1 Mga Hade 20:12 - Marahay na Bareta Biblia

¹² Nakaabot ki Ben-hadad an simbag ni Ahab mantang siya asin an kaibahan niyang mga hade nagbuburat sa saindang mga tolda. Pinagbotan niya an saiyang mga tawohan na mag-andam sa pagsalakay kan syudad; kaya nag-andam an gabos.

1 Mga Hade 20:12 ပူးပေါင်းရင်းမြစ်များ

2 Samuel 13:28

dangan pinagbotan an saiyang mga sorogoon: “Tandaan nindo kun burat na si Amnon; dangan kun sabihan ko kamong, ‘Gadana nindo si Amnon,’ gadanon nindo siya. Dai kamo matakot; ako an bahala. Magmaisog kamo asin dai magduwa-duwa!”

1 Mga Hade 16:9

Alagad pinasaluiban siya ni Zimri na pamayo kan kabanga kan saiyang hukbo na nagsasakay sa mga karwahe. Sarong aldaw duman sa Tirza, mantang nagbuburat si Ela sa harong ni Arza na namamahala kan palasyo,

1 Mga Hade 20:16

An pagsalakay pinoonan pagkaodto mantang si Ben-hadad saka an treynta y dos niyang kaalyansa nagbuburat sa saindang mga tolda.

Jeremias 43:10

Dangan taraman mo sinda na ako, an Kagurangnan nin mga hukbo, an Dios nin Israel, iyo an madara sa lugar na ini sa sorogoon kong si Hadeng Nebukadnezzar nin Babilonia, asin ibubugtak niya an saiyang trono sa ibabaw kan mga gapo na ilinubong mo saka ibibiklad niya an saiyang tolda sa ibabaw kaiyan.

Daniel 5:2

Mantang nag-iirinoman sinda, nagboot si Belsazzar na darahon saiya an mga bulawan saka platang kagamitan na sinamsam kan ama niyang si Nebukadnezzar sa Templo sa Jerusalem. Ipinakua kan hade an mga ini tanganing iyo idto an pag-inoman niya, kan mga iginagalang na lalaki sa palasyo, kan saiyang mga agom, asin mga kasaroan.

Daniel 5:30

Kan banggi man sanang idto ginadan si Belsazzar, an hade nin Babilonia;

Lukas 21:34

“Mag-ingat kamo ta tibaad malugom kamo sa karakanan, irinoman, saka sa kahaditan kan buhay na ini, asin biglang umabot saindo an Aldaw na iyan siring sa sarong siod;

Efeso 5:18

Dai kamo magburat, huli ta mararaot an buhay nindo; kundi mapano logod kamo kan Espiritu.

1 Samuel 25:36

Nagbalik si Abigail ki Nabal, na nagbabangkete sa saiyang harong, sarong bangkete na maninigo sa sarong hade. Burat na si Nabal asin maogma nin marahay, kaya dai siya inosipan ni Abigail sagkod kan sunod na aldaw.