1 Mga Hade 2:4 - Marahay na Bareta Biblia

⁴ Kun kukuyogon mo siya, ootobon nin Kagurangnan an panugang ginibo niya sako: ‘Kun magigin maimbod sako an saimong kapagarakian dangan kun ootobon ninda an sakong mga pagboot sa bilog nindang puso asin kalag, dai ka mahahalean nin kasalihid sa trono nin Israel.’

1 Mga Hade 2:4 ပူးပေါင်းရင်းမြစ်များ

Genesis 17:1

Kan nubenta y nuebe na an edad ni Abram, nagpahiling saiya an Kagurangnan asin nagtaram saiya, “Ako an Makakamhan na Dios; kuyogon mo ako asin danay mong gibohon an matanos.

Genesis 18:19

Pinili ko siya tanganing pagbotan niya an saiyang mga kapagarakian na magsunod sako asin maggibo kan tama saka matanos. Kun gibohon ninda ini, ootobon ko an gabos na ipinanuga ko saiya.”

2 Samuel 7:25

“Kaya ngunyan, O Kagurangnan Dios, otoba sa gabos na panahon an panuga na ginibo mo manongod sako asin sa sakong kapagarakian; giboha siring sa saimong itinaram.

1 Mga Hade 1:48

asin namibi, ‘Pag-omawon an Kagurangnan, an Dios nin Israel, huli ta ngunyan pinagmarahay niyang mahiling ko an saro kan sakong mga aki na nakatukaw sa sakong trono!’”

1 Mga Hade 11:36

Alagad an sarong tribu itatao ko sa saiyang aking lalaki, tanganing danay akong igwa nin sarong kapagarakian kan sorogoon kong si David na naghahade sa Jerusalem, an syudad na pinili ko tanganing bugtakan kan sakong ngaran.

1 Mga Hade 3:14

Asin kun maglalakaw ka sa sakong dalan huli sa pagkuyog kan sakong mga togon saka pagboot siring kan ginibo kan saimong ama na si David, tatawan taka nin halawig na buhay.”

1 Mga Hade 3:3

Namotan ni Solomon an Kagurangnan asin nagkuyog siya sa mga togon kan saiyang ama na si David, alagad nagdolot man siya nin mga sakripisyo asin nagtutong nin insenso sa manlaen-laen na altar.

1 Mga Hade 6:12

“Kun kukuyogon mo an gabos kong mga togon saka pagboot, gigibohon ko para saimo an ipinanuga ko sa saimong ama na si David.

1 Mga Hade 8:23

asin namibi, “O Kagurangnan, Dios nin Israel, mayo nin Dios na arog saimo sa langit asin sa daga! Inootob mo an saimong tipan sa saimong banwaan asin ipinapahiling mo an danay mong pagkamoot sa mga sorogoon mong bilog na pusong nagkukuyog saimo.

1 Mga Hade 8:25

Kaya ngunyan, O Kagurangnan, Dios nin Israel, otobon mo an ibang panuga na ginibo mo sa sakong ama kan taraman mo siya na danay na magkakaigwa siya nin kapagarakian na maghahade sa Israel, kun magkuyog sinda saimo siring kan ginibo niya.

1 Mga Hade 9:5

papatindogon ko sagkod pa man sa Israel an saimong kahadean, siring kan sakong panuga sa saimong ama kan taraman ko siyang, ‘Dai ka mahahalean nin kapagarakian na matukaw sa trono nin Israel.’

2 Mga Hade 20:3

“Giromdoma, O Kagurangnan, na maimbod asin bilog na puso takang pinaglingkodan; ginibo ko an matanos sa saimong atubang.” Dangan nagtangis siya nin makuri.

2 Mga Hade 23:25

Mayo pa nin hade kaidto na arog saiya, na naglingkod sa Kagurangnan sa bilog niyang puso, kalag asin kosog, na nagkuyog kan Katogonan ni Moises. Mayo na man nin nagsunod na hade na arog saiya.

