1 Mga Hade 20:13 - Marahay na Bareta Biblia

¹³ Sarong propeta an nag-abot asin nagsabi ki Hadeng Ahab, “Nagtataram an Kagurangnan, ‘Nahiling mo an kadakul na mga soldados na iyan? Itatao ko sinda saimo ngunyan na aldaw, asin maaaraman mo na ako an Kagurangnan.’”

1 Mga Hade 20:13 ပူးပေါင်းရင်းမြစ်များ

2 Samuel 10:13

Nagrani si Joab asin an saiyang mga tawohan tanganing makilaban sa mga taga Siria; nagdurulag an mga Siro.

1 Mga Hade 18:39

Kan mahiling ini kan mga tawo, nagdarapa sinda saka nagsarabi, “An Kagurangnan iyo an Dios; an Kagurangnan sana an Dios!”

1 Mga Hade 20:14

“Siisay an mangengenot sa pagsalakay?” an hapot ni Ahab. Nagsimbag an propeta, “Nagtataram an Kagurangnan na an mga hoben na soldados na sakop kan mga gobernador kan mga distrito iyo an mangengenot sa pagsalakay.” “Siisay an mamamayo sa ralaban?” an hapot kan hade. “Ika,” an simbag kan propeta.

1 Mga Hade 20:22

Nagduman ki Hadeng Ahab an propeta saka nagsabi, “Bumalik ka, dugangan mo an saimong mga tawohan asin maingat mong planohon an saimong mga gigibohon huli ta pakalihis kan taon, masalakay giraray an hade nin Siria.”

1 Mga Hade 20:28

Sarong propeta an nagduman ki Hadeng Ahab asin nagsabi, “Iyo ini an itinaram nin Kagurangnan: ‘Huli ta nagsasabi an mga taga Siria na ako sarong dios kan kabukidan asin bako kan kapantayan, tatawan taka nin kapangganahan laban sa dakula nindang hukbo. Dangan maaaraman nindo na ako an Kagurangnan.’”

2 Mga Hade 13:23

alagad nagin maboot asin maheherakon sainda an Kagurangnan. Dai nagtugot an Kagurangnan na magadan sinda, kundi tinabangan niya sinda huli kan saiyang tipan ki Abraham, ki Isaac, asin ki Jacob. Dai niya nalingawan an saiyang banwaan.

2 Mga Hade 3:18

Nagpadagos si Eliseo, “Madali sana ining gibohon nin Kagurangnan; tatawan pa niya kamo nin kapangganahan laban sa mga Moabita.

2 Mga Hade 7:1

Nagsimbag si Eliseo, “Hinanyoga ining sinasabi nin Kagurangnan: ‘Sa aga, sa siring kaining oras, makakabakal ka sa Samaria nin tolong kilo kan pinakamarahay na trigo o anom na kilo nin sebada sa halagang sarong pedaso nin plata.’”

2 Mga Cronica 20:15

Nagtaram si Jahaziel, “Dangoga, O Hadeng Jehosafat, asin kamo gabos na taga Juda saka taga Jerusalem! Nagtataram an Kagurangnan na dai kamo manluya o matakot sa atubang kan dakulang hukbong ini; huli ta bakong saindo an gerang ini kundi sa Dios.

2 Mga Cronica 20:17

Dai kaipuhan na labanan nindo sinda sa gerang ini. Mag-ontok sana kamo sa tamang lugar, dai maggibo nin anoman asin mahihiling nindo an kapangganahan nin Kagurangnan para saindo. Banwaan nin Juda asin Jerusalem, dai kamo manluya o matakot. Lumuwas kamo sa pakilaban sainda, asin iibahan kamo nin Kagurangnan!”

Salmo 83:18

Masabotan logod ninda na ika sana an Kagurangnan; na ika an orog kahalangkaw sa bilog na kinaban.

Exodo 14:18

Sa oras na madaog ko sinda, maaaraman kan mga Egipcio na ako an Kagurangnan.”

Exodo 16:12

“Nadangog ko an mga reklamo kan mga Israelita. Sabihan mo sinda na pagsolnop kan aldaw magkakaigwa sinda nin karne, asin pagkaaga tatawan ko sinda nin bastanteng tinapay. Dangan mamimidbid ninda na ako an Kagurangnan, iyo an saindang Dios.”

Isaias 37:20

Kaya ngunyan, O Kagurangnan na samong Dios, ligtasan kami sa emperador nin Asiria, tanganing maaraman kan gabos na kahadean sa kinaban na ika nanggad sana an Kagurangnan.”

Ezekiel 20:14

Alagad dai ko iyan ginibo huli ta mapapasopog an sakong ngaran sa atubang kan mga nasyon na nakahiling kan iluwas ko an Israel hale sa Egipto.

Ezekiel 20:22

Alagad dai ko iyan ginibo huli ta mapapasopog an sakuyang ngaran sa atubang kan mga nasyon na nakahiling kan iluwas ko an Israel hale sa Egipto.

Ezekiel 6:7

An mga tawo gagadanon maski saen na lugar, asin an mga matatada magmimidbid na ako iyo an Kagurangnan.

Joel 3:17

“Dangan, Israel, maaaraman mo na ako an Kagurangnan na saimong Dios. Nag-eerok ako sa Sion, an banal kong bulod. An Jerusalem magigin banal na syudad; dai na nanggad iyan masasakop kan mga dayuhan.

Josue 10:8

Nagtaram an Kagurangnan ki Josue, “Dai ka matakot sainda. Itinao ko na saindo an kapangganahan. Maski siisay sainda dai nin magiginibo laban saimo.”