1 Mga Hade 21:5 - Marahay na Bareta Biblia

⁵ Nagdolok an saiyang agom na si Jezebel saka naghapot, “Tadaw ta mamondo ka? Tadaw ta habo kang magkakan?”

1 Mga Hade 21:5 ပူးပေါင်းရင်းမြစ်များ

Genesis 3:6

Nahiling kan babae na magayon an kahoy asin garo masiram pagkakanon an bunga kaini patin naisip niya na an kahoy makakatao nin kadonongan. Kaya kuminua siya kan bunga dangan kuminakan. Dangan tinawan man niya an saiyang agom asin kuminakan man ini.

2 Samuel 13:4

Sinabihan ni Jonadab si Amnon, “Aki nin hade, tano ta aroaldaw kang mamondo? Sabihan sako an saimong problema.” Nagsimbag si Amnon, “Namomoot ako ki Tamar, an tugang na babae kan tugang kong lalaki sa ama na si Absalom.”

1 Mga Hade 16:31

Bako sanang nagkasala si Ahab arog ki Jeroboam, kundi inagom pa niya si Jezebel na aking babae ni Hadeng Etbaal nin Sidon dangan nagsamba siya ki Baal.

1 Mga Hade 18:4

asin kan ginagadan ni Jezebel an mga propeta kan Kagurangnan, ilinigtas ni Obadias an sanggatos kan mga propetang ini. Binanga niya an mga propeta sa duwang grupo na tigsingkwenta, dangan tinago sa mga lungib; tinawan niya sinda nin kakanon saka inomon.)

1 Mga Hade 19:2

Dangan pinadarahan ni Jezebel si Elias nin mensahe: “Gadanon logod ako kan mga dios kun sa siring kaining oras sa aga dai ko gibohon saimo an bagay na ginibo mo sa mga propeta.”

1 Mga Hade 21:25

Mayo na nin arog ki Ahab na nagdusay kan saiyang sadiri sa paggibo nin karatan, huli sa mga sotsot kan saiyang agom na si Jezebel.

1 Mga Hade 21:4

Nagpuli si Ahab na mamondo saka anggot huli kan sinabi saiya ni Nabot. Naghigda siyang nakaatubang sa lanob asin habong magkakan.

1 Mga Hade 21:6

Nagsimbag siya, “Huli kan sinabi sako ni Nabot. Inalok ko siya na babakalon ko an saiyang ubasan o kun boot niya riribayan ko saiya nin ibang ubasan. Alagad sinabihan niya ako na dai niya pwedeng itao sako an saiyang ubasan!”

Nehemias 2:2

kaya hinapot niya ako, “Tano ta mamondo ka? Mayo ka man nin helang, kaya daing duwa-duwa na bako kang maogma.” Nabigla ako saka

Esther 4:5

Kaya ipinaapod ni Esther si Hatak an saro sa mga eunuko kan hade na itinalaga bilang sorogoon niya dangan pinagbotan niya si Hatak na magduman ki Mardokeo tanganing aramon an nangyayari asin dahelan kan kamondoan kaini.