1 Mga Hade 22:17 - Marahay na Bareta Biblia

¹⁷ Nagsimbag si Micaias, “Nahiling ko an bilog na Israel na nawarak sa kabukidan, arog sa mga karnero na mayo nin pastor, asin nagtaram an Kagurangnan, ‘Mayo sinda nin pamayo, papulia sinda sa katoninongan.’”

1 Mga Hade 22:17 ပူးပေါင်းရင်းမြစ်များ

1 Mga Hade 22:16

Alagad sinabihan siya kan hade, “Pirang beses takang pasusumpaon na mayo ka nin itataram sako kundi an katotoohan sa ngaran nin Kagurangnan?”

Isaias 13:14

“Madaralagan papuli sa saindang sadiring daga an mga dayuhan na nag-eerok sa Babilon. Magkakawararak sinda siring sa mga usa na nagdudurulag sa paraayam, garong mga karnero na mayo nin pastor.

Jeremias 28:8

An mga propetang naenot sato nagpropesiya na magkakaigwa nin gera, gutom, saka peste sa dakul na nasyon asin sa darakulang kahadean.

Jeremias 50:17

Nagsasabi an Kagurangnan, “An banwaan nin Israel garo karnero na linalamag saka winawarak kan mga leon. An emperador nin Asiria iyo an enot na masalakay saiya, dangan si Nebukadnezzar na hade nin Babilonia iyo an kuminilkil kan saiyang mga tolang.

Jeremias 50:6

“An sakong banwaan garo mga karnerong nawawara huli ta pinabayaan sinda kan saindang mga pastor. Arog sa mga karnero, naglagalag sinda hale sa sarong bukid pasiring sa saro pang bulod, asin nalingawan na ninda an saindang toril.

Ezekiel 1:4

Nagtingkalag ako asin nahiling ko an sarong bagyo na nagdadangadang hale sa amihan. May kikilat na nagluluwas hale sa sarong dakulang panganoron, asin nagliliwanag nin marahay an palibot kaini. Sa tahaw kan kikilat, igwa nin nagkikintab na garo bronse.

Nahum 3:18

Emperador nin Asiria, garadan na an saimong mga gobernador, asin nagkakatorog na sagkod pa man an saimong mga ginagalangan na mga lalaki! An saimong mga nasasakopan nagkawararak na sa kabukidan, asin mayo nin madara sainda pabalik sa saindang mga harong.

Zacarias 10:2

Nakikihumapot an mga tawo sa mga dios-dios saka sa mga parahula, alagad kaputikan asin mayong halagang mga simbag an saindang nakukua. An iba nagpapahayag nin mga pangatorogan, alagad linalagalag sana ninda kamo; mayo nin halaga an itinatao nindang karangahan. Kaya nagkakaralagalag an mga tawo arog sa nawawarang mga karnero. Nagtitios sinda huli ta mayo sinda nin pamayo.

Zacarias 13:7

Nagtataram an Kagurangnan nin mga hukbo, “Pagmata, espada, asin salakaya an pastor na nagtatrabaho para sa sako! Gadana siya tanganing magkawararak an mga karnero. Sasalakayon ko an sakong banwaan

Mga Bilang 24:3

asin sinabi niya an propesiyang ini: “An mensahe ni Balaam, na aking lalaki ni Beor, An mensahe kan tawong may malinaw na panhiling,

Mga Bilang 24:4

Kan nakakadangog kan tataramon nin Dios, Kan nakakahiling kan bisyon kan Makakamhan; Kan natutumba, alagad malinaw an mga mata.

Mga Bilang 27:17

asin magboot sainda sa panahon nin gera, tanganing an saimong komunidad dai makaarog sa karnero na mayo nin pastor.”

Mateo 9:36

Kan mahiling niya an kadakul na tawo, naherak siya sainda, huli ta nalalagalag sinda asin mga makaheherak, garo mga karnero na mayong pastor.

Markos 6:34

Paglusad ni Jesus sa sakayan, nahiling niya an kadakul na tawo. Naherak siya sainda, ta garo sindang mga karnero na mayo nin pastor. Kaya tinukdoan niya sinda nin dakul na bagay.

1 Samuel 9:9

“Marahay na kaisipan,” an simbag ni Saul. “Magduman na kita.” Kaya nagduman sinda sa banwa na pinag-erokan kan banal na lalaki. Mantang nagtutukad sinda sa bulod palaog sa banwa, nasabat ninda an nagkapirang babae na nagruluwas tanganing magharok nin tubig. Hinapot ninda an mga babae, “Yaon daw an parahula?” (Sa Israel kaidto, an sarong propeta inapod na parahula, kaya kun an sarong tawo boot maghapot sa Dios, minasabi siya, “Magduman kita sa parahula.”)