1 Mga Hade 20:30 - Marahay na Bareta Biblia

³⁰ Nagdurulag an mga natadang soldados asin nagralaog sa syudad nin Afek, alagad narumpagan kan kudal kan syudad an beynte y syete mil sainda. Nakadulag man si Ben-hadad pasiring sa syudad asin nagpaili sa pinakatagong kwarto nin sarong harong.

1 Mga Hade 20:30 ပူးပေါင်းရင်းမြစ်များ

2 Samuel 18:8

Naglakop an ralaban sa kaawagan, asin mas dakul an nagkagaradan sa kadlagan ki sa pagralaban.

1 Mga Hade 20:10

hale ki Ben-hadad: “Madara ako nin dakul na lalaki na magaba kan syudad mong ini, dakul na lalaki na pwedeng magdara sa saindang mga kamot kan gabos na alpog nin Samaria. Gadanon logod ako kan mga dios kun dai ko gibohon ini!”

1 Mga Hade 20:20

asin ginadan kan lambang saro sainda an kalaban na saiyang kahampang; nagdulag an mga taga Siria. Linamag sinda kan mga Israelita, alagad nakadulag si Ben-hadad na nangangabayo, kaiba kan nagkapirang nangangabayong soldados niya.

1 Mga Hade 20:26

Pakalihis kan taon, tinipon niya an saiyang mga tawohan asin nagpasiring sinda sa Afek tanganing labanan an Israel.

1 Mga Hade 20:29

Pitong aldaw na magkaatubang na nagkampo an mga taga Siria saka an mga Israelita. Nagpoon an ralaban kan ikapitong aldaw, asin syen mil na soldados kan Siria an nagadan kan mga Israelita.

1 Mga Hade 22:25

“Maaaraman mo iyan pag-abot kan aldaw na magtatago ka sa sarong kwarto,” an simbag ni Micaias.

2 Mga Hade 10:24

Naglaog siya saka si Jonadab sa templo tanganing idolot an mga sakripisyo asin an mga tinutong na atang. Alagad bago sinda naglaog, nagbugtak ngona si Jehu nin otsentang lalaki sa luwas kan templo. Sinabihan niya an mga ini, “Gadanon nindo an mga nasa laog. An magpadulag sainda magbabayad kan sadiri niyang buhay!”

2 Mga Hade 9:2

Pag-abot mo duman hanapon mo si Jehu, na aking lalaki ni Jehosafat saka makoapo ni Nimsi. Ipag-iba mo siya sa sarong tagong kwarto tanganing masiblag siya sa mga kaibahan niya.

2 Mga Cronica 18:24

“Maaaraman mo iyan pag-abot kan aldaw na maglaog ka sa sarong pinakatagong kwarto tanganing magtago,” an simbag ni Micaias.

Salmo 18:25

Kagurangnan, maimbod ka sa mga maimbod saimo; matanos ka sa mga matanos saimo.

Isaias 24:18

An siisay man na maghingowang makadulag sa katakotan mahuhulog sa kalot, asin an makadulag sa kalot madadakop kan siod. Mahugpa an makosog na uran, asin matatanyog an mga pundasyon kan kinaban.

Isaias 30:13

Nagkasala kamo. Nakakaagid kamo sa sarong halangkaw na kudal na igwa nin gatak magpoon sa itaas sagkod sa ibaba; madali na kamong magaba.

Jeremias 48:44

An makadulag sa katakotan mahuhulog sa mga kalot, an makahawas hale sa mga kalot madadakop sa mga litag, huli ta itinalaan na nin Kagurangnan an pagraot sa Moab.

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Amos 5:19

An aldaw na iyan makakaarog sa tawong duminulag sa leon alagad an nasabatan sarong oso; o arog sa tawong nagpuli sa harong dangan kan magkapot siya sa lanob, kinagat siya nin halas!

Amos 9:3

Maski magtago sinda sa alitoktok kan Bukid nin Carmelo, hahanapon ko sinda asin dadakopon. Maski tagoan ninda ako sa irarom kan dagat, susugoon ko an impakto na yaon diyan tanganing kagaton sinda.

Lukas 13:4

Idtong dyes y otso katawong nagkagaradan kan marumpagan kan tore sa Siloe, sa paghona nindo mas maraot sinda ki sa ibang mga tawong nag-eerok sa Jerusalem?

Josue 13:4

Yaon pa an bilog na daga kan mga Cananeo, asin an Meara na sadiri kan mga Sidoneo, sagkod sa Afek sa pagdolonan kan mga Amoreo;

Hukom 9:40

alagad nadaog si Gaal kaya nagdulag siya; linamag siya ni Abimelec. Dakul an nagkarulugadan, maski duman sa trangkahan kan syudad.

1 Samuel 29:1

Tiniripon sa Afek kan mga Filisteo an gabos nindang hukbo, mantang an mga Israelita nagkampo sa may burabod nin Jezreel.