1 Mga Hade 21:13 - Marahay na Bareta Biblia

¹³ Naglaog an duwang mayong halagang tawo, nagtukaw sa atubangan ni Nabot asin nagsumbong nin siring kaini laban saiya: “Minaldisyon ni Nabot an Dios saka an hade.” Kaya dinara ninda siya sa luwas kan syudad asin ginapo sagkod na nagadan.

1 Mga Hade 21:13 ပူးပေါင်းရင်းမြစ်များ

1 Mga Hade 21:14

Nagpadara sinda nin mensahe ki Jezebel: “Gadan na si Nabot.”

2 Mga Hade 6:32

Kaya nagsugo siya tanganing kuahon si Eliseo. Kan panahon na iyan, yaon si Eliseo sa saiyang harong asin kaolay an kamagurangan. Bago nag-abot an sugo kan hade, sinabihan ni Eliseo an kamagurangan, “An paragadan igwa nin sinugo tanganing pugotan ako! Pag-abot niya digdi, isera nindo an pintoan asin dai nindo siya pagpalaogon. Kasunod sana niya an hade.”

2 Mga Hade 9:26

‘Nahiling ko kasuodma an paggadana ki Nabot asin sa saiyang mga aking lalaki. Nanunuga ako na papadusahan taka digdi sa lugar na ini.’ Kaya buhaton mo an saiyang bangkay asin itapok mo sa daga ni Nabot, tanganing maotob an tataramon nin Kagurangnan.”

2 Mga Cronica 24:21

Alagad nagkasararo sinda laban ki Zacarias asin sa pagboot kan hade, ginapo siya ninda duman sa patyo kan Templo.

An Libro ni Job 1:11

Alagad baloang halea an gabos na sadiri niya, kun dai ka niya maldisyonon!”

An Libro ni Job 1:5

Pagkaaga, kun tapos na an bangkete, amay na minabangon si Job asin minadolot nin mga sakripisyo para sa lambang aki niya tanganing mapabanal sinda. Danay na ginigibo niya ini ta nagsaboot siya na tibaad nagkasala an saro sainda sa dai tinutuyong pag-olog-olog sa Dios.

An Libro ni Job 2:9

Sinabihan siya kan saiyang agom, “Sagkod ngunyan, maimbod ka pa giraray sa Dios? Maldisyonon mo siya, asin magadan ka na!”

An Libro ni Job 31:39

kun sakong kinakan an bunga kan tanom na nagtalubo diyan alagad ginutom ko an mga paraoma na nagtanom kaiyan—

Salmo 27:12

Hare ako pagpabayae sa sakong mga kaiwal; huli ta mga putikon na saksi nagtindog tumang sako, asin minahangos sinda nin kadahasan.

Salmo 35:11

Putikon na mga saksi an minaatubang, sa paghapot kan mga dai ko naaaraman.

Exodo 20:16

“Dai kamo magsaksi nin putik laban sa saindong kapwa.

Mga Talinhaga 19:28

An maraot na saksi minabiko kan hustisya; an maraot na tawo namomoot sa karatan.

Mga Talinhaga 19:5

Dai mangyayari na dai mapadusahan an putikon na saksi; an nagpuputik dai makakadulag.

Mga Talinhaga 19:9

An putikon na saksi papadusahan asin an nagpuputik mapapahamak.

Mga Talinhaga 25:18

Garo espada, pamukpok, saka bosog na matarom an tawong nagsasaksi nin kaputikan laban sa saiyang kapwa.

Parahulit 10:20

Dai mo pagmaldisyonon an hade, maski sa isip sana, asin dai mo pagmaldisyonon an mayaman maski sa laog kan saimong kwarto. Huli ta may pakpak an bareta asin may talinga an daga.

Parahulit 4:1

Dangan hiniling ko giraray an gabos na inhustisya na ginigibo sa kinaban. Nagtatangis an mga inaapi asin mayo nin minaranga sainda, huli ta an mga nag-api sainda iyo an igwa nin kapangyarihan.

Isaias 8:21

Maglalagalag an mga tawo sa daga, manluluya an boot ninda asin magugutom sinda. Sa saindang pagkagutom saka kaanggotan, mamaldisyonon ninda an saindang hade patin an saindang Dios. Matingkalag sinda sa langit

Amos 7:10

Dangan nagpatogon si Amazias, an padi nin Betel, ki Hadeng Jeroboam: “Igwa nin pinaplano laban saimo si Amos sa tahaw kan banwaan. An mga pahayag niya iyo an maraot kan daga.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Mateo 9:3

Nagsaboot an nagkapirang paratukdo kan Katogonan, “An lalaking ini naglalanghad tumang sa Dios!”

Lukas 23:2

Duman isinumbong siya ninda, “Nadakop mi an tawong ini na sinosotsotan an mga tawo na magrebelde, asin nagpapangalad kan pagbayad nin buhis ki Cesar saka nagsabi na siya mismo an Cristo na sarong hade.”

Juan 19:12

Kan madangog ini ni Pilato, orog siyang naghanap nin paagi na mapaluwas si Jesus. Alagad nagkurahaw an mga tawo. “Kun paluwason mo siya, bako kang katood ni Cesar! An siisay man na nagsasabing hade siya, kaiwal ni Cesar!”

Mga Gibo 24:5

Naaraman mi na an tawong ini ginigikanan nin ribok. Pinaparibok niya an mga Judio saen man na lugar. Lider siya kan grupo nin mga Nazareno.

Mga Gibo 6:11

Kaya binayadan ninda an nagkapirang lalaki na magbalobagi nin siring, “Nadangog mi siyang naglanghad ki Moises asin sa Dios!”

Deuteronomio 13:10

Gapoon nindo siya sagkod na magadan, huli ta irinarayo niya kamo sa Kagurangnan na saindong Dios na nagligtas saindo sa Egipto, saen kamo nagin mga oripon.

Deuteronomio 21:21

Dangan gagapoon siya kan mga lalaki kan syudad sagkod na siya magadan; sa siring na paagi mahahale sa tahaw nindo an karatan na ini. Madadangog ini kan bilog na Israel asin matatakot sinda.

Deuteronomio 22:21

dadarahon ninda an babae sa may pintoan kan harong kan saiyang ama. Duman gagapoon siya kan mga lalaki kan banwa sagkod na siya magadan. Nakaginibo siya nin karatan sa satong banwaan; nagpadorog siya bago nagpaagom, kan nag-eerok pa siya sa harong kan saiyang ama. Sa siring na paagi, mahahale saindo an karatan na ini.

Deuteronomio 22:24

darahon nindo sindang duwa sa luwas kan banwa asin duman gapoon nindo sagkod na magadan. Gagadanon an babae huli ta dai siya nagkurahaw sa paghagad nin tabang maski yaon man sana siya sa laog kan banwa. Gagadanon man an lalaki huli ta dinorogan niya an sarong babae na katrato nin iba. Sa siring na paagi, mahahale saindo an karatan na ini.

Deuteronomio 5:20

“‘Dai kamo magsaksi nin putik laban sa saindong kapwa.

Hebreyo 11:37

Ginapo sinda, binaak nin lagadi an saindang hawak, o ginadan sa espada. May naglagaw-lagaw na nakagubing kan anit nin karnero saka kanding—dukha, pinasakitan, saka inapi.