1 Mga Hade 20:22 - Marahay na Bareta Biblia

²² Nagduman ki Hadeng Ahab an propeta saka nagsabi, “Bumalik ka, dugangan mo an saimong mga tawohan asin maingat mong planohon an saimong mga gigibohon huli ta pakalihis kan taon, masalakay giraray an hade nin Siria.”

1 Mga Hade 20:22 ပူးပေါင်းရင်းမြစ်များ

2 Samuel 11:1

Pakatapos kan tig-lipot na iyo an panahon na ipinagduduman sa gera kan mga hade. Sa panahon na iyan, pinalakaw ni David si Joab kaiba an saiyang mga opisyal asin an hukbo nin Israel; dinaog ninda an mga Ammonita asin pinalibotan an syudad nin Rabba. Alagad nagpawalat si David sa Jerusalem.

1 Mga Hade 19:10

Nagsimbag si Elias, “Dakula an pagmakulog ko para saimo Kagurangnan, Dios nin mga hukbo. Linapas kan banwaan nin Israel an saimong tipan, ginaba ninda an saimong mga altar asin ginadan an saimong mga propeta. Ako na sana an natatada asin hinahanap ninda ako tanganing gadanon.”

1 Mga Hade 20:13

Sarong propeta an nag-abot asin nagsabi ki Hadeng Ahab, “Nagtataram an Kagurangnan, ‘Nahiling mo an kadakul na mga soldados na iyan? Itatao ko sinda saimo ngunyan na aldaw, asin maaaraman mo na ako an Kagurangnan.’”

1 Mga Hade 20:21

Nagluwas si Hadeng Ahab asin binihag niya an mga kabayo saka mga karwahe, dangan ginadan niya an dakul na taga Siria.

1 Mga Hade 20:26

Pakalihis kan taon, tinipon niya an saiyang mga tawohan asin nagpasiring sinda sa Afek tanganing labanan an Israel.

1 Mga Hade 20:38

Naghale an propeta na an mga mata igwa nin tahob na tela tanganing dai siya mamidbidan, asin naghalat sa aagihan kan hade.

1 Mga Hade 22:8

Nagsimbag si Ahab, “Igwa pa nin saro, si Micaias na aking lalaki ni Imla. Alagad kinakaongisan ko siya, huli ta mayo lamang siya nin marahay na propesiya manongod sako; danay na maraot na bagay an saiyang propesiya.” “Dai ka magsabi kaiyan!” an simbag ni Jehosafat.

2 Mga Hade 6:12

Nagsimbag an saro sa sainda, “Mahal na hade, mayo samo nin kampi sa saiya. Si Eliseo na propeta sa Israel an nagsasabi sa saindang hade kan mga itinataram mo sa hilom.”

1 Mga Cronica 20:1

Pakatapos kan tiglipot na iyo an panahon na ipinagduduman sa gera kan mga hade, pinamayohan ni Joab an hukbo asin sinalakay an daga nin Ammon; alagad nagpawalat si David sa Jerusalem. Pinalibotan ninda an syudad nin Rabba, sinalakay asin rinaot.

2 Mga Cronica 25:11

Nagmaisog si Amazias dangan pinamayohan an saiyang hukbo pasiring sa Kapantayan nin Asin. Nakagadan sinda duman nin mga dyes mil na soldados na Edomita,

2 Mga Cronica 25:8

Alagad kun sa paghona mo magigin makosog ka sa gera sa paaging ini, itatao ka nin Dios sa kamot kan saimong mga kaiwal, huli ta an Dios igwa nin kapangyarihan sa pagtao nin kadaogan o kapangganahan.”

Salmo 27:14

Magsarig sa Kagurangnan. Magmaisog, pakosogon an puso. Magsarig sa Kagurangnan!

Mga Talinhaga 18:10

An Kagurangnan arog sa sarong pusog na tore, na pwedeng dumanan kan matanos asin magin ligtas.

Mga Talinhaga 20:18

Maootob an mga plano kun may matanos na hatol; makigera kun igwa nin matanos na plano.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Isaias 42:8

“Ako sana an Kagurangnan na saimong Dios. Mayo nin ibang dios na pwedeng makihiras kan sakong kamurawayan; dai ako matugot na mahirasan kan sakong kaomawan an mga ladawan.

Isaias 8:9

Magtiripon kamo huli sa takot, kamong mga nasyon! Pagdangog kamo, mga harayong kabtang kan kinaban. Mag-andam kamo sa pakilaban, alagad matakot kamo! Iyo, mag-andam kamo, alagad matakot kamo!

Efeso 6:10

Sa kataposan, magin makosog kamo sa pakisumaro sa Kagurangnan, sa kosog kan saiyang kapangyarihan.