1 Mga Hade 20:41 - Marahay na Bareta Biblia

⁴¹ Hinale kan propeta an telang nakatahob sa saiyang mga mata, asin namidbid siya kan hade na saro siya kan mga propeta.

1 Mga Hade 20:41 ပူးပေါင်းရင်းမြစ်များ

2 Samuel 13:19

Nagbugtak siya nin abo sa saiyang payo, ginisi an saiyang halabang gubing, dangan naglakaw na naghihibi mantang tinatahoban kan mga kamot an saiyang lalawogon.

1 Mga Hade 20:38

Naghale an propeta na an mga mata igwa nin tahob na tela tanganing dai siya mamidbidan, asin naghalat sa aagihan kan hade.

1 Mga Hade 20:40

Alagad nagin abala ako sa ibang bagay asin nakadulag an lalaki.” Nagsimbag an hade, “Ika na an naghukom sa saimo man sana. Ika an maako kan padusa.”

1 Mga Hade 20:42

Dangan sinabihan kan propeta an hade, “Iyo ini an tataramon nin Kagurangnan: ‘Huli ta tinugotan mong makadulag an tawong ipinagboot kong gadanon, buhay mo an kasalihid kan saiyang buhay, banwaan mo an kasalihid kan saiyang banwaan.’”

An Libro ni Job 2:8

Dangan nagkua si Job nin sarong pedaso kan pasang koron tanganing kagawon an saiyang mga lugad asin nagtukaw siya sa tambak nin abo.

Jeremias 6:26

Tinataraman nin Kagurangnan an saiyang banwaan, “Magsulot kamo nin sako saka magligid kamo sa abo. Magtangis kamo na pano nin kapaitan, arog kan pagtangis para sa bugtong na aking lalaki, huli ta madali nang mag-abot saindo an paragadan.