiyang buhay, banwaan mo an kasalihid kan saiyang banwaan.’”

1 Mga Hade 21:19

Sabihan mo siya na ako, an Kagurangnan, nagtataram saiya, ‘Pakatapos mong gadanon an tawo, sasadirihon mo pa an saiyang rogaring?’ Dangan sabihan mo siya na ini an sakong itinataram: ‘Sa lugar saen dinila kan mga ayam an dugo ni Nabot, duman man didilaon kan mga ayam an saimong dugo!’”

1 Mga Hade 22:24

Dangan nagdolok an propetang si Zedekias asin sinampaling si Micaias. An sabi niya, “Kasuarin pa ako binayaan kan espiritu nin Kagurangnan asin nagtaram saimo?”

2 Mga Cronica 25:16

Alagad sinabihan siya ni Amazias, “Kasuarin ka nagin parahatol kan hade? Mag-ontok ta, kun dai, ipapagadan taka!” Nag-ontok an propeta alagad ikinataram pa niya an siring, “Ngunyan aram ko nang nagdesisyon an Dios na gadanon ka, huli ta ginibo mo ini asin habo kang magdangog sa hatol ko.”

Exodo 10:20

Alagad pinatagas nin Kagurangnan an puso kan hade kaya dai niya tinugotan na humale an mga Israelita.

Exodo 4:21

Nagtaram giraray an Kagurangnan ki Moises, “Pag-abot mo sa Egipto, gibohon mo nanggad sa atubang kan hade an gabos na ngangalasan na itinao ko sa saimong kapangyarihan. Alagad papatagason ko an puso kan hade, asin dai niya tutugotan na humale an mga tawo.

Isaias 3:11

Herak man sa mga maraot! Madatong sainda an kapahamakan, huli ta kun ano an saindang ginibo iyo man an gigibohon sainda.

Isaias 44:20

Garo man sana siya nagkakan nin abo. Linagalag siya kan saiyang lolong na isip; dai na siya matatabangan. Dai niya aakoon na an ladawan na saiyang kapot bako man talaga dios.

Jeremias 18:11

Kaya ngunyan, sabihan mo an mga taga Juda asin mga taga Jerusalem na igwa ako nin pinaplano laban sainda asin nag-aandam akong padusahan sinda. Sabihan mo sinda na ontokon na ninda an maraot nindang pamumuhay—na bagohon na ninda an saindang mga gawe asin an saindang mga ginigibo.

Ezekiel 14:9

“Kun an sarong propeta nadagkang magtao nin salang kasimbagan, nangyari iyan huli ta ako, an Kagurangnan, an nagdagka saiya. Hahaleon ko siya sa sakuyang banwaan nin Israel.

Mga Bilang 24:13

maski na itao mo sako an gabos na plata saka bulawan sa saimong palasyo, dai ko pwedeng lapason an pagboot nin Kagurangnan. Dai ko magigibo an sadiri kong kabotan. An itinaram sako nin Kagurangnan iyo sana an sakong sasabihon.”

Deuteronomio 2:30

“Alagad dai kita tinugotan ni Sihon na hade nin Hesbon. Pinatagas nin Dios an saiyang puso tanganing madaog ta siya asin makua an saiyang daga, na sakop ta sagkod ngunyan.

Hukom 9:23

Dangan ginibo nin Dios na magkaanggotan si Abimelec saka an kalalakihan sa Shekem, kaya nagrebelde sinda ki Abimelec.