1 Mga Hade 2:29 - Marahay na Bareta Biblia

²⁹ Kan maaraman ni Hadeng Solomon na nagdulag si Joab pasiring sa Tabernakulo asin yaon siya sa kataed kan altar, sinugo ni Hadeng Solomon si Benaias tanganing gadanon si Joab.

1 Mga Hade 2:29 ပူးပေါင်းရင်းမြစ်များ

2 Samuel 8:18

si Benaias, na aking lalaki ni Johoiada, iyo an namahala kan mga parabantay ni David, asin an mga aking lalaki ni David iyo an mga padi.

1 Mga Hade 2:25

Dangan sinugo ni Hadeng Solomon si Benaias. Nagluwas si Benaias asin ginadan si Adonias.

1 Mga Hade 2:30

Naglaog si Benaias sa Tabernakulo asin nagsabi ki Joab, “Ipinagboboot kan hade na lumuwas ka.” “Dai, digdi ako magagadan,” an simbag ni Joab. Nagbalik si Benaias sa hade asin sinabi an simbag ni Joab.

1 Mga Hade 2:31

“Giboha an sinabi niya,” an simbag ni Solomon. “Gadanon mo siya asin ilubong. Sa paaging iyan, hahaleon mo sako asin sa kapagarakian kan sakong ama an kasalan para sa dugong pinabulos ni Joab na mayo nin dahelan.

1 Mga Hade 2:46

Dangan pinagbotan kan hade si Benaias; nagluwas si Benaias asin ginadan si Simei. Kaya nagin pusog an kahadean sa palakaw ni Solomon.

Exodo 21:14

Alagad kun tinuyong salakayon an sarong tawo tanganing pasaluib na gadanon, an nakagadan kuahon nindo dangan gadanon maski nakatago na siya sa sakong altar.

Mga Talinhaga 28:17

Pabayaan nindong maglagalag sagkod na magadan an tawong nagkasala nin panggadan; dai nindo siya pagtabangan.

Ezekiel 9:6

Gadanon nindo an mga gurang na lalaki, an mga hoben na lalaki, an mga hoben na babae, mga ina asin mga aki. Alagad dai nindo pagdutaan an siisay man na may marka sa angog. Magpoon kamo digdi sa sakong Templo.” Kaya pinonan ninda an panggagadan huli sa paggadan kan mga lider na nagtitindog duman sa Templo.

1 Pedro 4:17

Nagdatong na an panahon kan pagpoon kan Paghukom nin Dios; huhukoman niyang enot an mga tawong sadiri niya. Kun sato siya magpoon, ano daw an kataposan kan mga tawong dai nagtutubod sa Marahay na Bareta nin Dios?