1 Mga Hade 21:3 - Marahay na Bareta Biblia

³ Alagad nagsabi si Nabot ki Ahab, “Dai logod itugot nin Kagurangnan na itao ko saimo an pamana kan sakong mga ginikanan.”

1 Mga Hade 21:3 ပူးပေါင်းရင်းမြစ်များ

Genesis 44:17

Nagsabi si Jose, “Dai ko magigibo iyan! Idto sanang nakuahan kan sakuyang kalis an sakong magigin oripon asin an iba saindo makakapuli na sa saindong ama.”

Genesis 44:7

Nagsimbag sinda, “Ano an boot mong sabihon? Minasumpa kami na dai mi ginibo an siring.

1 Mga Cronica 11:19

Nagsabi si David, “Dai ko ini pwedeng inomon. Garo ko man sana iinomon an dugo kan mga lalaking ini, huli ta ibinugtak ninda sa pag-alaman an saindang buhay tangani sanang makua ini!” Kaya dai ininom ni David an tubig. Iyo ini an mga ginibo kan tolong bantog na soldados.

An Libro ni Job 27:5

Dai man logod mangyari sako na ako magsabi na kamo tama; danay kong sasabihon na mayo akong sala sagkod sa aldaw na ako magadan.

Ezekiel 46:18

An prinsipe dai dapat magkua kan arin man na pagsadiri kan mga tawo. An arin man na daga na ipapamana niya sa saiyang mga aking lalaki kaipuhan gikan sa daga na sadiri niya, tanganing dai niya maapi an siisay man sa sakuyang banwaan sa paagi kan pagkua niya kan saindang daga.”

Levitico 25:23

“Dai nindo pwedeng ipabakal an saindong daga na an kondisyon kan kabakalan sagkod na lamang, huli ta bako nindong sadiri iyan; sadiri ko iyan, asin siring kamo sa mga dayuhan na nakikihimanwa sako.

Mga Bilang 36:7

An pagsadiri kan lambang Israelita dai pwedeng ibalyo sa ibang tribu; magdadanay iyan sa tribu kan saiyang ginikanan.

Mga Bilang 36:9

Kaya mayo nin kahirasan na makakabalyo sa ibang tribu. Danay na masasadirihan kan lambang tribu an pagsadiri kaiyan.”

Roma 3:31

Isinisikwal ta na daw an Katogonan huli sa pagtubod na ini? Dai; kundi pinapakosog ta iyan.

Roma 3:4

Bako! Maski magin putikon an gabos na tawo, danay na magigin totoo an Dios, siring sa nasusurat, “Kaipuhan mahiling na tama ka; kun hukoman ka kaipuhan manggana ka.”

Roma 3:6

Dai! Huli ta kun an Dios bakong matanos, paano niya huhukoman an kinaban?

Roma 6:15

Kun siring, ano palan? Magkasala daw kita huli ta bako na kita nasa irarom kan katogonan kundi nasa irarom na kan biyaya nin Dios? Dai!

Roma 6:2

Dai! Gadan na kita sa kasalan kaya paano pa kita mabubuhay diyan?

Roma 7:13

Nangangahulogan daw iyan na an marahay nagin dahelan kan sakong kagadanan? Dai! An kasalan an nagin dahelan kan sakong kagadanan sa paagi kan karahayan, tanganing ikapahiling an tunay na kolor kan kasalan. Kaya sa paagi nin togon ipinapahiling na maraot na gayo an kasalan.

Roma 7:7

Masabi daw kita na maraot an Katogonan? Dai nanggad! An Katogonan an nagpaliwanag sako kun ano an kasalan. Kun dai sinabi sa Katogonan an “Dai ka maara sa anoman na bakong saimo,” dai ko kutana maaraman kun ano an pagkaara.

1 Corinto 6:15

Dai nindo aram na an hawak nin lambang saro saindo kabtang kan hawak ni Cristo? Kukuahon ko daw an kabtang na iyan kan hawak ni Cristo tanganing gibohon kong kabtang kan hawak nin sarong maraot na babae? Dai nanggad!

Galacia 6:14

Alagad para sako, an ipag-oorgulyo ko sana iyo an krus ni Jesu-Cristo na satong Kagurangnan, huli ta sa paagi kan saiyang krus, an kinaban gadan na para sako; ako man gadan na para sa kinaban.

Josue 22:29

Dai nanggad kami matumang sa Kagurangnan o matalikod saiya ngunyan, huli sa pagpatindog nin altar para sa mga tinutong na atang, mga dolot na pagkakan o mga sakripisyo. Dai kami mapatindog nin ibang altar kundi an altar nin Kagurangnan na satong Dios na nasa atubangan kan Tabernakulo.”

Josue 24:16

Nagsimbag an mga tawo, “Sagkod pa man dai mi babayaan an Kagurangnan tanganing maglingkod sa ibang dios.

1 Samuel 12:23

Siring man dapit sako, irayo logod nin Kagurangnan na magkasala ako saiya huli sa pag-ontok sa pagpapamibi para saindo. Tutukdoan ko kamo kan marahay asin tamang paagi.

1 Samuel 24:6

Sinabihan niya an saiyang mga tawohan, “Ilikay logod ako nin Kagurangnan na makaginibo nin ano man na karatan laban sa sakong kagurangnan, an pinili nin Kagurangnan na magin hade! Kaipuhan dai ko siya pag-anohon maski kadikit, huli ta siya an piniling hade kan Kagurangnan!”