1 Mga Hade 21:4 - Marahay na Bareta Biblia

⁴ Nagpuli si Ahab na mamondo saka anggot huli kan sinabi saiya ni Nabot. Naghigda siyang nakaatubang sa lanob asin habong magkakan.

1 Mga Hade 21:4 ပူးပေါင်းရင်းမြစ်များ

2 Samuel 13:2

Namoot nin marahay si Amnon ki Tamar mala ta naghelang siya, huli ta garo masakit na mapasaiya si Tamar; saro siyang birhen, kaya dai siya tinutugotan na makihampang sa mga lalaki.

2 Samuel 13:4

Sinabihan ni Jonadab si Amnon, “Aki nin hade, tano ta aroaldaw kang mamondo? Sabihan sako an saimong problema.” Nagsimbag si Amnon, “Namomoot ako ki Tamar, an tugang na babae kan tugang kong lalaki sa ama na si Absalom.”

1 Mga Hade 20:43

Nahahandal asin namomondo na nagpuli sa Samaria an hade.

1 Mga Hade 21:1

Harani sa palasyo ni Hadeng Ahab sa Jezreel igwa nin sarong ubasan na sadiri nin sarong lalaki na an ngaran Nabot.

1 Mga Hade 21:3

Alagad nagsabi si Nabot ki Ahab, “Dai logod itugot nin Kagurangnan na itao ko saimo an pamana kan sakong mga ginikanan.”

1 Mga Hade 21:5

Nagdolok an saiyang agom na si Jezebel saka naghapot, “Tadaw ta mamondo ka? Tadaw ta habo kang magkakan?”

Esther 5:13

Alagad mayo nin halaga an gabos na ini sagkod na nahihiling ko na nagtutukaw sa trangkahan kan palasyo an Judio na si Mardokeo.”

An Libro ni Job 5:2

Totoo nanggad na an kaanggotan minagadan sa lolong, asin an pag-imon minagadan sa kulang nin pakasabot.

Parahulit 6:9

Ini mayo man nin halaga, asin garo sana paglamag sa doros. Mas marahay pang makontento ka kan yaon na saimo ki sa sarong bagay na danay pang minamawot.

Jonas 4:1

Dai naoyonan ni Jonas an bagay na ini asin naanggot siya.

Jonas 4:4

Nagsimbag an Kagurangnan, “May deretso ka daw na maanggot, Jonas?”

Jonas 4:8

Pagsirang kan aldaw, ipinadara nin Dios an sarong mainit na doros hale sa sirangan, asin huli sa init kan aldaw na minatama sa payo ni Jonas, haros madismayo siya. Kaya minawot niyang magadan. Nagsabi siya, “Mas marahay pa sako an magadan ki sa mabuhay.”

Jonas 4:9

Alagad sinabihan siya nin Dios, “May deretso ka daw na maanggot huli sa nangyari sa tinanom?” Nagsimbag si Jonas, “May deretso ako na maanggot—maanggot sagkod na magadan!”

Efeso 4:27

Dai nindo pagtawan nin lugar an Diablo.

Santiago 1:14

Alagad an tawo pinagsosogotan kun nadadagka siya saka nadadaya kan sadiri niyang maraot na kamawotan.

1 Samuel 28:23

Nagsayuma si Saul asin nagsabing habo siyang magkakan. Alagad pinirit siya kan saiyang mga opisyal saka kan babae sagkod na mapiritan siya. Nagtindog siya, asin nagtukaw sa higdaan.