1 Mga Hade 19:12 - Marahay na Bareta Biblia

¹² Pakatapos kan linog nagkaigwa nin sarong kalayo, alagad mayo sa kalayo an Kagurangnan. Dangan pakatapos kan kalayo nadangog niya an sarong maluway na tingog.

1 Mga Hade 19:12 ပူးပေါင်းရင်းမြစ်များ

Genesis 15:17

Kan solnop na an aldaw asin madiklom na, sarong nag-aasong koron saka sarong naglalaad na karaba an biglang nagtunga dangan nag-agi sa pagultanan kan binaraak na mga hayop.

1 Mga Hade 18:38

Dangan naghulog an kalayo nin Kagurangnan; tinutong kaini an atang, an igatong asin an mga gapo saka an daga. Nagmara an tubig sa kali.

2 Mga Hade 1:10

Alagad nagsimbag si Elias, “Kun ako sarong sorogoon nin Dios, maghugpa logod an kalayo hale sa langit asin gadanon ka saka an saimong mga soldados!” Dangan naghugpa an kalayo asin ginadan an opisyal sagkod an saiyang mga soldados.

2 Mga Hade 2:11

Padagos sindang nag-oolay mantang naglalakaw. Dangan biglang nagpatahaw sainda an sarong karwahe na kalayo na guyod nin mga kabayong kalayo, asin isinakat si Elias sa langit sa paagi nin aripuros.

An Libro ni Job 33:7

Kaya mayo nin dahelan na matakot ka sako; dai taka dadaogon.

An Libro ni Job 4:16

Nagtindog an espiritu. Sakong minaanan, alagad dai ko masabi kun ano idto. Sarong porma an nasa atubang ko; dangan hale sa mayong ribok na kapalibotan, sarong tingog an sakong nadangog:

Exodo 3:2

Nagpahiling saiya duman an anghel nin Kagurangnan sa laad nin kalayo na naghahale sa tahaw kan sarong marambong na tinanom. Nahiling niya na nagkakalayo an marambong na tinanom alagad dai man ini nasusulo.

Exodo 34:6

Nag-agi an Kagurangnan sa atubangan niya asin nagtaram, “Ako, an Kagurangnan, iyo an Dios na maugayon asin maheherakon, an dai tolos naaanggot asin ipinapahiling ko an danay kong pagkamoot saka pagkamaimbod.

Zacarias 4:6

Tinaraman ako kan anghel na itao ki Zerubabel an mensaheng ini na hale sa Kagurangnan: “Magigin mauswag ka, bakong huli sa kosog nin hukbo o huli sa sadiri mong kosog, kundi huli sa sakong espiritu.

Mga Gibo 2:2

Dangan bigla sanang nagkaigwa nin tanog na hale sa langit siring sa hagubohob nin makosog na doros; napano kaini an bilog na harong na pinagtitiponan ninda.

Deuteronomio 4:15

“Kan magtaram saindo an Kagurangnan hale sa kalayo duman sa Bukid nin Sinai, mayo kamong nahiling na ano man na porma. Kaya magmaan kamo

Deuteronomio 4:33

Igwa daw nin banwaan na arog saindo na nakadangog sa sarong dios na nagtaram hale sa kalayo, asin padagos na nabuhay?

Hebreyo 12:29

huli ta an satong Dios garo kalayong nanghahalon.