2 Mga Hade 23:3

Nagtindog siya sa kataed kan harigi asin nakipagtipan sa Kagurangnan, na susunodon niya an Kagurangnan, kukuyogon an gabos na togon saka mga pagboot sa bilog niyang puso asin kalag, patin gigibohon an mga kahagadan kan tipan na nasusurat sa libro. Dangan an bilog na banwaan nanuga na ootobon an tipan.

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

2 Mga Cronica 17:3

Benendisyonan nin Kagurangnan si Jehosafat, huli ta sinunod niya an mga naenot na paarog nin saiyang ama. Dai siya nagsamba ki Baal,

2 Mga Cronica 6:16

Kaya ngunyan, O Kagurangnan, Dios nin Israel, otobon mo an ibang panuga na ginibo mo sa sakong ama kan taraman mo siya na danay na magkakaigwa siya nin kapagarakian na maghahade sa Israel, kun magkuyog sinda saimo siring kan ginibo niya.

2 Mga Cronica 7:18

papatindogon ko an saimong kahadean, siring kan sakong panuga sa saimong ama kan taraman ko siyang, ‘An Israel danay na paghahadean kan saimong kapagarakian.’

Salmo 119:9

Ano an gigibohon nin sarong hoben na lalaki tanganing danay na malinig an saiyang dalan? Sa paagi nin pagkuyog kan saimong mga katogonan.

Salmo 37:22

An mga benendisyonan nin Kagurangnan an makakasadiri kan daga, alagad an saiyang mga minaldisyon magkakagaradan.

Salmo 37:9

An daga masasadirihan kan mga nagsasarig sa Kagurangnan; alagad an mga maraot papahaleon duman.

Salmo 39:1

Ako nagsabi, “Mamaanan ko an sakong mga gawe, tanganing dai magkasala an sakuyang dila. Pupugolon ko an sakuyang ngoso, mantang an mga maraot nasa atubang ko.”

Jeremias 33:17

Ako, an Kagurangnan, nanunuga na danay na magkakaigwa nin kapagarakian ni David na maghahade sa Israel,

Levitico 26:3

“Kun kamo mamuhay sosog sa sakuyang mga togon asin magsunod kan sakuyang mga pagboot,

Zacarias 14:2

Titiponon nin Kagurangnan an gabos na nasyon tanganing labanan an Jerusalem. Masasakop an syudad, sasamsaman an mga harong, asin lulupigan an kababaehan. Itatapok an kabanga kan mga tawo, alagad dai bibihagon an kabanga sainda.

Mateo 22:37

Nagsimbag si Jesus, “‘Kamotan mo an Kagurangnan mong Dios sa bilog mong puso, sa bilog mong kalag, asin sa bilog mong isip.’

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

Deuteronomio 10:12

“Banwaan nin Israel, dangoga nindo ngunyan an kahagadan saindo nin Kagurangnan na saindong Dios; magkaigwa kamo nin pagkatakot saiya asin otobon nindo an saiyang mga pagboot. Kamotan nindo an Kagurangnan saka paglingkodan nindo siya sa bilog nindong puso,

Deuteronomio 11:13

“Kaya kuyogon nanggad nindo an gabos na togon na itinao ko saindo ngunyan; kamotan nindo an Kagurangnan na saindong Dios asin paglingkodan nindo siya sa bilog nindong puso.

Deuteronomio 6:5

Kamotan nindo an Kagurangnan na saindong Dios sa bilog nindong puso, sa bilog nindong kalag, asin sa bilog nindong kosog.

Deuteronomio 7:12

“Kun dangogon nindo asin kuyogon an mga togon na ini, ootobon nin Kagurangnan na saindong Dios an saiyang tipan asin ipapahiling niya saindo an saiyang danay na pagkamoot na ipinanuga niya sa saindong mga ginikanan.

Judas 1:24

Pag-omawon siya na makakaingat saindo sa pagkahulog, asin makakadara saindo na malinig asin maogma sa atubang nin saiyang kamurawayan,