1 Mga Hade 22:22 - Marahay na Bareta Biblia

²² Hinapot nin Kagurangnan an espiritu, ‘Sa anong paagi?’ Asin nagsimbag siya, ‘Maduman ako asin magigin espiritung nagpuputik sa ngoso kan gabos niyang propeta.’ Nagtaram an Kagurangnan, ‘Dagkahon mo siya ta manggagana ka; lakaw saka giboha iyan.’”

1 Mga Hade 22:22 ပူးပေါင်းရင်းမြစ်များ

1 Mga Hade 13:18

Dangan nagsabi saiya an gurang na propeta, “Propeta man akong arog saimo, asin sinabihan ako nin sarong anghel huli sa pagboot nin Kagurangnan na ipag-iba taka sa sakong harong tanganing pakakanon asin painomon.” Alagad nagpuputik an gurang na propeta.

1 Mga Hade 22:20

Naghapot an Kagurangnan, ‘Siisay an madagka ki Ahab tanganing sumalakay siya asin magadan sa Ramot-gilead?’ Nagsabi nin sarong bagay an nagkapirang anghel, mantang laen man an sinabi kan iba.

1 Mga Hade 22:21

Dangan nagpaenotan an sarong espiritu asin nagtindog sa atubangan nin Kagurangnan. ‘Dadagkahon ko siya,’ an sabi niya.

2 Mga Hade 3:13

Nagsabi si Eliseo sa hade nin Israel, “Ano an pakilabot ko saimo? Dumuman ka sa mga propeta kan saimong ama asin sa mga propeta kan saimong ina.” Nagsimbag si Joram, “Dai, an Kagurangnan an nag-apod samong tolo tanganing itao sa kamot kan hade nin Moab.”

An Libro ni Job 1:12

Sinabihan nin Kagurangnan si Satanas, “Ibinubugtak ko sa kapangyarihan mo an gabos niyang rogaring, alagad dai mo sana siya pagdotdoton.” Kaya naghale si Satanas sa atubang nin Kagurangnan.

An Libro ni Job 12:16

“An Dios makosog asin danay na mapanggana; nasa irarom kan saiyang kapangyarihan an nadaya asin an nandaya.

Salmo 109:17

Nawili siyang magmaldisyon; maldisyonon logod siya! Habo siya nin bendisyon; magharayo logod ini saiya!

Isaias 19:14

An Kagurangnan an dahelan kan pagtao ninda nin nakakaribong na mga hatol. Kaya sala gabos an ginigibo kan Egipto asin arog siya sa sarong burat na nadadalinas sa sadiring suka.

Ezekiel 14:9

“Kun an sarong propeta nadagkang magtao nin salang kasimbagan, nangyari iyan huli ta ako, an Kagurangnan, an nagdagka saiya. Hahaleon ko siya sa sakuyang banwaan nin Israel.

Zacarias 13:2

Sa panahon na iyan, hahaleon ko an ngaran kan mga dios-dios sa daga, asin mayo nang makakagiromdom sa sainda. Gagadanon ko an siisay man na nagsasabing saro siyang propeta, asin hahaleon ko an pagmawot na magsamba sa mga dios-dios.

Juan 8:44

Mga aki kamo kan saindong ama, an Diablo; kun ano an boot niya iyo an ginigibo nindo. Paragadan siya poon pa sa kapinonan asin kaiwal niya an katotoohan, huli ta dai nanggad siya nagtataram kan katotoohan. Nasa naturalesa niya an pagputik huli ta putikon siya asin siya an ama nin kaputikan.

1 Timoteo 4:1

Maliwanag an sinasabi kan Espiritu na sa mga huring panahon may mga tawo na mabaya sa pagtubod, asin masunod sa mga madayang espiritu saka mga katukdoan nin mga demonyo.

1 Juan 4:6

Alagad kita sadiri nin Dios. An siisay man na nakakamidbid sa Dios nagdadangog sato; an siisay man na bakong sadiri nin Dios dai nagdadangog sato. Iyo ini an paagi kun paano ta mamidbid an tunay na espiritu saka an bakong tunay na espiritu.

Kapahayagan 13:14

Kaya nadaya niya an gabos na tawo sa daga huli kan mga ngangalasan na itinugot na gibohon niya sa atubang kan enot na hayop. Pinagbotan niya an mga tawo sa kinaban na maggibo nin sarong ladawan bilang pag-omaw sa hayop na nalugadan sa espada alagad buhay pa.

Kapahayagan 17:17

Huli ta itinanom nin Dios sa mga puso ninda an pag-otob kan saiyang katuyohan, sa paagi kan pagkasararo ninda asin kan pagtao ninda kan saindang kapangyarihan sa hayop na magsakop sagkod na maotob an mga tataramon nin Dios.

Kapahayagan 20:10

Dangan an Diablo na nagdaya sainda itinapok sa danaw nin kalayo saka asupre, na tinapokan man kan hayop saka kan bakong tunay na propeta. Duman papasakitan sinda aldaw-banggi, sagkod pa man.

Kapahayagan 20:3

Itinapok siya kan anghel duman sa dai matugkad na kairaroman, sinerahan iyan dangan minarkahan tanganing dai na niya madaya an mga nasyon sagkod na matapos an sangribong taon. Pakatapos kan panahon na iyan, kaipuhan butasan siya sa halipot na panahon.

Kapahayagan 20:7

Pakatapos kan sangribong taon, papaluwason si Satanas sa bilanggoan niya.

Hukom 9:23

Dangan ginibo nin Dios na magkaanggotan si Abimelec saka an kalalakihan sa Shekem, kaya nagrebelde sinda ki Abimelec.

1 Samuel 16:14

Binayaan si Saul kan espiritu nin Kagurangnan asin pinasakitan siya nin sarong marompot na espiritu na ipinadara saiya nin Kagurangnan.

1 Samuel 18:10

Sunod na aldaw, naglaog ki Saul an sarong marompot na espiritu na hale sa Dios asin nagparakurahaw siya sa laog kan saiyang harong na siring sa sarong bua, mantang nagtutugtog si David sa saiyang arpa, arog kan ginigibo niya aroaldaw. Igwang kapot na garod si Saul asin

1 Samuel 19:9

Sarong aldaw, linaog si Saul nin sarong marompot na espiritu na hale sa Kagurangnan mantang nagtutukaw siya sa laog kan saiyang harong na kapot an garod; idtoon man duman si David na nagtutugtog kan saiyang arpa.