1 Mga Hade 19:15 - Marahay na Bareta Biblia

¹⁵ Nagsabi an Kagurangnan, “Bumalik ka sa kalangtadan na harani sa Damasco, dangan lumaog ka sa syudad saka lahidan mo si Hazael bilang hade nin Siria;

1 Mga Hade 19:15 ပူးပေါင်းရင်းမြစ်များ

Genesis 14:15

Pag-abot ninda duman, binaranga ni Abram sa nagkapirang grupo an saiyang tawohan, asin pagkabanggi sinalakay ninda an kalaban na saindang dinaog. Linamag niya sinda sagkod sa Hobah, sa amihan kan Damasco

2 Mga Hade 8:28

Inibahan ni Hadeng Ahazias si Hadeng Joram nin Israel sa pakigera ki Hadeng Hazael nin Siria. Duman sa Ramot-gilead nagralaban an mga hukbo asin nalugadan si Joram.

2 Mga Hade 9:14

Dangan nagplano si Jehu kan saiyang gigibohon ki Hadeng Joram mantang ini yaon sa Jezreel. Nagpapabolong kaidto si Joram kan mga lugad na nakua niya sa pakilaban sa Ramot-gilead laban ki Hadeng Hazael nin Siria. Sinabihan ni Jehu an kapwa niya opisyal, “Kun kaapil ko kamo, mangnohon nanggad nindo na dai nin makaluwas sa Ramot-gilead tanganing magpatanid sa Jezreel.”

Isaias 45:1

Pinili nin Kagurangnan si Ciro na magin hade. Pinili niya ini nganing sakopon an mga nasyon; sinusugo niya siya tanganing halean nin kapangyarihan an mga hade; bubukasan nin Kagurangnan an mga trangkahan nin mga syudad para saiya. Sinasabihan nin Kagurangnan si Ciro,

Jeremias 1:10

Itinatao ko saimo ngunyan an kapangyarihan sa mga nasyon saka sa mga kahadean, sa paggabot saka sa pagraot, sa paggaba saka sa paglaglag, asin sa pagtugdok patin sa pagtanom.”

Amos 1:4

Kaya papadarahan ko nin kalayo an palasyo na pinatindog ni Hadeng Hazael asin susuloon ko an mga bantayan ni Hadeng Ben-hadad.