1 Mga Hade 21:2 - Marahay na Bareta Biblia

² Sarong aldaw, nagsabi si Ahab ki Nabot, “Tawan sako an saimong ubasan; harani ini sa sakong palasyo, asin boot kong gibohon na tatamnan nin mga gulayon. Riribayan taka nin mas marahay na ubasan, o kun boot mo, babayadan taka kan tamang halaga kaiyan.”

1 Mga Hade 21:2 ပူးပေါင်းရင်းမြစ်များ

Genesis 16:6

Nagsimbag si Abram, “Sakop mo an saimong oripon; giboha saiya an gusto mo.” Dangan pinasakitan ni Sarai an saiyang oripon kaya nagdulag ini.

Genesis 3:6

Nahiling kan babae na magayon an kahoy asin garo masiram pagkakanon an bunga kaini patin naisip niya na an kahoy makakatao nin kadonongan. Kaya kuminua siya kan bunga dangan kuminakan. Dangan tinawan man niya an saiyang agom asin kuminakan man ini.

1 Mga Hade 21:3

Alagad nagsabi si Nabot ki Ahab, “Dai logod itugot nin Kagurangnan na itao ko saimo an pamana kan sakong mga ginikanan.”

1 Mga Hade 21:6

Nagsimbag siya, “Huli kan sinabi sako ni Nabot. Inalok ko siya na babakalon ko an saiyang ubasan o kun boot niya riribayan ko saiya nin ibang ubasan. Alagad sinabihan niya ako na dai niya pwedeng itao sako an saiyang ubasan!”

2 Mga Hade 9:27

Kan mahiling ini ni Hadeng Ahazias, duminulag siya pasiring sa Bet-hagan, alagad linamag siya ni Jehu. “Panaa man nindo siya!” an pagboot ni Jehu sa saiyang mga tawohan; asin pinana ninda siya sa laog kan saiyang karwahe duman sa tukadon nin Gur, harani sa banwa nin Ibleam. Alagad nakadulag si Ahazias pasiring sa Megiddo asin duman siya nagadan.

Exodo 20:17

“Dai kamo maara sa harong kan ibang tawo; dai kamo maara sa saiyang agom, sa saiyang mga oripon, asin sa saiyang mga baka, mga asno o sa ano man na pagsadiri niya.”

Parahulit 2:5

Nagpagibo ako nin tatamnan saka mga plasa na igwa nin tanom na manlaen-laen na kahoy na nagbubunga.

Awit nin mga Awit 4:15

Nag-uulantong na mga tubig an nagbabaribi sa tatamnan, burabod nin nagbubulos na tubig, mga sapa na nagbubulos paibaba hale sa mga Bukid nin Lebanon.

Jeremias 22:17

Alagad mayo ka nin ibang hinihiling kundi an saimong sadiri; ginagadan mo an mayo nin sala asin madahas mong inaapi an saimong banwaan. An Kagurangnan an nagtaram.

Lukas 12:15

Dangan inatubang niya an kadaklan saka nagsabi, “Mag-ingat kamo asin maglikay sa gabos na klase nin kaimotan, huli ta an tunay na buhay nin tawo bakong nasa kayamanan, dawa pa gurano siya kayaman.”

Deuteronomio 11:10

An daga na saindong sasakopon iba man sa daga kan Egipto na saindong pinag-erokan. Sa pagtanom nindo nin banhi duman sa Egipto, kaipuhan magtrabaho kamo nin marahay tanganing matubigan an kaomahan;

Deuteronomio 5:21

“‘Dai kamo maara sa agom nin ibang lalaki; dai kamo maara sa saiyang harong, sa saiyang daga, sa saiyang mga oripon, sa saiyang mga baka, mga asno o sa ano man na pagsadiri niya.’

1 Timoteo 6:9

Alagad an mga boot yumaman nahuhulog sa sogot saka nasisiod sa dakul na mayong kahulogan saka nakakakulog na mga pagmawot, na minaguyod sainda sa karatan asin sa kapahamakan.

1 Samuel 29:6

Inapod ni Akis si David asin sinabihan, “Minasumpa ako sa ngaran kan buhay na Dios nin Israel na nagin maimbod ka sako; maninigo kang magin kaiba ko sa gerang ini. Mayo akong nakuang sala saimo poon kan dumolok ka sako sagkod ngunyan. Alagad habo saimo an ibang mga hade.

1 Samuel 8:14

Kukuahon niya an pinakamarahay nindong mga oma, mga tatamnan nin ubas asin oliba, dangan itatao sa saiyang mga opisyal.

1 Samuel 8:6

Dai nagustohan ni Samuel an kahagadan ninda na magkaigwa nin hade, kaya namibi siya sa Kagurangnan.