1 Mga Hade 19:10 - Marahay na Bareta Biblia

¹⁰ Nagsimbag si Elias, “Dakula an pagmakulog ko para saimo Kagurangnan, Dios nin mga hukbo. Linapas kan banwaan nin Israel an saimong tipan, ginaba ninda an saimong mga altar asin ginadan an saimong mga propeta. Ako na sana an natatada asin hinahanap ninda ako tanganing gadanon.”

1 Mga Hade 19:10 ပူးပေါင်းရင်းမြစ်များ

1 Mga Hade 18:10

Sa ngaran kan buhay na Kagurangnan na saimong Dios, minasumpa ako na ipinahanap ka kan hade sa lambang daga sa kinaban. Kun an pamayo kan daga minapahayag na mayo ka na sa saiyang daga, pinapasumpa ni Ahab an pamayong idto na dai ka mananggad manumpongan.

1 Mga Hade 18:17

Pakahiling ni Ahab ki Elias, nagsabi siya, “Uya ka palan—an pinakamaraot na paraparibok sa Israel?”

1 Mga Hade 18:20

Kaya an bilog na Israel asin an mga propeta ni Baal tinipon ni Ahab sa Bukid nin Carmelo.

1 Mga Hade 18:22

Nagpadagos sa pagtaram si Elias, “Ako na sana an natatadang propeta kan Kagurangnan, alagad igwa nin kwatro syentos singkwentang propeta si Baal.

1 Mga Hade 18:30

Dangan sinabihan ni Elias an mga tawo, “Rumani kamo sakuya.” Nagrani saiya an gabos. Hinirahay niya an naraot na altar nin Kagurangnan.

1 Mga Hade 18:4

asin kan ginagadan ni Jezebel an mga propeta kan Kagurangnan, ilinigtas ni Obadias an sanggatos kan mga propetang ini. Binanga niya an mga propeta sa duwang grupo na tigsingkwenta, dangan tinago sa mga lungib; tinawan niya sinda nin kakanon saka inomon.)

1 Mga Hade 19:14

Nagsimbag siya, “Dakula an pagmakulog ko para saimo, Kagurangnan, Dios nin mga hukbo. Linapas kan banwaan nin Israel an saimong tipan, ginaba ninda an saimong mga altar asin ginadan an saimong mga propeta. Ako na sana an natatada asin hinahanap ninda ako tanganing gadanon.”

1 Mga Hade 19:2

Dangan pinadarahan ni Jezebel si Elias nin mensahe: “Gadanon logod ako kan mga dios kun sa siring kaining oras sa aga dai ko gibohon saimo an bagay na ginibo mo sa mga propeta.”

1 Mga Hade 20:13

Sarong propeta an nag-abot asin nagsabi ki Hadeng Ahab, “Nagtataram an Kagurangnan, ‘Nahiling mo an kadakul na mga soldados na iyan? Itatao ko sinda saimo ngunyan na aldaw, asin maaaraman mo na ako an Kagurangnan.’”

1 Mga Hade 20:22

Nagduman ki Hadeng Ahab an propeta saka nagsabi, “Bumalik ka, dugangan mo an saimong mga tawohan asin maingat mong planohon an saimong mga gigibohon huli ta pakalihis kan taon, masalakay giraray an hade nin Siria.”

1 Mga Hade 20:35

Sa pagboot nin Kagurangnan, saro sa mga kaayon sa grupo nin mga propeta an nagsugo sa sarong kapwa propeta na suntokon siya. Alagad nagsayuma an sinugo,

1 Mga Hade 22:8

Nagsimbag si Ahab, “Igwa pa nin saro, si Micaias na aking lalaki ni Imla. Alagad kinakaongisan ko siya, huli ta mayo lamang siya nin marahay na propesiya manongod sako; danay na maraot na bagay an saiyang propesiya.” “Dai ka magsabi kaiyan!” an simbag ni Jehosafat.

2 Mga Hade 10:16

Nagsabi si Jehu, “Umiba ka sako tanganing mahiling mo an sakong kaimbodan sa Kagurangnan.” Sabay sinda sa sarong karwahe na nagduman sa Samaria.

