1 Mga Hade 2:25 - Marahay na Bareta Biblia

²⁵ Dangan sinugo ni Hadeng Solomon si Benaias. Nagluwas si Benaias asin ginadan si Adonias.

1 Mga Hade 2:25 ပူးပေါင်းရင်းမြစ်များ

2 Samuel 1:15

Dangan inapod ni David an saro kan saiyang mga tawohan asin sinabihan, “Gadana an tawong ini!” Ginadan kan tawohan ni David an Amalekita,

2 Samuel 12:10

Kaya magpoon ngunyan, magagadan sa dahas an nagkapira sa saimong kapagarakian sa lambang henerasyon, huli ta tinalikodan mo ako asin saimong kinua an agom ni Urias na Heteo.

2 Samuel 4:12

Pinagbotan ni David an saiyang mga tawohan asin ginadan ninda si Recab saka si Baana. Pinutol ninda an mga kamot saka mga bitis kan duwa, dangan binitay sa harani kan sapa sa Hebron. Alagad kinua ninda an payo ni Isboset asin ilinubong sa lulubngan ni Abner duman sa Hebron.

2 Samuel 8:18

si Benaias, na aking lalaki ni Johoiada, iyo an namahala kan mga parabantay ni David, asin an mga aking lalaki ni David iyo an mga padi.

1 Mga Hade 2:29

Kan maaraman ni Hadeng Solomon na nagdulag si Joab pasiring sa Tabernakulo asin yaon siya sa kataed kan altar, sinugo ni Hadeng Solomon si Benaias tanganing gadanon si Joab.

1 Mga Hade 2:31

“Giboha an sinabi niya,” an simbag ni Solomon. “Gadanon mo siya asin ilubong. Sa paaging iyan, hahaleon mo sako asin sa kapagarakian kan sakong ama an kasalan para sa dugong pinabulos ni Joab na mayo nin dahelan.

1 Mga Hade 2:34

Kaya nagduman si Benaias sa Tabernakulo asin ginadan si Joab; ilinubong siya sa saiyang harong sa kalangtadan.

1 Mga Hade 2:46

Dangan pinagbotan kan hade si Benaias; nagluwas si Benaias asin ginadan si Simei. Kaya nagin pusog an kahadean sa palakaw ni Solomon.

Hukom 15:12

Sinabihan ninda siya, “Nagdigdi kami tanganing gaposon ka asin itao sainda.” Nagsimbag si Samson, “Magsumpa kamo sa sako na dai nindo ako gagadanon.”

1 Samuel 15:33

Nagsabi si Samuel, “Huli kan saimong espada, nawaraan nin aki an kadakul na ina; sa siring na paagi, mawawaraan man nin aki an saimong ina.” Dangan pineredaso ni Samuel si Agag sa atubangan nin Kagurangnan duman sa Gilgal.