1 Mga Hade 20:34 - Marahay na Bareta Biblia

³⁴ Nagsabi saiya si Ben-hadad, “Ibabalik ko saimo an mga syudad na kinua kan sakong ama sa saimong ama. Pwede kang magpatindog nin mga tindahan sa Damasco, arog kan ginibo kan sakong ama sa Samaria.” Nagsimbag si Ahab, “Sa siring na mga kondisyon, tatalingkasan taka.” Nakipagtipan si Ahab ki Ben-hadad dangan pinahale na niya.

1 Mga Hade 20:34 ပူးပေါင်းရင်းမြစ်များ

1 Mga Hade 15:20

Nag-oyon si Hadeng Ben-hadad sa alok ni Asa asin ipinadara niya an saiyang mga opisyal saka an saindang mga hukbo tanganing salakayon an mga syudad nin Israel. Nasakop ninda an Ijon, Dan, Abel-bet-maaca, an lugar na harani sa Danaw nin Galilea, asin an bilog na teritoryo nin Neftali.

1 Mga Hade 20:33

Naghahalat nin marahay na tanda an mga opisyal ni Ben-hadad, kaya kan magsabi si Ahab nin “tugang,” hidali sindang nagsugpon, “Tama ka, tugang mo si Ben-hadad!” “Darahon nindo siya sako,” an pagboot ni Ahab. Kan mag-abot si Ben-hadad, inalok siya ni Ahab na maglunad sa saiyang karwahe.

1 Mga Hade 20:42

Dangan sinabihan kan propeta an hade, “Iyo ini an tataramon nin Kagurangnan: ‘Huli ta tinugotan mong makadulag an tawong ipinagboot kong gadanon, buhay mo an kasalihid kan saiyang buhay, banwaan mo an kasalihid kan saiyang banwaan.’”

1 Mga Hade 22:31

Igwa kaidto nin pagboot an hade nin Siria sa saiyang treynta y dos na kapitan kan mga karwahe na mayo sindang ibang salakayon kundi an hade nin Israel sana.

2 Mga Cronica 16:4

Nag-oyon si Benhadad sa alok ni Asa, asin ipinadara niya an saiyang mga opisyal saka an saindang mga hukbo tanganing salakayon an mga syudad nin Israel. Nasakop ninda an Ijon, an Dan asin an Abel-main sagkod an mga sarayan na syudad nin Neftali.

2 Mga Cronica 18:30

Igwa nin pagboot kaidto an hade nin Siria sa mga kapitan kan saiyang mga karwahe na dai pagsalakayon an siisay man kundi an hade sana nin Israel.

Isaias 26:10

Maski naheherakan mo an mga tampalasan dai nanggad sinda nakakanood sa paggibo nin matanos. Maski digdi sa daga nin mga matanos na tawo sala pa giraray an saindang ginigibo; habo nindang midbidon an saimong kadakulaan.

Isaias 8:12

“Dai ka mag-apil sa mga plano kan mga tawo asin dai ka matakot sa mga bagay na saindang natatakotan.

Deuteronomio 7:2

Kun itao na sinda nin Kagurangnan sa saindong kamot asin madaog na nindo sinda, kaipuhan gadanon nindo sinda gabos. Dai kamo makipagtipan sainda, asin dai kamo maherak sainda.

1 Samuel 11:1

Pakalihis nin haros sarong bulan, pinangenotan ni Hadeng Nahas kan Ammon an saiyang hukbo asin sinalakay an banwaan nin Jabes sa teritoryo nin Gilead. Sinabihan si Nahas kan mga taga Jabes, “Makipagtipan ka samo, asin paglilingkodan mi ika.”

1 Samuel 15:8

Nabihag niya si Hadeng Agag kan mga Amalekita asin ginaradan niya an gabos na tawo.

1 Samuel 15:9

Alagad dai ginadan ni Saul asin kan saiyang mga tawohan si Agag; dai man ninda ginaradan an pinakamarahay na mga karnero asin baka, an mga ogbon kan mga baka asin kan mga karnero, saka an gabos na mapapakinabangan; an ginadan sana ninda iyo idtong mga mayo nin pakinabang o halaga.