1 Mga Hade 22:15 - Marahay na Bareta Biblia

¹⁵ Kan mag-atubang si Micaias ki Hadeng Ahab, hinapot siya kan hade, “Micaias, dapat daw na salakayon mi ni Hadeng Jehosafat an Ramot-gilead o dai?” Nagsimbag si Micaias, “Salakayon nindo asin manggagana kamo. Itatao saindo nin Kagurangnan an kapangganahan.”

1 Mga Hade 22:15 ပူးပေါင်းရင်းမြစ်များ

1 Mga Hade 18:27

Kan odto na, pinonan sindang tuyatuyaon ni Elias. An sabi niya, “Kosogon nindo an pagpamibi! Saro siyang dios! Tibaad may iniisip siya o may ibang ginigibo. Tibaad nasa paglakaw siya o kaya natotorog, asin kaipuhan pukawon!”

1 Mga Hade 22:12

Siring man kaiyan an sinabi kan ibang propeta. Nagsabi pa sinda, “Salakayon mo an Ramot-gilead asin manggagana ka; itatao saimo nin Kagurangnan an kapangganahan.”

1 Mga Hade 22:16

Alagad sinabihan siya kan hade, “Pirang beses takang pasusumpaon na mayo ka nin itataram sako kundi an katotoohan sa ngaran nin Kagurangnan?”

1 Mga Hade 4:13

Ben-geber: an syudad nin Ramot sa Gilead, asin an mga baryo sa Gilead na pagsadiri kan kamaganakan ni Jair, na aking lalaki ni Manases, asin an rehiyon nin Argob sa Basan; sesentang darakulang banwa na nakukudal asin igwa nin mga bronseng barat an mga trangkahan

2 Mga Hade 3:13

Nagsabi si Eliseo sa hade nin Israel, “Ano an pakilabot ko saimo? Dumuman ka sa mga propeta kan saimong ama asin sa mga propeta kan saimong ina.” Nagsimbag si Joram, “Dai, an Kagurangnan an nag-apod samong tolo tanganing itao sa kamot kan hade nin Moab.”

2 Mga Cronica 18:14

Kan mag-atubang si Micaias ki Hadeng Ahab, hinapot siya kan hade, “Micaias, dapat daw na salakayon mi ni Hadeng Jehosafat an Ramot-gilead o dai?” Nagsimbag si Micaias, “Salakayon nindo asin manggagana kamo. Itatao saindo nin Kagurangnan an kapangganahan.”

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Jeremias 37:17

Sarong aldaw ipinaapod ako ni Hadeng Zedekias, asin duman sa palasyo hilom na hinapot niya ako, “Igwa ka nin mensahe hale sa Kagurangnan?” Nagsimbag ako, “Igwa. Itatao ka sa hade nin Babilonia.”

Ezekiel 13:6

Bakong totoo an saindang mga bisyon asin kaputikan an saindang mga kapahayagan manongod sa maabot na panahon. Minasabi sindang ipinapahayag ninda an sakong mensahe, alagad dai ko sinda sinugo. Minsan siring, naghahalat sindang magkakatotoo an saindang pahayag!

Mateo 26:45

Dangan binalikan niya an mga disipulo asin sinabihan, “Torog pa giraray kamo? Nagpapahingalo pa kamo? Hilinga, an oras dumatong na, asin an Aki nin Tawo itatao sa kamot nin mga parakasala.

Hukom 10:14

Lakaw kamo, asin duman pag-agrangay sa mga pinili nindong mga dios-dios. Sinda an magligtas saindo sa panahon kan saindong kasakitan.”