1 Mga Hade 2:15 - Marahay na Bareta Biblia

¹⁵ Nagsimbag siya, “Naaaraman mong sako an trono asin naghahalat an bilog na Israel na ako an magtukaw bilang hade. Alagad iba an nangyari, asin nagin hade an sakong tugang huli ta ini an kabotan nin Kagurangnan.

1 Mga Hade 2:15 ပူးပေါင်းရင်းမြစ်များ

2 Samuel 12:24

Dangan rinanga ni David an saiyang agom na si Batsheba. Dinorogan niya si Batsheba, asin nag-aki ini nin lalaki na inapod ni David nin Solomon. Namotan nin Kagurangnan an aki

2 Samuel 15:13

Nagbareta an sarong sugo ki David, “Nagsurumpa na an mga Israelita na masunod ki Absalom.”

2 Samuel 15:6

Siring an ginigibo ni Absalom sa lambang Israelita na minaduman sa hade tanganing hukoman; kaya nabihag niya an puso kan mga Israelita.

2 Samuel 16:18

Nagsimbag si Husai, “Paano ko magigibo iyan? Maapil ako sa pinili kan Kagurangnan, kan mga tawong ini, asin kan gabos na Israelita. Maiba ako saimo.

2 Samuel 7:12

Kun ika magadan dangan ilubong sa kaibahan kan saimong mga ginikanan, gigibohon kong hade an saro kan saimong mga aking lalaki asin papakosogon ko an saiyang kahadean.

1 Mga Hade 1:25

Ngunyan na aldaw naghale siya asin nag-atang nin dakul na baka, karnero, asin mga pinatabang torilyong baka. Inalok niya sa saiyang bangkete an gabos mong aking lalaki, si Joab na pamayo kan saimong hukbo, asin an padi na si Abiatar. Sa oras na ini, nagkakarakan asin nag-iirinom sinda sa kaibahan niya asin nagkukururahaw, ‘Mabuhay si Hadeng Adonias!’

1 Mga Hade 1:38

Pinasakay sa mula ni Hadeng David si Solomon ni Zadok, ni Natan, ni Benaias asin kan mga bantay kan hade asin ipinag-iba ninda sa burabod nin Gihon.

1 Mga Hade 1:39

Kinua sa Tabernakulo kan padi na si Zadok an laogan kan lana nin oliba asin linahidan si Solomon. Pinatanog ninda an trompeta asin kuminurahaw an gabos na tawo, “Mabuhay si Hadeng Solomon!”

1 Mga Hade 1:5

Kan panahon na iyan, si Adonias na an ina iyo si Haggit naghambog na magigin hade siya; nag-andam siya para sa sadiri niya nin mga karwahe, mga nangangabayo, asin singkwentang lalaki na masabay saiya kun siya naglalakaw.

1 Mga Hade 2:14

dangan nagsabi pa ini, “Igwa ako nin hahagadon saimo.” “Ano idto?” an hapot ni Batsheba.

1 Mga Hade 2:16

Igwa ako ngunyan nin hahagadon saimo. Dai mo ako pagsayumahan.” “Ano an hahagadon mo?” an hapot ni Batsheba.

1 Mga Hade 2:22

“Tadaw ta hinahagad mo na itao ko saiya si Abisag?” an hapot kan hade. “Hagadon mo na man para saiya pati an kahadean huli ta matua ko siyang tugang asin kakampi niya an padi na si Abiatar saka si Joab na aking lalaki ni Zeruias.”

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Daniel 2:22

Siya an nagpapahayag kan mga bagay na hararom asin hilom; siya an nakakaaram kun ano an nasa kadikloman, asin napapalibotan siya nin liwanag.