1 Mga Hade 20:6 - Marahay na Bareta Biblia

⁶ Alagad ngunyan, ipapadara ko an sakong mga opisyal tanganing halungkaton an saimong palasyo saka an mga harong kan saimong mga opisyal tanganing kuahon an pinaghohona nindang mahalaga. Maabot sinda diyan sa siring kaining oras sa aga.”

1 Mga Hade 20:6 ပူးပေါင်းရင်းမြစ်များ

Genesis 27:15

Dangan kinua ni Rebecca sa saiyang harong an itinago niyang pinakamarahay na gubing ni Esau, asin isinulot ki Jacob.

2 Samuel 24:14

Nagsimbag si David ki Gad, “Masakit an kamugtakan ko! Alagad habo kong an tawo an magpadusa sako. An Kagurangnan iyo an magpadusa sako, huli ta dakula an saiyang pagkaherak.”

1 Mga Hade 20:5

Dangan nagbalik giraray ki Ahab an mga sinugo asin ipinahayag an ibang kahagadan ni Ben-hadad: “Pinasugoan taka na itao mo sako an saimong plata saka bulawan, an saimong mga agom asin an saimong mga aki.

1 Mga Hade 20:7

Inapod ni Hadeng Ahab an gabos na kamagurangan kan daga, asin nagsabi, “Hilinga nindo an gibo kan tawong ini; naghahanap siya nin ribok. Pinadarahan niya ako nin mensahe na naghahagad kan sakong mga agom asin mga aki, kan sakong plata saka bulawan, asin nag-oyon ako.”

Isaias 44:9

Mayo nin halaga an gabos na naggigibo nin ladawan, asin mayong pakinabang an mga dios-dios na saindang pinapahalagahan. An mga nagsasamba sa mga dios-dios na ini mga buta saka mayong naaaraman—asin mapapasopog sinda.

Jeremias 25:34

Maghaya kamo mga lider asin magtangis kamo nin makosog, kamong mga pastor kan sakong banwaan! Magmondo kamo saka magligid sa abo. Nag-abot na an aldaw nin paggadan saka pagwarak, asin bubunoon kamo arog sa mga lalaking karnero.

Mga Panambitan 1:10

Sinamsam kan kaiwal an gabos niyang kayamanan. Nahiling niya an paglaog kan mga kaiwal sa saiyang Templo, an lugar na ipinangalad nin Kagurangnan na laogon nin mga pagano.

Mga Panambitan 1:7

Sa aldaw nin saiyang kasakitan saka kapaitan, nagigiromdoman nin Jerusalem an mahalagang mga bagay na sadiri niya kaidto. Kan mahulog siya sa kamot kan kaiwal, asin mayo sa saiya nin nagtabang; pinagtuyatuya siya kan kaiwal, nginisihan an saiyang pagkarumpag.

Oseas 13:15

Maski pa magtalubo an Israel siring sa mga doot, ipapadara ko an mainit na doros sa sirangan hale sa desyerto na iyo an mapamara kan saindang mga burabod saka mga bubon. Iyo man iyan an makua kan gabos na bagay na mahalaga.

Joel 3:5

Kinua nindo an sakong plata saka bulawan dangan an sakong kayamanan dinara nindo sa saindong mga templo.