1 Mga Hade 18:5 - Marahay na Bareta Biblia

⁵ Nagsabi si Ahab ki Obadias, “Liboton ta an daga asin hilingon ta an lambang burabod saka kapantayan; tibaad makakua kita nin mga doot tanganing dai magadan sa gutom an mga kabayo saka mula, asin tanganing dai mainaan an bilang kan satong mga hayop.”

1 Mga Hade 18:5 ပူးပေါင်းရင်းမြစ်များ

1 Mga Hade 18:4

asin kan ginagadan ni Jezebel an mga propeta kan Kagurangnan, ilinigtas ni Obadias an sanggatos kan mga propetang ini. Binanga niya an mga propeta sa duwang grupo na tigsingkwenta, dangan tinago sa mga lungib; tinawan niya sinda nin kakanon saka inomon.)

1 Mga Hade 18:6

Nagkaoyon sinda kun arin na parte kan daga an sisiyasaton kan lambang saro sainda; dangan naglakaw sinda sa magkaibang direksyon.

Salmo 104:14

An doot pinapatalubo mo para sa mga baka, an tinanom para sa mga kaipuhan nin tawo, nganing magkaigwa siya nin kakanon hale sa daga,

Jeremias 14:3

Sinugo kan mayayaman an saindang mga sorogoon tanganing magharok; nagduman sinda sa mga bubon, alagad mayo sinda nin nakuang tubig; nagbalik sinda na mayo nin laog an mga tapayan. Huli sa kasosopgan saka pagkaribong, tinahoban ninda an saindang mga lalawogon.

Joel 1:18

An mga baka nag-uungal sa kasakitan, huli ta para sainda mayo na an mga pasabsaban; an mga karnero nagtitios man.

Joel 1:20

Maski an mga lalaw na hayop nag-aagrangay sa saimo huli ta nagmarara an mga sapa, asin hinalon nin kalayo an mga pasabsaban kan kalangtadan.

Joel 2:22

Mga hayop, dai kamo matakot. Berde na an mga pasabsaban; nagbubunga na an mga kahoy, asin dakul na an bunga kan higera saka ubas.

Amos 4:8

Nanluluya sa paha an mga tawo hale sa duwa o tolong syudad sa paghanap nin tubig sa saro pang syudad, alagad mayo duman nin sukat na tubig na maiinom; alagad dai man giraray kamo nagbalik sa sako.

Habakkuk 3:17

Maski dai namumurak an mga poon nin higera asin an mga ubas mayo nin bunga, maski dai makakua nin lana nin oliba asin an kaomahan dai mamunga, maski magkagaradan an gabos na karnero asin mawaraan nin laog an mga laoman nin hayop,