1 Mga Hade 2:6 - Marahay na Bareta Biblia

⁶ Aram mo na kun ano an dapat gibohon; dai ka magtugot na magadan siya sa natural na paagi.

1 Mga Hade 2:6 ပူးပေါင်းရင်းမြစ်များ

Genesis 42:38

Alagad nagsimbag si Jacob, “Dai nindo pwedeng ipag-iba an aki ko; huli ta gadan na an tugang niya asin siya na sana an natatada. Tibaad may mangyari saiya sa dalan. Gurang na ako asin an kamondoan na dadarahon nindo sako iyo an magadan sako.”

Genesis 9:5

Papadusahan ko an siisay man na maggadan nin tawo. Kagadanan an padusa sa hayop man o tawo na makagadan nin tawo.

Genesis 9:6

An tawo ginibo sa ladawan nin Dios, kaya an siisay man na gumadan sa kapwa niya tawo, gagadanon man kan saiyang kapwa.

2 Samuel 3:39

Maski ako an hade na pinili nin Dios, ako nanluluya ngunyan na aldaw. Sobra para sako an dahas kan mga aking lalaking ini ni Zeruias. Padusahan logod nin Kagurangnan an mga kriminal na ini sosog sa saindang karatan.”

1 Mga Hade 2:7

“Alagad pahilingan mo nin karahayan an mga aking lalaki ni Barsilai na taga Gilead. Tawan mo sinda nin tukawan na kaibahan kan mga nagkakarakan sa saimong lamesa huli ta nagin marahay sinda sako kan magdulag ako sa saimong tugang na si Absalom.

1 Mga Hade 2:9

Alagad dai mo siya pabayaan na dai mapadusahan. Aram mo na kun ano an dapat gibohon; dai ka magtugot na magadan siya sa natural na paagi.”

1 Mga Hade 3:12

itatao ko an saimong hinagad. Tatawan taka nin kadonongan asin pakasabot na orog ki sa mga naenot na saimo o sa mga masurunod pa saimo.

2 Mga Hade 22:20

kaya an padusa na ipapadara ko sa Jerusalem dai mangyayari mantang buhay ka pa. Tutugotan takang magadan sa katoninongan.” Dangan nagbalik an mga sugo ki Hadeng Josias dara an mensaheng ini.

Salmo 37:37

Masdan mo an marahay na tawo, asin hilinga an matanos; an matoninong na tawo igwa nin kapagarakian.

Mga Talinhaga 20:26

Aram kan hadeng madonong an naggigibo nin karatan, asin mayo nin pagkaherak na papadusahan niya an siring na tawo.

Mga Talinhaga 28:17

Pabayaan nindong maglagalag sagkod na magadan an tawong nagkasala nin panggadan; dai nindo siya pagtabangan.

Parahulit 8:11

An mga tawo andam sa paggibo nin karatan, huli ta an krimen dai tolos pinapadusahan.

Isaias 48:22

“Mayo nin kaligtasan para sa mga parakasala,” an sabi nin Kagurangnan.

Isaias 57:2

Nakakakua nin katoninongan saka kapahingaloan sa kagadanan an mga namumuhay na matanos.

Isaias 57:21

Mayo nin kaligtasan para sa mga parakasala,” an sabi kan Kagurangnan.

Isaias 65:20

An mga pasuso dai na magagadan mantang omboy pa, asin an gabos na tawo maghahalawig an buhay. An mga nakakaabot sa edad na sanggatos, ibibilang na aki pa. An magkagaradan bago kan edad na iyan magigin sarong tanda na pinapadusahan ko sinda.

Mga Bilang 35:33

Kun gibohon nindo iyan, didigtaan nindo an dagang pinag-eerokan nindo; huli ta an paggadan nakakadigta sa daga. Kaya pwera kan paggadan sa kriminal mayo na nin ibang paagi tanganing matubos an daga na nabulosan nin dugo kan biktima.