1 Mga Hade 2:7 - Marahay na Bareta Biblia

⁷ “Alagad pahilingan mo nin karahayan an mga aking lalaki ni Barsilai na taga Gilead. Tawan mo sinda nin tukawan na kaibahan kan mga nagkakarakan sa saimong lamesa huli ta nagin marahay sinda sako kan magdulag ako sa saimong tugang na si Absalom.

1 Mga Hade 2:7 ပူးပေါင်းရင်းမြစ်များ

Genesis 40:14

Alagad giromdoma man ako kun nasa marahay ka nang kamugtakan, na maonabihan mo ako sa hade asin matabangan na makaluwas digdi sa bilanggoan.

2 Samuel 19:28

An gabos na kaayon sa pamilya nin sakong ama maninigo kutanang gadanon kan mahal na hade, alagad ipinag-iba mo ako sa mga nagkakarakan sa saimong lamesa. Mayo akong deretso na maghagad pa nin ibang karahayan sa mahal na Hade.”

2 Samuel 9:10

Ika, an saimong mga aking lalaki, asin an saimong mga sorogoon iyo an mag-aataman kan daga para ki Mefiboset asin dadarahon mo saiya an ani, tanganing magkakan an saiyang pamilya. Alagad si Mefiboset danay na magkakakan sa sakong lamesa.” (Kinse an aking lalaki ni Ziba asin beynte an saiyang mga sorogoon.)

2 Samuel 9:7

Sinabihan siya ni David, “Dai ka matakot; huli ta maheherakan taka huli ki Jonatan na saimong ama. Ibabalik ko saimo an gabos na daga na dating sadiri kan saimong lolo na si Saul, asin digdi ka magkakakan sa sakong lamesa.”

2 Mga Hade 25:29

Tinugotan si Jehoiakin na maggubing kan bakong sa bilanggo, saka magkakan sa lamesa kan hade mantang siya nabubuhay.

2 Mga Hade 25:30

Aroaldaw, mantang siya nabubuhay, itinao saiya kan hade an saiyang kaipuhan.

Esdras 2:61

An mga kamaganakan kan mga padi na ini dai man nakakua nin mga talaan na makakapatotoo kan saindang ginikanan: Habaias, Hakkoz, asin Barzillai. (An ginikanan kan kamaganakan ni Barzillai nakaagom nin sarong babae na gikan sa kamaganakan ni Barzillai nin Gilead, dangan inarog an ngaran kan kamaganakan nin saiyang panugangan.) Dai sinda inako bilang mga padi huli ta dai ninda napatotoohan an saindang mga ginikanan.

Mga Talinhaga 27:10

Dai mo paglingawan an saimong mga katood, ni an mga katood kan saimong ama. Kun igwa ka nin problema, dai ka magpatabang sa saimong tugang. Orog na matatabangan ka kan katood na nasa harani ki sa tugang na nasa harayo.

Jeremias 52:33

Tinugotan si Jehoiakin na maggubing kan bakong sa bilanggo saka magkakan sa lamesa kan hade mantang siya nabubuhay.

Lukas 12:37

Paladan an mga sorogoon na maabotan kan saindang kagurangnan na bakong torog! Sa katotoohan sinasabihan ko kamo, maandam an kagurangnan nin kakanon, papatukawon sinda saka paglilingkodan.