1 Mga Hade 19:2 - Marahay na Bareta Biblia

² Dangan pinadarahan ni Jezebel si Elias nin mensahe: “Gadanon logod ako kan mga dios kun sa siring kaining oras sa aga dai ko gibohon saimo an bagay na ginibo mo sa mga propeta.”

1 Mga Hade 19:2 ပူးပေါင်းရင်းမြစ်များ

2 Samuel 19:13

Tinugon man ni David an mga padi na sabihan si Amasa, “Kadugo taka. Poon ngunyan, ika an ibubugtak kong pamayo kan hukbo embes na si Joab. Gadanon logod ako nin Dios kun dai ko iyan gibohon!”

2 Samuel 3:9

Nanuga an Kagurangnan ki David na hahaleon niya an kahadean ki Saul asin sa saiyang kapagarakian dangan gigibohon niyang hade si David sa Israel saka sa Juda, magpoon sa sarong poro kan daga sagkod sa ibong na poro. Ngunyan, gadanon logod ako nin Dios kun dai ko papangyarihon iyan!”

1 Mga Hade 2:23

Dangan nagsumpa si Hadeng Solomon sa ngaran nin Kagurangnan, “Padusahan logod ako nin Dios sagkod na magadan kun dai ko gadanon si Adonias huli kan kahagadan niyang ini!

1 Mga Hade 2:28

An pangyayaring ini nakaabot ki Joab. (Nag-apil siya ki Adonias, alagad dai siya nag-apil ki Absalom.) Kaya nagdulag siya pasiring sa Tabernakulo asin nagpugol sa mga sungay kan altar.”

1 Mga Hade 20:10

hale ki Ben-hadad: “Madara ako nin dakul na lalaki na magaba kan syudad mong ini, dakul na lalaki na pwedeng magdara sa saindang mga kamot kan gabos na alpog nin Samaria. Gadanon logod ako kan mga dios kun dai ko gibohon ini!”

2 Mga Hade 19:22

Siisay sa paghona mo an saimong pinagtutuyatuya asin pinag-oolog-olog? Ako, an banal na Dios nin Israel, dai mo ginalangan.

2 Mga Hade 6:31

Nagsabi an hade, “Gadanon logod ako nin Dios kun dai ko papugotan si Eliseo ngunyan na aldaw!”

Exodo 10:28

“Humale ka sa atubangan ko,” an sabi niya ki Moises. “Dai ka na magpahiling sako! Sa oras na mahiling taka, magagadan ka!”

Exodo 15:9

Nagsabi an kaiwal, ‘Lalamagon ko sinda asin dadakopon; saindang kayamanan sakong babangaon; gabos na magustohan sakong kukuahon asin sa bagsik kan espada gabos sasamsamon.’

Mga Talinhaga 27:1

Dai mo ipaghambog an noodma, huli ta dai mo aram kun ano an mangyayari sa aldaw na iyan.

Jeremias 20:10

Nadadangog kong naghihinghing an lambang saro, “An katakotan yaon sa gabos na lugar! Kaya isumbong ta siya sa mga awtoridad!” Maski an harani kong mga katood nagmamawot kan sakong kapahamakan. “Tibaad pwede siyang madaya,” an sabi ninda; “dangan madadakop saka mababalos ta siya.”

Jeremias 26:21

Kan an itinaram ni Urias maaraman ni Hadeng Jehoiakim asin kan mga soldados saka mga opisyal kaini, hiningowa kan hade na gadanon si Urias. Alagad naaraman ini ni Urias; kaya sa katakotan, nagdulag siya saka nagtago sa Egipto.

Daniel 3:15

Ngunyan pagkadangog nindo kan tanog kan trompeta, plawta, lira, gimbal, arpa, asin kan gabos na instrumento, magduko kamo asin magsamba sa estatwa. Kun dai kamo magsamba, itatapok kamo tolos sa nagkakalayong horno. Sa paghona nindo igwa nin dios na maligtas saindo?”

Ruth 1:17

Saen ka man magadan, duman ako magagadan, asin duman ako ilulubong. Mapasako logod an pinakamagabat na padusa nin Kagurangnan kun tutugotan kong ikasiblag ako saimo kan ano man na bagay maski kan kagadanan.”