1 Mga Hade 19:11 - Marahay na Bareta Biblia

¹¹ Nagtaram an Kagurangnan, “Luwas asin tindog sa alitoktok kan bukid sa atubangan ko.” Dangan nag-agi an Kagurangnan asin sarong makosog na doros an nagbanga kan kabukidan asin nagparasa kan kagapoan, alagad mayo sa doros an Kagurangnan. Nag-ontok sa paghuyop an doros, dangan nagkaigwa nin linog, alagad mayo sa linog an Kagurangnan.

1 Mga Hade 19:11 ပူးပေါင်းရင်းမြစ်များ

An Libro ni Job 38:1

Dangan hale sa sarong makosog na doros sinimbag nin Kagurangnan si Job:

Salmo 50:3

Nagdadangadang an samong Dios, dai nag-aalo; sa atubangan niya, nanghahalon na kalayo; sa palibot niya, sarong makosog na bagyo.

Salmo 68:8

naglinog an daga, nag-uran an kalangitan sa presensya nin Dios; naglinog an Sinai sa presensya nin Dios, an Dios nin Israel.

Salmo 68:9

O Dios, pinauran mo nin makosog asin pinauswag mo an saimong naalang na daga;

Exodo 19:16

Pagkaaga kan ikatolong aldaw, nagkaigwa nin daguldol saka kikilat, nagtunga sa bukid an sarong mahibog na panganoron asin nadangog an makosog na tanog kan trompeta. An gabos na tawo sa kampo nagtarakig sa takot.

Exodo 19:20

Huminilig an Kagurangnan sa alitoktok kan bukid asin inapod niya si Moises, kaya nagtukad ini.

Exodo 20:18

Kan madangog kan mga tawo an daguldol saka an tanog kan trompeta asin kan mahiling ninda an kikilat sagkod an nag-aasong bukid, nagtarakig sinda sa takot; kaya nagtirindog sinda sa harayo.

Exodo 24:12

Nagtaram an Kagurangnan ki Moises, “Tumukad ka sa bukid pasiring sako asin maghalat ka huli ta itatao ko saimo an duwang tablang gapo na sinuratan ko kan mga togon asin kan mga pagboot na itutukdo mo sa mga tawo.”

Exodo 24:18

Nagpadagos sa pagtukad sa bukid si Moises pasiring sa panganoron. Nag-erok siya duman sa laog nin kwarentang aldaw asin kwarentang banggi.

Exodo 34:2

Kaipuhan andam ka na noodmang aga asin tumukad ka sa Bukid nin Sinai sa pagsabat sako duman sa alitoktok kan bukid.

Exodo 34:6

Nag-agi an Kagurangnan sa atubangan niya asin nagtaram, “Ako, an Kagurangnan, iyo an Dios na maugayon asin maheherakon, an dai tolos naaanggot asin ipinapahiling ko an danay kong pagkamoot saka pagkamaimbod.

Isaias 30:30

Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Ezekiel 1:4

Nagtingkalag ako asin nahiling ko an sarong bagyo na nagdadangadang hale sa amihan. May kikilat na nagluluwas hale sa sarong dakulang panganoron, asin nagliliwanag nin marahay an palibot kaini. Sa tahaw kan kikilat, igwa nin nagkikintab na garo bronse.

Ezekiel 37:7

Kaya nagpropesiya ako siring sa ipinagboot sako. Mantang nagtataram ako, nakadangog ako nin ribok saka nin kinamaskamas, asin an mga tolang nagpoon na magsurugponan.

Nahum 1:3

An Kagurangnan bakong madaling maanggot, alagad mapangyari siya asin pinapadusahan nanggad niya an may kasalan. Sa linalakawan nin Kagurangnan, minatunga an mga bagyo; an mga panganoron iyo an alpog na nasusudsod kan saiyang mga bitis!

Zacarias 14:5

An kapantayan na ini na minabanga kan bukid iyo an saindong aagihan sa pagdulag. Madulag kamo arog kan mga ginikanan nindo kan maglinog sa panahon ni Hadeng Uzzias nin Juda. Dangan madatong an Kagurangnan na sakong Dios, kaiba an gabos niyang mga anghel.

Zacarias 4:6

Tinaraman ako kan anghel na itao ki Zerubabel an mensaheng ini na hale sa Kagurangnan: “Magigin mauswag ka, bakong huli sa kosog nin hukbo o huli sa sadiri mong kosog, kundi huli sa sakong espiritu.

Mateo 24:7

Huli ta an sarong nasyon malaban sa kapwa nasyon; an sarong kahadean malaban sa kapwa kahadean. Magkakaigwa nin gutom asin paglinog saen man na lugar.

Mateo 28:2

Biglang naglinog nin makosog huli ta may sarong anghel nin Kagurangnan na naghilig hale sa langit, nagduman sa lulubngan, pinaligid an gapo na nakatakop dangan tuminukaw sa ibabaw kaiyan.

Hebreyo 12:26

An saiyang tingog nakayugyog kan daga kaidto, alagad ngunyan nanunuga siya, “Sarong beses ko pang yuyugyogon bako sana an daga kundi pati an langit.”

Kapahayagan 11:19

Dangan nabuksan an templo nin Dios sa langit, kaya nahiling an Kaban nin Tipan nin Dios. Nagkaigwa nin mga kikilat, hagubohob, daguldol, linog saka makosog na uran nin yelo.

Kapahayagan 16:18

Nagkaigwa nin kikilat, makosog na urogudog, daguldol saka makosog na linog. Mayo pa nin siring kakosog na linog poon na lalangon an tawo; ini an pinakakosog sa gabos!

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.

1 Samuel 14:15

Nagkatarakot an gabos na Filisteo sa saindang namumugtakan; tinarakigan an mga parasalakay saka an mga soldados na nasa kampo huli sa takot; naglinog an daga, asin nagkaigwa nin dakulang kariribokan.