1 Mga Hade 20:1 - Marahay na Bareta Biblia

¹ Tinipon ni Hadeng Ben-hadad nin Siria an gabos niyang hukbo, asin sa tabang kan treynta y dos na mga hade, kaiba an saindang mga kabayo saka mga karwahe, nagpasiring siya sa Samaria. Pinalibotan niya an Samaria dangan sinalakay.

1 Mga Hade 20:1 ပူးပေါင်းရင်းမြစ်များ

1 Mga Hade 15:18

Kaya kinua ni Asa an gabos na plata saka bulawan na natada sa Templo asin sa palasyo, dangan ipinadara niya sa Damasco. An saiyang mga opisyal iyo an nagdara kan mga bagay na ini ki Hadeng Ben-hadad nin Siria, na aking lalaki ni Tabrimon asin makoapo ni Hezion. Siring kaini an ipinasabi ni Asa:

1 Mga Hade 15:20

Nag-oyon si Hadeng Ben-hadad sa alok ni Asa asin ipinadara niya an saiyang mga opisyal saka an saindang mga hukbo tanganing salakayon an mga syudad nin Israel. Nasakop ninda an Ijon, Dan, Abel-bet-maaca, an lugar na harani sa Danaw nin Galilea, asin an bilog na teritoryo nin Neftali.

1 Mga Hade 16:24

Dangan binakal niya an bulod nin Samaria sa halagang anom na ribong pedaso nin plata sa sarong lalaki na an ngaran Semer. An bulod pinapusog ni Omri, tinugdokan nin sarong banwa, asin nginaranan niyang Samaria, sosog sa ngaran ni Semer na dating kagsadiri kan bulod.

1 Mga Hade 20:16

An pagsalakay pinoonan pagkaodto mantang si Ben-hadad saka an treynta y dos niyang kaalyansa nagbuburat sa saindang mga tolda.

1 Mga Hade 20:2

Nagpadara siya nin mga sugo sa laog kan syudad tanganing magsabi ki Ahab na hade nin Israel, “Hinahagad ni Ben-hadad na

1 Mga Hade 20:24

Ini an gibohon mo: haleon mo sa saindang katongdan sa hukbo an treynta y dos na hade na kaibahan mo, asin ribayan mo sinda nin pamayong mga soldados.

1 Mga Hade 22:31

Igwa kaidto nin pagboot an hade nin Siria sa saiyang treynta y dos na kapitan kan mga karwahe na mayo sindang ibang salakayon kundi an hade nin Israel sana.

2 Mga Hade 6:8

Kan an hade nin Siria nakikigera laban sa Israel, kinaolay niya an saiyang mga opisyal asin nagpili siya nin lugar na papatindogan kan saiyang kampo.

2 Mga Hade 8:5

Mantang sinasabi ni Gehazi sa hade kun paano binuhay ni Eliseo an sarong gadan, ipinahayag kan babae an saiyang kahagadan sa hade. Nagsabi si Gehazi, “Mahal na hade, uya an babae, asin uya an saiyang aking lalaki na binuhay ni Eliseo!”

Esdras 7:12

“Hale ki Emperador Artajerjes, para ki Esdras na padi asin paratukdo kan katogonan kan Dios nin langit.

Exodo 14:7

Nagluwas siya kaiba an gabos niyang karwahe, kabilang an seis syentos na piling karwahe; an lambang saro kaini may lunad na opisyal.

Isaias 10:8

Nagsabi siya, “Gabos hade an sakong mga opisyal!

Isaias 37:24

Sa paagi kan saimong mga sorogoon tinuyatuya mo ako, dangan nagsabi ka na huli kan kadakul mong karwahe nasakop mo an halangkaw na kabukidan nin Lebanon. Naghambog ka na pinalod mo duman an pinakahalangkaw na mga sedro dangan an pinakamarahay na mga sipres, asin na naabot mo an pinakapusod kan kadlagan.

Jeremias 49:27

Susuloon ko an mga kudal kan Damasco saka tututongon ko an palasyo ni Hadeng Ben-hadad. Ako, an Kagurangnan nin mga hukbo, an nagtaram.”

Ezekiel 26:7

Nagtataram an Kagurangnan Dios, “Dadarahon ko sa Tiro an pinakadakulang hade—si Hadeng Nebukadnezzar nin Babilonia—tanganing salakayon an Tiro. Madatong siya hale sa amihan kaiba an dakulang hukbo, mga kabayo saka mga karwahe, asin mga soldados na nakakabayo.

Daniel 2:37

Mahal na Hade, ika an pinakadakula sa gabos na hade. An Dios nin langit an naggibo saimong magin emperador, asin tinawan ka niya nin kapangyarihan, kosog saka dangog.

Levitico 26:25

Dadarahan ko kamo nin gera huli sa pagtalikod nindo sa satong tipan, asin kun magdurulag kamo pasiring sa saindong mga syudad, papadarahan ko kamo nin mga helang na mayong karahayan, dangan mapipiritan kamong magsuko sa saindong mga kaiwal.

Amos 1:4

Kaya papadarahan ko nin kalayo an palasyo na pinatindog ni Hadeng Hazael asin susuloon ko an mga bantayan ni Hadeng Ben-hadad.

Deuteronomio 20:1

“Kun magluwas kamo sa pakigera sa saindong mga kaiwal, asin mahiling nindo na mas dakul ki sa saindo an saindang mga kabayo, karwahe asin hukbo, dai kamo matakot sa sainda; kaibahan nindo an Kagurangnan na saindong Dios na nagluwas saindo hale sa Egipto.

Deuteronomio 28:52

Sasalakayon ninda an gabos na banwa na itatao saindo nin Kagurangnan na saindong Dios, sagkod na magkagaraba an haralangkaw asin makokosog na kudal na saindong sinasarigan.

Hukom 1:7

Nagsabi si Adonibezek, “Setentang mga hade na pinurutolan nin mga tanggurangan sa kamot sagkod bitis an nagpurot kan mga rakdag sa irarom kan sakong lamesa; ngunyan ginibo man sako nin Dios an ginibo ko sainda.” Dinara siya ninda sa Jerusalem asin duman siya nagadan.

Hukom 4:3

Si Jabin igwa nin nuebe syentos na karwaheng gibo sa lansang, asin sa laog nin beynteng taon, pinasakitan niya saka inapi an mga Israelita, kaya nag-agrangay sinda sa Kagurangnan tanganing tabangan.

1 Samuel 13:5

Nagtiripon an mga Filisteo tanganing labanan an mga Israelita; igwa sindang treynta mil na karwaheng panggera, anom na ribo na parakabayo, asin mga soldados na siring kadakul kan mga baybay sa tampi kan dagat. Nagduruman sinda sa Micmas, sa sirangan kan Bet-aven, asin duman nagkampo.