1 Mga Hade 21:20 - Marahay na Bareta Biblia

²⁰ Kan mahiling ni Ahab si Elias, nagsabi siya, “Nanumpongan mo na naman ako, sakong kaiwal?” Nagsimbag si Elias, “Iyo, huli ta ipinabakal mo na an saimong sadiri sa paggibo nin karatan sa atubang nin Kagurangnan.

1 Mga Hade 21:20 ပူးပေါင်းရင်းမြစ်များ

2 Samuel 11:27

Kan matapos an panahon nin pagmondo, kinua ni David si Batsheba asin dinara sa palasyo niya; nagin agom niya si Batsheba dangan nangaki si Batsheba nin sarong lalaki. Alagad dai nawilihan nin Kagurangnan an ginibo ni David.

1 Mga Hade 16:30

Nagkasala siya sa Kagurangnan nin orog pa ki sa arin man kan mga naenot saiya.

1 Mga Hade 18:17

Pakahiling ni Ahab ki Elias, nagsabi siya, “Uya ka palan—an pinakamaraot na paraparibok sa Israel?”

1 Mga Hade 21:25

Mayo na nin arog ki Ahab na nagdusay kan saiyang sadiri sa paggibo nin karatan, huli sa mga sotsot kan saiyang agom na si Jezebel.

1 Mga Hade 22:8

Nagsimbag si Ahab, “Igwa pa nin saro, si Micaias na aking lalaki ni Imla. Alagad kinakaongisan ko siya, huli ta mayo lamang siya nin marahay na propesiya manongod sako; danay na maraot na bagay an saiyang propesiya.” “Dai ka magsabi kaiyan!” an simbag ni Jehosafat.

2 Mga Hade 17:17

Tinutong ninda an saindang mga aking lalaki saka babae bilang mga atang. Naghula saka nangkulam sinda, asin itinalaga ninda an saindang sadiri sa paggibo kan maraot sa atubang nin Kagurangnan; pinaanggot ninda an Kagurangnan.

2 Mga Hade 21:2

Nagkasala siya sa Kagurangnan huli kan pagsunod niya sa makauuyam na mga gawe kan mga nasyon na pinahale nin Kagurangnan mantang nagdadangadang an banwaan nin Israel.

2 Mga Cronica 18:17

Sinabihan ni Ahab si Jehosafat, “Bakong sinabi ko na saimo na dai pa lamang siya nin marahay na propesiya dapit sako? An saiyang propesiya danay na maraot!”

2 Mga Cronica 18:7

Nagsimbag si Ahab, “Igwa pa nin saro, si Micaias na aking lalaki ni Imla. Alagad kinaoongisan ko siya, huli ta mayo lamang siya nin marahay na propesiya manongod sako; danay na maraot na bagay an saiyang propesiya.” “Dai ka magsabi kaiyan!” an simbag ni Jehosafat.

2 Mga Cronica 33:6

Isinakripisyo niya an saiyang mga aking lalaki bilang mga tinutong na atang duman sa Kapantayan nin Hinnom. Naghula siya, nagsalamangka asin nangkulam. Nakihumapot siya sa mga parahula asin sa mga tawong nakikipag-olay sa mga espiritu. Nagkasala siya nin makuri sa Kagurangnan, na pinaanggot niya nin marahay.

Isaias 50:1

Nagsasabi an Kagurangnan, “Sa paghona nindo sinuhayan ko an sakong banwaan siring sa pagsuhay nin sarong lalaki sa saiyang agom? Haen, kun siring, an mga kasuratan nin pagsuhay? Sa paghona nindo ipinabakal ko kamo sa kaoripnan arog sa pagpabakal nin sarong lalaki sa saiyang mga aki bilang mga oripon? Dai, nabihag kamo huli kan saindong mga kasalan; isinubol kamo sa harayo huli kan saindong mga kasombikalan.

Isaias 52:3

Nagsasabi an Kagurangnan Dios sa saiyang banwaan, “Ipinabakal kamo na mayo nin bayad, kaya tutuboson man kamo na mayo nin bayad.

Jeremias 38:4

Dangan nagduman sa hade an mga opisyal saka nagsabi, “Kaipuhan ipagadan an tawong ini. Pinapaluya niya an boot kan mga soldados asin kan mga tawo na natada sa syudad huli kan mga itinataram niya. Dai siya naghihingowa na tabangan an mga tawo; an boot sana niya iyo na mapahamak sinda.”

Ezekiel 14:4

“Kaya kaolayon asin taraman mo sinda kun ano an itinataram ko, ako an Kagurangnan Dios: An lambang Israelita na magdusay kan saiyang puso sa mga dios-dios asin magtugot sa mga ini na darahon siya sa kasalan dangan makihumapot sa sarong propeta, makakakua nin simbag hale sako—an simbag na maninigo sa kadakul niyang dios-dios!

Amos 5:10

Banwaan nin Israel, naoongis kamo sa kiisay man na dai minaoyon sa inhustisya asin minatuga kan bilog na katotoohan.

Markos 12:12

Hiningowa nindang dakopon si Jesus huli ta nasabotan ninda na sinda an pinapanongdan kan parabolang inosipon niya. Alagad takot sinda sa mga tawo, kaya binayaan ninda si Jesus saka nagharale.

Roma 7:14

Aram ta na an Katogonan espiritwal; alagad ako tawo, oripon nin kasalan.

Galacia 4:16

Kaiwal na daw nindo ako ngunyan huli ta tinaraman ko kamo kan katotoohan?

Efeso 4:19

Dai na sinda nakakamate nin sopog; nagpabaya sindang mahulog sa karigsokan saka nagin paslo sinda sa gabos na kadustaan.

Kapahayagan 11:10

Maoogma an mga tawo sa kinaban dahel sa pagkagadan ninda. Magpepyesta sinda asin magpapatinaohan nin mga regalo huli ta an duwang propetang iyan nagdara sainda nin dakul na kasakitan.