1 Mga Hade 21:27 - Marahay na Bareta Biblia

²⁷ Kan madangog ni Ahab an mga sinabi ni Elias, ginisi niya an saiyang gubing saka nagsulot nin sako. Nag-ayuno siya, nagkatorog na sulot an sako asin naglakaw na mamondo nin makuri.

1 Mga Hade 21:27 ပူးပေါင်းရင်းမြစ်များ

Genesis 37:34

Dangan ginisi ni Jacob an saiyang gubing sa kamondoan asin nagsulot siya nin sako; haloy niyang pinagmondoan an kagadanan kan saiyang aki.

2 Samuel 3:31

Dangan pinagbotan ni David si Joab asin an saiyang mga tawohan na gision an saindang mga gubing, magsulot nin sako, asin magtangis para ki Abner. Sa paglubong, nagsunod si Hadeng David sa kabaong.

1 Mga Hade 21:28

Tinaraman nin Kagurangnan an propetang si Elias,

2 Mga Hade 18:37

Dangan ginisi ni Eliakim, ni Sebna, asin ni Joa an saindang mga gubing sa kamondoan; asin nagduman sa hade. Ibinareta niya saiya an itinaram kan opisyal nin Asiria.

2 Mga Hade 19:1

Kan madangog ini ni Hadeng Ezekias, ginisi niya an saiyang gubing, nagsulot siya nin sako, asin nagduman sa Templo nin Kagurangnan.

2 Mga Hade 6:30

Kan madangog ini kan hade, ginisi niya an saiyang gubing. Naglalakaw siya kaidto sa gilid kan kudal, asin kan maghiling an mga tawo, nahiling ninda na nakasulot siya nin sako sa irarom kan saiyang gubing.

1 Mga Cronica 21:16

Nagtingkalag si David asin nahiling niya an anghel na nakatindog sa pagultanan kan langit asin daga, kapot an saiyang espadang andam na ibingat sa Jerusalem. Kaya nagdapa si David saka an kamagurangan nin Israel, na gabos nakagubing nin sako.

An Libro ni Job 16:15

“Nagsulot ako nin sako, asin daog na nagtukaw ako digdi sa alpog.

Exodo 33:4

Kan madangog ini kan mga Israelita, nagmondo sinda asin mayo nang nagsulot nin mga alahas.

Isaias 22:12

Inapod kamo kaidto kan Kagurangnan Dios nin mga hukbo tanganing maghibi saka magmondo, mag-aris kan saindong payo saka magsulot nin sako.

Isaias 38:15

Alagad ano an sakong masasabi? An Kagurangnan an naggibo kaini. Dai ako nangangatorog huli sa kapaitan nin sakong puso.

Jeremias 36:24

Alagad dai lamang natakot o nagpahiling nin anoman na tanda nin pagmondo an hade, ni an siisay man sa mga opisyal niya.

Joel 1:13

Pagsulot nin sako asin pagtangis, kamong mga padi na naglilingkod duman sa altar! Paglaog kamo sa Templo asin pagmondo sa bilog na banggi! Mayo nang trigo o arak na ikakadolot sa saindong Dios.

Jonas 3:10

Nahiling nin Dios an ginibo ninda; kun paano sinda nagtalikod sa maraot nindang gawe. Kaya nagbago siya nin isip asin dai na niya sinda pinadusahan siring sa sinabi niyang gigibohon niya.

Jonas 3:6

Kan an baretang ini nakaabot sa hade nin Nineve, naghale siya sa natutukawan niyang trono, hinuba an saiyang gubing dangan nagsulot nin sako asin nagtukaw sa abo.

Kapahayagan 11:3

An duwa kong saksi na nakagubing nin sako tatawan ko nin kapangyarihan na magpropesiya sa laog nin mil dos syentos sesentang aldaw.”