1 Mga Hade 19:9 - Marahay na Bareta Biblia

⁹ Naglaog siya sa sarong lungib tanganing duman na magpaaga. Biglang nagtaram an Kagurangnan saiya, “Elias, ano an ginigibo mo digdi?”

1 Mga Hade 19:9 ပူးပေါင်းရင်းမြစ်များ

Genesis 16:8

Hinapot siya kan anghel, “Hagar, oripon ni Sarai, saen ka hale asin saen ka maduman?” Nagsimbag siya, “Nagdudulag ako ki Sarai na sakong kagurangnan.”

Genesis 3:9

Alagad inapod nin Kagurangnan Dios an lalaki, “Haen ka?”

1 Mga Hade 19:13

Kan madangog ini ni Elias, tinahoban niya an saiyang lalawogon kan saiyang alikboy dangan nagluwas siya saka nagtindog sa pintoan kan lungib. Sarong tingog an nagsabi saiya, “Elias, ano an ginigibo mo digdi?”

Jeremias 2:18

Ano an papakinabangon mo sa pagduman sa Egipto, tanganing mag-inom kan tubig kan Salog nin Nilo? Ano an papakinabangon mo sa pagduman sa Asiria, tanganing mag-inom kan tubig nin Eufrates?

Jeremias 9:2

Kun sa desyerto may lugar pa sana akong maeerokan tanganing makaharayo ako sa sakong banwaan! Gabos sinda bakong maimbod, sarong grupo sinda nin mga parapasaluib.

Jonas 4:5

Nagluwas si Jonas sa syudad asin nagduman sa sirangan na parte kan syudad dangan nagtukaw. Guminibo siya nin sarong sirongan saka duman naghalat kun ano an mangyayari sa Nineve.

Hebreyo 11:38

An kinaban bakong maninigo para sainda. Siring sa mga dayuhan, nakalakop sinda sa mga desyerto sagkod sa kabubuldan. Nag-erok sinda sa mga lungib asin sa mga kalot.