1 Mga Hade 18:7 - Marahay na Bareta Biblia

⁷ Mantang naglalakaw si Obadias, sinabat siya ni Elias. Namidbid siya ni Obadias, nagdapa, dangan naghapot, “Ika mananggad an kagurangnan kong si Elias?”

1 Mga Hade 18:7 ပူးပေါင်းရင်းမြစ်များ

Genesis 18:12

Kaya napangisi si Sara asin nagsabi sa iya man sana, “Ngunyan na pareho na kaming gurang nin marahay kan sakong agom makakakua pa daw ako nin kaogmahan sa pakipagdorog saiya?”

Genesis 18:2

nagtingkalag siya asin nahiling niya an tolong lalaki na nagtitindog duman. Sinabat niya tolos sinda, nagdapa sa daga

Genesis 44:16

Nagsimbag si Juda, “Ano pa an samong masasabi saimo, kagurangnan? Paano mi sasabihon na mayo kaming sala? Ipinahiling nin Dios an samong kasalan. Oripon mo na kami gabos, bako sana an nakuahan kan kalis.”

Genesis 44:20

dangan sinimbag mi ika nin, ‘Igwa pa kami nin ama na gurang na asin nin sarong tugang na namundag saiya kan siya gurang na. Gadan na an tugang kan ngohod mi, asin siya na sana an buhay sa mga aki kan saiyang ina; namomotan siya nin marahay kan saiyang ama.’

Genesis 44:33

Kaya, kagurangnan, ako na sana an gibohon mong oripon embes na an aki; tugotan mo siyang magpuli kaiba kan saiyang mga tugang.

Genesis 50:18

Nagduman man ki Jose an saiyang mga tugang asin nagduko sa saiyang atubang. Nagsabi sinda, “Uya kami sa atubang mo bilang mga oripon.”

2 Samuel 19:18

Nagbalyo sinda sa salog tanganing ibahan an grupo kan hade sa pagbalyo niya asin sa paggibo kan anoman na boot ipagibo kan hade. Kan nag-aandam na an hade sa pagbalyo sa salog, nagdapa si Simei sa atubangan ni David

1 Mga Hade 11:29

Sarong aldaw, nagluwas si Jeroboam sa Jerusalem asin sinabat siya sa dalan kan propetang si Ahias na taga Shilo. An propeta nakasulot nin bagong alikboy asin sinda sanang duwa an yaon duman sa kahiwasan.

1 Mga Hade 18:6

Nagkaoyon sinda kun arin na parte kan daga an sisiyasaton kan lambang saro sainda; dangan naglakaw sinda sa magkaibang direksyon.

1 Mga Hade 18:8

“Iyo,” an simbag ni Elias, “Dumuman ka sa saimong hade dangan sabihan mo siya na uya ako.”

Isaias 60:14

An mga aking lalaki kan nang-api saimo madaratong asin maduruko kan saindang payo sa pagpahiling kan saindang paggalang. An gabos na nag-olog-olog saimo magsasamba sa saimong pamitisan. Aapodon ka nindang, ‘An Syudad kan Kagurangnan,’ ‘Sion, an Syudad kan Banal na Dios nin Israel.’

Mga Bilang 12:11

nagtaram siya ki Moises, “Nakikimaherak ako saimo na dai mo kami pagpadusahan huli kan naginibo ming kalolongan asin kasalan.

Mateo 11:8

Ano an boot nindong mahiling duman? Sarong tawong nakagubing nin mamahalon? An mga tawong naggugubing nin arog kaiyan nag-eerok sa mga palasyo!

Mateo 3:4

An gubing ni Juan gibo sa mga buhok nin kamelyo, may hagkos siyang anit. An kakanon niya doron asin dugos.

1 Samuel 20:41

Pakahale kan hoben, nagluwas si David hale sa likodan kan tambak nin mga gapo dangan makatolong beses siyang nagdapa sa daga. Parehong naghihibi na naghadokan si David saka si Jonatan; orog an kamondoan ni David ki sa ki Jonatan.