1 Mga Hade 2:3 - Marahay na Bareta Biblia

³ Giboha an anoman na ipagboot saimo nin Kagurangnan na saimong Dios. Kuyogon mo an gabos niyang togon asin pagboot, siring sa nasusurat sa Togon ni Moises, tanganing minsan saen ka man magduman mag-uswag ka sa gabos mong gibo.

1 Mga Hade 2:3 ပူးပေါင်းရင်းမြစ်များ

2 Samuel 8:14

Nagpatindog siya nin mga kampo nin mga soldados sa Edom, asin nagin sorogoon niya an mga tawo duman. Pinapanggana nin Kagurangnan si David saen man siya magduman.

2 Samuel 8:6

Dangan nagpatindog si David nin mga kampo nin mga soldados sa Damasco; nagin sorogoon niya an mga Siro asin nagbuhis sinda saiya. Pinapanggana nin Kagurangnan si David saen man siya magduman.

1 Mga Hade 3:3

Namotan ni Solomon an Kagurangnan asin nagkuyog siya sa mga togon kan saiyang ama na si David, alagad nagdolot man siya nin mga sakripisyo asin nagtutong nin insenso sa manlaen-laen na altar.

2 Mga Hade 18:7

Kaya inibahan siya nin Kagurangnan asin nag-uswag siya sa gabos niyang gibo. Nagrebelde si Ezekias laban sa hade nin Asiria asin habo na siyang maglingkod saiya.

1 Mga Cronica 29:19

Itao mo ki Solomon na sakuyang aki an tudok sa puso na pagmawot na maotob an saimong mga togon saka mga pagboot, asin na ikapatugdok niya an Templo, na inandaman ko kan mga bagay na ini.”

Salmo 119:111

An saimong mga togon iyo an sakong pamana sagkod lamang; iyan an kaogmahan kan sakong puso.

Salmo 119:138

An itinatao mong mga pagsusundon matanos asin mayong kinikilingan.

Salmo 119:2

Paladan an mga tawong nag-ootob kan saiyang mga kabotan, na nagkukuyog sa saiya sa bilog nindang puso.

Salmo 19:7

An Katogonan nin Kagurangnan mayo nin kulang; nagtataong buhay sa kalag. An mga pagboot nin Kagurangnan masasarigan, nagtataong kadonongan sa mangmang.

Parahulit 12:13

Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Levitico 8:35

Kaya sa laog nin pitong aldaw saka banggi, dai kamo maghale sa may pintoan kan Tabernakulo; padagos na gibohon nindo an ipinagboot nin Kagurangnan, tanganing dai kamo magadan. Iyo iyan an ipinagboot sako nin Kagurangnan.”

Malakias 4:4

“Giromdoma nindo an katukdoan kan sakong sorogoon na si Moises, an mga togon saka mga pagboot na itinao ko saiya sa Bukid nin Sinai na dapat kuyogon kan gabos na tawo sa Israel.

Deuteronomio 29:8

kinua ta an saindang daga asin satong itinao bilang pamana ki Ruben, ki Gad, sagkod sa kabanga kan tribu ni Manases.

Deuteronomio 29:9

Kaya kuyogon nindo an gabos na tataramon kan tipan na ini, tanganing mag-uswag kamo sa gabos nindong gibo.

Deuteronomio 4:1

Dangan sinabihan ni Moises an mga tawo, “Kuyogon nindo an gabos na togon asin pagboot na itinutukdo ko, tanganing mabuhay kamo asin masadirihan nindo an daga na itinatao saindo nin Kagurangnan, an Dios kan saindong mga ginikanan.

Deuteronomio 4:45

mga togon asin pagboot na ipinahayag niya sainda pakahale ninda sa Egipto,

Deuteronomio 4:5

“Itinukdo ko saindo an gabos na togon asin pagboot, siring sa itinaram sako nin Kagurangnan. Kuyogon nindo iyan duman sa daga na lalaogon nindo asin sasadirihon.

Deuteronomio 4:8

Arin na mapangyaring nasyon an igwa nin mga matanos na togon asin pagboot arog kan itinao ko saindo ngunyan na aldaw?

Deuteronomio 5:1

Tinipon ni Moises an bilog na Israel asin sinabihan, “Banwaan nin Israel, dangoga nindo an mga togon asin mga pagboot na itatao ko saindo ngunyan na aldaw. Saboton asin kuyogon nanggad nindo an mga iyan.

Josue 22:5

Kuyogon nanggad nindo an togon na itinao saindo ni Moises: kamotan nindo an Kagurangnan na saindong Dios, gibohon an saiyang kabotan, kuyogon an saiyang mga pagboot, magmaimbod saiya, asin paglingkodan siya sa bilog nindong puso saka kalag.”

Josue 23:6

Kaya kuyogon nanggad nindo asin gibohon an gabos na nasusurat sa libro nin Katogonan ni Moises. Dai nindo paglingawan an arin man kaiyan,

1 Samuel 18:14

asin nagin mapanggana siya sa gabos niyang gibo, huli ta kaiba niya an Kagurangnan.

1 Samuel 18:30

Minaabot an mga hukbo kan mga Filisteo tanganing makilaban; alagad sa lambang gera, orog na mapanggana si David ki sa arin man na opisyal ni Saul. Kaya orog na nagin bantog si David.

1 Samuel 18:5

Nagin mapanggana si David saen man na gera siya ipinadara ni Saul, kaya ginibo siyang opisyal ni Saul sa saiyang hukbo. Ikinaogma ini kan mga opisyal asin kan mga tawohan ni Saul.