1 Mga Hade 2:33 - Marahay na Bareta Biblia

³³ Huli kan saindang pagkagadan, an padusa mahugpa ki Joab asin sa saiyang mga kapagarakian sagkod pa man. Alagad danay na papauswagon nin Kagurangnan an kapagarakian ni David na matukaw sa saiyang trono.”

1 Mga Hade 2:33 ပူးပေါင်းရင်းမြစ်များ

Genesis 42:22

Nagsabi si Ruben, “Sinabihan ko na kamong dai nindo pagkulogon an aki, alagad habo kamong magdangog. Kaya nagbabayad kita ngunyan kan pagkagadan niya.”

2 Samuel 14:9

Nagsabi an babae, “Mahal na hade, anoman an gibohon mo, ako asin an sakong pamilya an babasolon; ika saka an saimong pamilya dai nin kasalan.”

1 Mga Hade 2:32

Papadusahan siya nin Kagurangnan huli ta ginadan niya an duwang lalaking orog na matanos ki sa saiya, si Abner na pamayo kan hukbo nin Israel, asin si Amasa na pamayo kan hukbo nin Juda. Ginadan niya an duwang ini na dai nakakaaram an sakong ama na si David.

1 Mga Hade 2:44

Aram mo an mga karatan na ginibo mo sa sakong ama na si David. Huli kaini papadusahan ka nin Kagurangnan.

1 Mga Hade 8:32

hinanyoga, Kagurangnan, dangan hukoman mo an saimong mga sorogoon. Padusahan mo an nagkasala asin ligtasan an matanos.

2 Mga Hade 5:27

Kaya an helang ni Naaman mapapasaimo asin sa saimong mga kapagarakian sagkod pa man!” Kan maghale si Gehazi, igwa na siya kan helang ni Naaman—an saiyang kublit nagin maputi siring sa ambon.

1 Mga Cronica 17:27

Nakikimaherak ako na bendisyonan mo an sakong kapagarakian tanganing magdanay sinda sagkod pa man sa saimong atubangan; huli ta an saimong bendisyon, O Kagurangnan, bendisyon sagkod lamang.”

Salmo 101:8

Aroaldaw gagadanon ko an gabos na tampalasan sa daga, papahaleon ko sa syudad nin Kagurangnan an gabos na paragibo nin karatan.

Salmo 132:12

Kun otobon kan mga aki mo an sakuyang tipan, asin an mga pagboot na itatao ko sainda, an saindang mga aki matukaw man sa saimong trono sagkod pa man.”

Salmo 21:4

Naghagad siya nin buhay, ini itinao mo; halawig na buhay asin daing kataposan.

Salmo 89:29

Papadanayon ko an saiyang kapagarakian nin mga hade sagkod lamang; an saiyang kahadean magdadanay siring sa kalangitan.

Mga Talinhaga 25:5

Halea sa hade an maraot na mga parahatol, asin magdadanay sa kahadean an hustisya.

Ezekiel 17:19

Kaya ini an tataramon nin Kagurangnan Dios: “Mantang ako an Dios na buhay, papadusahan ko siya huli kan paglapas niya sa tipan na sinumpaan niyang ootobon sa ngaran ko.

Mga Bilang 32:23

Alagad kun dai nindo gibohon an saindong panuga, pinapatanidan ko kamo na magkakasala kamo sa Kagurangnan. Tandaan nanggad nindo; papadusahan kamo huli kan saindong kasalan.

Mateo 27:25

An gabos na tawo nagsimbag, “Kargo mi asin kan mga aki mi an saiyang kagadanan!”

Lukas 2:14

“Pag-omawon an Dios sa kaitaasan asin sa daga katoninongan sa mga tawo na saiyang nawiwilihan!”

Mga Gibo 18:6

Kan sinalungat siya ninda saka pinag-olog-olog, pinagpag niya an alpog sa saiyang gubing dangan sinabihan sinda, “Kamo an babasolon kun kamo mapahamak; bakong ako! Magpoon ngunyan, maduman ako sa mga pagano.”

Hukom 9:24

Nangyari ini tanganing si Abimelec asin an kalalakihan sa Shekem, na nagpakosog kan saiyang boot sa paggadan kan setentang aking lalaki ni Gideon, magbayad kan kasalan na saindang ginibo.