1 Mga Hade 2:31 - Marahay na Bareta Biblia

³¹ “Giboha an sinabi niya,” an simbag ni Solomon. “Gadanon mo siya asin ilubong. Sa paaging iyan, hahaleon mo sako asin sa kapagarakian kan sakong ama an kasalan para sa dugong pinabulos ni Joab na mayo nin dahelan.

1 Mga Hade 2:31 ပူးပေါင်းရင်းမြစ်များ

2 Samuel 3:28

Kan madangog ni David an bareta, nagsabi siya, “Aram nin Kagurangnan na mayo akong sala asin an sakong mga nasasakopan sa pagkagadan ni Abner.

2 Samuel 3:29

Humugpa logod an padusa ki Joab asin sa bilog niyang pamilya! Sa lambang henerasyon nin saiyang pamilya, magkaigwa logod nin may helang na turo o daot o magkaigwa nin bakla o magadan sa ralaban o mayong kinakakan!”

1 Mga Hade 2:30

Naglaog si Benaias sa Tabernakulo asin nagsabi ki Joab, “Ipinagboboot kan hade na lumuwas ka.” “Dai, digdi ako magagadan,” an simbag ni Joab. Nagbalik si Benaias sa hade asin sinabi an simbag ni Joab.

2 Mga Hade 9:26

‘Nahiling ko kasuodma an paggadana ki Nabot asin sa saiyang mga aking lalaki. Nanunuga ako na papadusahan taka digdi sa lugar na ini.’ Kaya buhaton mo an saiyang bangkay asin itapok mo sa daga ni Nabot, tanganing maotob an tataramon nin Kagurangnan.”

Exodo 21:14

Alagad kun tinuyong salakayon an sarong tawo tanganing pasaluib na gadanon, an nakagadan kuahon nindo dangan gadanon maski nakatago na siya sa sakong altar.

Mga Talinhaga 28:17

Pabayaan nindong maglagalag sagkod na magadan an tawong nagkasala nin panggadan; dai nindo siya pagtabangan.

Mga Bilang 35:33

Kun gibohon nindo iyan, didigtaan nindo an dagang pinag-eerokan nindo; huli ta an paggadan nakakadigta sa daga. Kaya pwera kan paggadan sa kriminal mayo na nin ibang paagi tanganing matubos an daga na nabulosan nin dugo kan biktima.

Mga Gibo 28:4

Kan mahiling kan mga taga duman an rimoranon na nagkakalay-kalay sa kamot ni Pablo, nagpasarabi-sabi sinda, “Paragadan talaga an tawong ini, kaya maski nakaligtas siya sa dagat, dai siya itinutugot kan langit na mabuhay pa.”