1 Mga Hade 20:26 - Marahay na Bareta Biblia

²⁶ Pakalihis kan taon, tinipon niya an saiyang mga tawohan asin nagpasiring sinda sa Afek tanganing labanan an Israel.

1 Mga Hade 20:26 ပူးပေါင်းရင်းမြစ်များ

2 Samuel 11:1

Pakatapos kan tig-lipot na iyo an panahon na ipinagduduman sa gera kan mga hade. Sa panahon na iyan, pinalakaw ni David si Joab kaiba an saiyang mga opisyal asin an hukbo nin Israel; dinaog ninda an mga Ammonita asin pinalibotan an syudad nin Rabba. Alagad nagpawalat si David sa Jerusalem.

1 Mga Hade 20:22

Nagduman ki Hadeng Ahab an propeta saka nagsabi, “Bumalik ka, dugangan mo an saimong mga tawohan asin maingat mong planohon an saimong mga gigibohon huli ta pakalihis kan taon, masalakay giraray an hade nin Siria.”

1 Mga Hade 20:25

Dangan magtipon ka nin hukbo na arog kadakul kan nagbaya saimo, na igwa nin pareho kadakul na kabayo asin karwahe. Sa kapatagan ta sinda labanan asin siguradong madadaog ta sinda.” Nag-oyon si Hadeng Ben-hadad asin sinunod an saindang hatol.

1 Mga Hade 20:30

Nagdurulag an mga natadang soldados asin nagralaog sa syudad nin Afek, alagad narumpagan kan kudal kan syudad an beynte y syete mil sainda. Nakadulag man si Ben-hadad pasiring sa syudad asin nagpaili sa pinakatagong kwarto nin sarong harong.

2 Mga Hade 13:17

Dangan sa pagsunod kan pagboot kan propeta, binukasan kan hade an bintana na nakaatubang sa Siria. “Pumana ka!” an pagboot ni Eliseo. Pakatapos na magpana an hade, nagsabi an propeta, “Ika an bosog nin Kagurangnan, sarong bosog para sa kapangganahan laban sa Siria. Lalabanan mo sa Afek an Siria sagkod na madaog mo.”

Josue 13:4

Yaon pa an bilog na daga kan mga Cananeo, asin an Meara na sadiri kan mga Sidoneo, sagkod sa Afek sa pagdolonan kan mga Amoreo;

Josue 19:30

Umma, Afek, asin Rehob: beynte y dos na syudad gabos, kaiba an mga banwa sa palibot kan mga iyan.

Hukom 1:31

Dai man pinahale kan tribu ni Asher an mga tawong nag-eerok sa mga syudad nin Acco, Sidon, Alab, Aczib, Helba, Afek asin Rehob.

1 Samuel 29:1

Tiniripon sa Afek kan mga Filisteo an gabos nindang hukbo, mantang an mga Israelita nagkampo sa may burabod nin Jezreel.

1 Samuel 4:1

Kan panahon na iyan nagtiripon an mga Filisteo tanganing makigera sa Israel, kaya nagluwas an mga Israelita tanganing labanan sinda. Nagkampo an mga Israelita sa Ebenezer mantang an mga Filisteo nagkampo sa Afek.