1 Mga Hade 2:32 - Marahay na Bareta Biblia

³² Papadusahan siya nin Kagurangnan huli ta ginadan niya an duwang lalaking orog na matanos ki sa saiya, si Abner na pamayo kan hukbo nin Israel, asin si Amasa na pamayo kan hukbo nin Juda. Ginadan niya an duwang ini na dai nakakaaram an sakong ama na si David.

1 Mga Hade 2:32 ပူးပေါင်းရင်းမြစ်များ

Genesis 4:11

Ngunyan mapapasaimo an sumpa kan daga na nag-ako kan dugo kan saimong tugang na ginadan mo.

Genesis 42:22

Nagsabi si Ruben, “Sinabihan ko na kamong dai nindo pagkulogon an aki, alagad habo kamong magdangog. Kaya nagbabayad kita ngunyan kan pagkagadan niya.”

Genesis 9:6

An tawo ginibo sa ladawan nin Dios, kaya an siisay man na gumadan sa kapwa niya tawo, gagadanon man kan saiyang kapwa.

2 Samuel 1:16

asin sinabihan ni David an Amalekita, “Hinukoman mo an saimong sadiri kan sabihon mong ginadan mo an linahidan nin Kagurangnan.”

2 Samuel 17:25

Si Amasa an ibinugtak ni Absalom na pamayo kan hukbo embes na si Joab. Si Amasa, aking lalaki ni Jeter na Ismaelita; an saiyang ina iyo si Abigail na aki ni Nahas asin tugang ni Zeruias na ina ni Joab.)

2 Samuel 3:29

Humugpa logod an padusa ki Joab asin sa bilog niyang pamilya! Sa lambang henerasyon nin saiyang pamilya, magkaigwa logod nin may helang na turo o daot o magkaigwa nin bakla o magadan sa ralaban o mayong kinakakan!”

2 Samuel 3:37

Kaya nasabotan kan gabos na nasasakopan ni David asin kan bilog na Israel na bakong kabotan kan hade an pagkagadan ni Abner na aking lalaki ni Ner.

2 Samuel 3:39

Maski ako an hade na pinili nin Dios, ako nanluluya ngunyan na aldaw. Sobra para sako an dahas kan mga aking lalaking ini ni Zeruias. Padusahan logod nin Kagurangnan an mga kriminal na ini sosog sa saindang karatan.”

2 Samuel 4:11

Gurano pa daw karaot an sakong gigibohon sa mga maraot na tawo na guminadan nin sarong matanos, na nagkakatorog sa sadiri niyang harong? Bako daw na hahagadon ko sa saindo an saiyang dugo asin paparaon ko kamo sa ibabaw nin daga?”

1 Mga Hade 2:44

Aram mo an mga karatan na ginibo mo sa sakong ama na si David. Huli kaini papadusahan ka nin Kagurangnan.

1 Mga Hade 2:5

“Aram mo an ginibo sako ni Joab na aking lalaki ni Zeruias huli sa paggadan niya ki Abner na aking lalaki ni Ner saka ki Amasa na aking lalaki ni Jeter. Ginadan niya an duwang pamayong ini kan mga hukbo nin Israel sa panahon nin katoninongan bilang balos sa mga dugong pinabulos ninda sa panahon nin gera. Ginadan ni Joab an mga lalaking ini na mayong sala; ngunyan ako an naninimbag asin nagtitios huli kan nangyari.

1 Mga Hade 8:32

hinanyoga, Kagurangnan, dangan hukoman mo an saimong mga sorogoon. Padusahan mo an nagkasala asin ligtasan an matanos.

2 Mga Cronica 21:13

kundi inarog mo an maraot na ginibo kan mga hade nin Israel asin pinangenotan mo an mga banwaan nin Juda saka nin Jerusalem sa pagsombikal sako, siring na an Israel pinangenotan ni Ahab asin kan saiyang mga kasalihid sa pagsombikal sako patin ginadan mo an saimong mga tugang na lalaki na mas marahay ki sa saimo,

2 Mga Cronica 21:14

kaya papadarahan ko nin makatakot na peste an saimong banwaan, an saimong mga aki saka mga agom, patin an gabos mong pagsadiri.

Esther 1:19

Kaya kun pagmarahayon kan Mahal na Hade, magpaluwas ka nin sarong pagboot na si Vasti dai na nanggad makaatubang sa hade. An pagboot na ini iiba mo sa mga katogonan kan Persia saka Media tanganing dai mabago. Dangan itao mo an saiyang katongdan bilang reyna sa sarong mas marahay na babae.

Salmo 7:16

Kaya siya an nagdudusa sa ginibo niyang karatan; nakukulgan kan gibo niyang kadahasan.

Salmo 7:17

Magpapasalamat ako sa Kagurangnan huli kan saiyang katanosan; mag-aawit ako nin kaomawan sa ngaran nin Kahorohalangkaweng Kagurangnan.

Ezekiel 17:19

Kaya ini an tataramon nin Kagurangnan Dios: “Mantang ako an Dios na buhay, papadusahan ko siya huli kan paglapas niya sa tipan na sinumpaan niyang ootobon sa ngaran ko.

Mga Bilang 32:23

Alagad kun dai nindo gibohon an saindong panuga, pinapatanidan ko kamo na magkakasala kamo sa Kagurangnan. Tandaan nanggad nindo; papadusahan kamo huli kan saindong kasalan.

Hukom 9:24

Nangyari ini tanganing si Abimelec asin an kalalakihan sa Shekem, na nagpakosog kan saiyang boot sa paggadan kan setentang aking lalaki ni Gideon, magbayad kan kasalan na saindang ginibo.

Hukom 9:57

Ginibo man nin Dios na magtios an mga taga Shekem huli kan saindang karatan, siring sa maldisyon ni Jotam, na aking lalaki ni Gideon.

1 Samuel 15:28

Sinabihan siya ni Samuel, “Pinakit na saimo nin Kagurangnan an kahadean nin Israel ngunyan na aldaw asin itinao na sa sarong lalaking mas marahay ki sa saimo.