1 Mga Hade 19:3 - Marahay na Bareta Biblia

³ Natakot si Elias, kaya ipinag-iba niya an saiyang sorogoon asin nagdulag siya pasiring sa Beer-sheba sa Juda. Iwinalat duman ni Elias an saiyang sorogoon,

1 Mga Hade 19:3 ပူးပေါင်းရင်းမြစ်များ

Genesis 21:14

Kaya amay pa kan sunod na aldaw, tinawan si Hagar ni Abraham nin pagkakan asin nin sarong laogan na anit na pano nin tubig. Dangan ibinugtak ni Abraham an aki sa likod kan ina asin pinahale na ini. Naghale si Hagar asin nagparalakaw sa kalangtadan nin Beer-sheba.

Genesis 21:31

Kaya an lugar inapod na Beer-sheba, huli ta duman ninda ginibo an kontrata.

1 Mga Hade 4:25

Mantang nabubuhay pa siya, ligtas na namuhay an mga tawo sa Juda asin sa Israel. An lambang pamilya igwa nin sadiring mga poon nin ubas asin higera.

Exodo 2:15

Kan maaraman kan hade an nangyari, naghingowa siyang gadanon si Moises, alagad nagdulag ini pasiring sa Midian tanganing duman na mag-erok. Kan nagtutukaw si Moises sa may bubon, uminabot an pitong aking daraga ni Jetro na padi kan Midian, tanganing magharok nin tubig para sa mga raraan kan mga karnero asin kanding kan saindang ama.

Jeremias 20:9

Alagad kun minasabi ako, “Lilingawan ko an Kagurangnan saka dai na ako mataram sa saiyang ngaran,” garo kalayong naglalaad sa puso ko an saimong tataramon. Hiningowa ko nanggad na itago iyan, alagad dai ko na iyan mapupugol.

Mateo 26:56

Alagad an gabos na ini nangyari nganing maotob an sinurat kan mga propeta.” Dangan binayaan siya kan gabos na disipulo asin nagdurulag.

2 Corinto 12:7

Alagad tanganing dai magdakula an sakong payo huli sa mga nahiling kong mga makangangalas na bagay, tinawan ako nin tiunay sa hawak bilang sugo ni Satanas, tanganing patioson ako asin dai ako magin mapaabaw-abaw.

1 Samuel 27:1

Nagsaboot si David, “Maabot an aldaw na gagadanon ako ni Saul. An pinakamarahay na magigibo ko iyo an magdulag pasiring sa daga kan mga Filisteo; dai na ako pagpaparahanapon ni Saul sa daga nin Israel, asin magigin ligtas ako.”

1 Samuel 8:2

An ngaran kan matua iyo si Joel, asin an ngohod iyo si Abias; sinda an nagin mga hukom sa Beer-sheba.