Nehemias 9:26

“Alagad an saimong banwaan nagrebelde asin dai nagkuyog saimo; nagtalikod sinda sa saimong katogonan. Ginadan ninda an mga propeta na nagpatanid sainda, na nagtaram sainda na dai magtalikod saimo. Dakul na beses sindang naglanghad saimo,

Salmo 119:126

Panahon na tanganing maghiro ka, Kagurangnan, huli ta linalapas nin mga tawo an saimong katogonan.

Salmo 119:139

An sakong kaanggotan naglalaad siring sa kalayo, huli ta linilingawan nin sakong mga kaiwal an saimong mga tataramon.

Salmo 119:26

Kan ikinumpisal ko an sakong mga gibo, sinimbag mo ako; tukdoan sako an saimong mga pagboot.

Salmo 69:9

An pagkamoot ko sa saimong Templo minalaad siring sa kalayo; an mga pagduhagi saimo minahugpa sako.

Salmo 78:37

An saindang puso bakong dayupot sa saiya; bako sindang maimbod sa saiyang tipan.

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Exodo 34:14

“Dai kamo magsamba sa ibang dios, huli ta ako an Kagurangnan, na an ngaran Maimon, sarong maimon na Dios.

Isaias 49:4

Alagad nagsabi ako, “Mayong pakinabang an sakong kapagalan! Mayo na akong kosog, alagad mayo man akong naginibohan.” Alagad totoong nasa Kagurangnan an sakong katanosan, asin nasa Dios an sakong balos.

Jeremias 2:30

Pinadusahan taka, alagad mayo ini nin ibinungang karahayan; habo mong sagweon taka. Arog kan maringis na leon, ginadan mo an saimong mga propeta.

Jeremias 36:26

Dangan pinagbotan kan hade si Prinsipe Jerameel, si Seraias na aking lalaki ni Azriel saka si Selemias na aking lalaki ni Abdeel, na dakopon ako saka si Baruc na sakong sekretaryo. Alagad itinago kami nin Kagurangnan.

Oseas 5:11

Naaapi an Israel; nawara an daga na sadiri niya, huli ta binoot nanggad niyang magsunod sa mga mayong ikakatabang.

Mikas 6:16

Mangyayari iyan huli ta sinunod mo an mga maraot na gawe ni Hadeng Omri asin kan aki niyang si Ahab. Pinapadagos mo an saindang mga pagboot, kaya dadarahan taka nin karatan, asin pagngingisihan ka kan gabos. Pag-oolog-ologon ka kan mga tawo saen man na lugar.”

Mikas 7:2

Mayo na minsan sarong onestong tawo sa daga, mayo maski sarong maimbod sa Dios. An gabos naghahalat kan tamang panahon tanganing manggadan. An lambang saro naghahanap kan saiyang kapwa tanganing gadanon.

Mga Bilang 25:11

“Huli kan ginibo ni Finehas, dai na ako anggot sa banwaan nin Israel. Dai siya nagtugot na pagsambahon an ibang dios kundi ako sana, kaya dai ko sinda inubos sa sakuyang kaanggotan.

Mga Bilang 25:13

An pagkapadi magdadanay saiya asin sa saiyang kapagarakian huli ta ipinahiling niya an saiyang kaimbodan sa saiyang Dios, asin binayadan niya an kasalan kan mga tawo.”

Juan 2:17

Naromdoman kan mga disipulo niya an nasasabi sa kasuratan, “O Dios, an pagmakulog ko para sa saimong harong naglalaad siring sa kalayo.”

Deuteronomio 31:16

Dangan nagtaram an Kagurangnan ki Moises, “Madali ka nang magadan; pagkagadan mo, masamba an banwaan na ini sa mga dios-dios sa dagang lalaogon ninda. Tatalikodan ninda ako asin lalapason an tipan na ginibo ko sainda.

Hebreyo 11:37

Ginapo sinda, binaak nin lagadi an saindang hawak, o ginadan sa espada. May naglagaw-lagaw na nakagubing kan anit nin karnero saka kanding—dukha, pinasakitan, saka inapi.