1 Mga Hade 20:28 - Marahay na Bareta Biblia

²⁸ Sarong propeta an nagduman ki Hadeng Ahab asin nagsabi, “Iyo ini an itinaram nin Kagurangnan: ‘Huli ta nagsasabi an mga taga Siria na ako sarong dios kan kabukidan asin bako kan kapantayan, tatawan taka nin kapangganahan laban sa dakula nindang hukbo. Dangan maaaraman nindo na ako an Kagurangnan.’”

1 Mga Hade 20:28 ပူးပေါင်းရင်းမြစ်များ

2 Samuel 10:13

Nagrani si Joab asin an saiyang mga tawohan tanganing makilaban sa mga taga Siria; nagdurulag an mga Siro.

1 Mga Hade 13:1

Sa pagboot nin Kagurangnan, sarong propetang gikan sa Juda an nagpasiring sa Betel. Nag-abot siya duman mantang nakatindog si Jeroboam sa atubang kan altar tanganing magtutong nin insenso.

1 Mga Hade 17:18

Sinabihan kan babaeng balo si Elias, “Sorogoon nin Dios, tadaw ta ginibo mo ini sako? Nagdigdi ka daw tanganing ipagiromdom sa Dios an sakong mga kasalan asin magin dahelan kan pagkagadan kan sakong aking lalaki?”

1 Mga Hade 18:36

Kan oras na tanganing idolot an panghapon na sakripisyo, nagdolok si Elias sa altar saka namibi, “Kagurangnan, Dios ni Abraham, ni Isaac, asin ni Jacob, patotoohan mo ngunyan na ika an Dios nin Israel, na ako an saimong sorogoon, asin na ginibo ko ini huli sa saimong pagboot.

1 Mga Hade 18:37

Simbaga ako, O Kagurangnan, simbaga ako, tanganing maaraman kan mga tawong ini na ika, Kagurangnan, iyo sana an Dios asin pinapabalik mo sinda sa saimo.”

1 Mga Hade 20:13

Sarong propeta an nag-abot asin nagsabi ki Hadeng Ahab, “Nagtataram an Kagurangnan, ‘Nahiling mo an kadakul na mga soldados na iyan? Itatao ko sinda saimo ngunyan na aldaw, asin maaaraman mo na ako an Kagurangnan.’”

1 Mga Hade 20:29

Pitong aldaw na magkaatubang na nagkampo an mga taga Siria saka an mga Israelita. Nagpoon an ralaban kan ikapitong aldaw, asin syen mil na soldados kan Siria an nagadan kan mga Israelita.

2 Mga Cronica 32:19

Nagtaram sinda manongod sa Dios nin Jerusalem siring kan pagtaram ninda manongod sa mga dios-dios kan mga banwaan nin daga, mga dios-dios na gibo kan mga kamot nin tawo.

Salmo 46:11

Nasa sato an Makakamhan na Kagurangnan; an Dios ni Jacob an satong pailihan.

Salmo 79:10

Tano ta maghapot an mga nasyon, “Haen an saindang Dios?” Mahiling mi logod an pagsingil asin pagpadusa mo sa mga nasyon, huli ta pinabulos ninda an dugo kan saimong mga sorogoon.

Exodo 16:12

“Nadangog ko an mga reklamo kan mga Israelita. Sabihan mo sinda na pagsolnop kan aldaw magkakaigwa sinda nin karne, asin pagkaaga tatawan ko sinda nin bastanteng tinapay. Dangan mamimidbid ninda na ako an Kagurangnan, iyo an saindang Dios.”

Exodo 6:7

Kamo an magigin banwaan ko asin ako an magigin Dios nindo. Mamimidbid nindo na ako an Kagurangnan, an saindong Dios, na naghale sa saindo sa pang-ooripon kan mga Egipcio.

Exodo 7:5

Sa paaging iyan mamimidbid kan Egipto na ako an Kagurangnan kun padusahan ko na sinda asin iluwas ko na sa saindang daga an mga Israelita.”

Exodo 8:22

Alagad ililigtas ko an Goshen, na pinag-eerokan kan sakong banwaan, tanganing maaraman mo na Ako, an Kagurangnan, iyo an mapangyari sa dagang ini.

Isaias 36:20

Kasuarin ilinigtas kan arin man sa mga dios na ini an saindang daga sa kamot kan emperador? Ano kun siring ta nag-iisip kamong pwedeng iligtas nin Kagurangnan an Jerusalem?”

Jeremias 14:7

Nakimaherak sako an banwaan ko, ‘Maski nagsasaksi an samong mga kasalan tumang samo, tabangi kami, Kagurangnan, siring kan saimong panuga. Kadakul na beses kaming nagtalikod saimo; nagkasala kami saimo.

Ezekiel 11:12

Maaaraman nindo na ako an Kagurangnan, huli ta dai kamo naglakaw sosog sa sakong mga pagboot asin dai nindo inotob an sakong togon kundi sinunod nindo an mga pagboot kan mga nasyon sa palibot nindo.”

Ezekiel 12:16

Tutugotan kong an nagkapira sa sainda matadang buhay sa gera, sa makuring gutom asin sa peste, tanganing sa tahaw kan mga nasyon, maaaraman ninda na makauuyam an saindang mga gawe asin tanganing mamidbidan ninda na ako an Kagurangnan.”

Ezekiel 20:14

Alagad dai ko iyan ginibo huli ta mapapasopog an sakong ngaran sa atubang kan mga nasyon na nakahiling kan iluwas ko an Israel hale sa Egipto.

Ezekiel 20:9

Alagad dai ko iyan ginibo, huli ta mapapasopog an sakong ngaran, huli ta sa atubang kan mga nasyon, saen nag-erok sinda, nagpahayag ako sa mga Israelita na iluluwas ko sinda sa Egipto.

Ezekiel 36:32

O Israel, boot kong maaraman mo na ginigibo ko an gabos na ini bakong huli saimo. Boot kong mamatean mo an kasosopgan saka an pagkawara nin onra huli kan mga ginigibo mo. Ako, an Kagurangnan Dios, an nagtaram.”

Ezekiel 39:7

Ipapamidbid ko an banal kong ngaran sa banwaan nin Israel, asin dai ko tutugotan na madigtaan pa iyan. Dangan maaaraman kan mga nasyon na ako, an Kagurangnan, iyo an banal na Dios nin Israel.”

Ezekiel 6:14

Uunaton ko an sakong kamot laban sainda. An saindang daga raraoton ko asin gigibohon na mamondo, magpoon sa kalangtadan sa habagat sagkod sa syudad nin Ribla sa amihan; mayo akong papaligtason sa arin man na lugar na pinag-eerokan kan mga Israelita. Dangan maaaraman kan gabos na ako an Kagurangnan.”

Deuteronomio 29:6

Mayo kamong tinapay na makakakan asin arak na maiinom, alagad tinawan kamo kaiyan nin Kagurangnan tanganing maaraman nindo na siya an saindong Dios.

Deuteronomio 32:27

Alagad dai ko matutugotan na magpaabaw-abaw an saindang mga kaiwal sa pagsabing sinda an guminadan sa sakong banwaan, mantang ako an kaggibo kaiyan.’