1 Mga Hade 20:29 - Marahay na Bareta Biblia

²⁹ Pitong aldaw na magkaatubang na nagkampo an mga taga Siria saka an mga Israelita. Nagpoon an ralaban kan ikapitong aldaw, asin syen mil na soldados kan Siria an nagadan kan mga Israelita.

1 Mga Hade 20:29 ပူးပေါင်းရင်းမြစ်များ

Genesis 25:20

Kan kwarenta na an edad ni Isaac, inagom niya si Rebecca, na aking babae ni Betuel, na Arameong taga Mesopotamia, asin tugang na babae ni Laban.

2 Samuel 10:18

asin napasibog kan mga Israelita an mga Siro. Si David asin an saiyang mga tawohan nakagadan nin syete syentos na mga taga Siria na nakakarwahe asin kwarenta mil na mga nakakabayo. Nalugadan ninda si Sobac, an pamayo kan mga kaiwal, asin nagadan siya duman.

1 Mga Hade 20:28

Sarong propeta an nagduman ki Hadeng Ahab asin nagsabi, “Iyo ini an itinaram nin Kagurangnan: ‘Huli ta nagsasabi an mga taga Siria na ako sarong dios kan kabukidan asin bako kan kapantayan, tatawan taka nin kapangganahan laban sa dakula nindang hukbo. Dangan maaaraman nindo na ako an Kagurangnan.’”

1 Mga Hade 20:30

Nagdurulag an mga natadang soldados asin nagralaog sa syudad nin Afek, alagad narumpagan kan kudal kan syudad an beynte y syete mil sainda. Nakadulag man si Ben-hadad pasiring sa syudad asin nagpaili sa pinakatagong kwarto nin sarong harong.

2 Mga Hade 13:17

Dangan sa pagsunod kan pagboot kan propeta, binukasan kan hade an bintana na nakaatubang sa Siria. “Pumana ka!” an pagboot ni Eliseo. Pakatapos na magpana an hade, nagsabi an propeta, “Ika an bosog nin Kagurangnan, sarong bosog para sa kapangganahan laban sa Siria. Lalabanan mo sa Afek an Siria sagkod na madaog mo.”

2 Mga Hade 13:25

Dangan tolong beses na nadaog si Ben-hadad ni Hadeng Jehoas nin Israel. Nabawi ni Jehoas an mga syudad na nasakop ni Ben-hadad sa panahon kan paghahade ni Jehoahaz, na ama ni Jehoas.

2 Mga Cronica 13:17

Dakul an ginadan ni Abias asin kan saiyang hukbo—kinyentos mil na mga piling soldados nin Israel.

Salmo 10:16

An Kagurangnan hade sagkod pa man. Mawawara sa saiyang daga an mga nagsasamba sa ibang dios.

Isaias 37:36

Sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga, nahiling sindang nahuhutad, gabos gadan!

Josue 6:15

Sa ikapitong aldaw, nagbangon sinda kan nagliliwanag na an kaagahon asin nagmartsa nin pitong beses sa palibot kan syudad sa siring man na paagi; iyo sana ini an aldaw na naglibot sinda sa syudad nin pitong beses.

1 Samuel 17:16

Aldaw-bangging inaangat ni Goliat an mga Israelita sa laog nin kwarentang aldaw.