1 Mga Hade 21:9 - Marahay na Bareta Biblia

⁹ Siring kaini an sabi niya sa surat: “Ipagboot nindo an sarong aldaw nin pag-ayuno. Tiponon nindo an mga tawo asin itao nindo ki Nabot an pangenot na tukawan.

1 Mga Hade 21:9 ပူးပေါင်းရင်းမြစ်များ

1 Mga Hade 21:10

Patukawon nindo sa atubangan niya an duwang mayong halagang mga tawo na masumbong nin siring laban saiya: ‘Minaldisyon ni Nabot an Dios saka an hade.’ Dangan iluwas nindo siya saka gapoon sagkod na magadan.”

1 Mga Hade 21:8

Dangan nagsurat si Jezebel nin nagkapirang surat, sinelyohan kan selyo ni Ahab, dangan ipinadara sa mga opisyal saka sa mga ginagalangan na tawo sa Jezreel.

Isaias 58:4

Kun an saindong pag-ayuno minabunga nin mga pag-iriwal, sa paghona nindo dadangogon ko an saindong mga pamibi?

Mateo 2:8

Pakatapos, pinaduman niya sinda sa Betlehem saka tinugon, “Lakaw na kamo asin hanapon nindo an omboy; kun makua nindo siya, paaramon nindo ako tanganing magduman man ako asin magsamba saiya.”

Mateo 23:13

“Herak man saindo, mga paratukdo kan Katogonan asin mga Fariseo! Mga parasagin-sagin! Sineserahan nindo sa mga tawo an Kahadean nin langit. Kamo mismo dai minalaog asin inoolang pa nindo an boot lumaog! (

Lukas 20:47

Inuubos ninda an mga rogaring kan mga babaeng balo, dangan sagin-sagin na namimibi nin halawig. Mas magabat an padusa sainda!”

Juan 18:28

Pagkaagang amay, dinara kan mga Judio si Jesus sa palasyo kan gobernador hale sa harong ni Caifas. Dai naglaog an mga Judio huli ta boot nindang magin malinig tanganing makakakan sinda kan pamanggihan sa Paskwa.