1 Mga Hade 18:38 - Marahay na Bareta Biblia

³⁸ Dangan naghulog an kalayo nin Kagurangnan; tinutong kaini an atang, an igatong asin an mga gapo saka an daga. Nagmara an tubig sa kali.

1 Mga Hade 18:38 ပူးပေါင်းရင်းမြစ်များ

Genesis 15:17

Kan solnop na an aldaw asin madiklom na, sarong nag-aasong koron saka sarong naglalaad na karaba an biglang nagtunga dangan nag-agi sa pagultanan kan binaraak na mga hayop.

1 Mga Hade 18:24

Pakatapos, mamimibi kamo sa saindong dios asin mamimibi man ako sa Kagurangnan. An magsimbag sa paagi nin kalayo, iyo an Dios.” Nagkurahaw kan saindang pag-oyon an mga tawo.

1 Mga Hade 18:35

An tubig nagbulos sa palibot kan altar sagkod na napano an kali.

1 Mga Hade 18:37

Simbaga ako, O Kagurangnan, simbaga ako, tanganing maaraman kan mga tawong ini na ika, Kagurangnan, iyo sana an Dios asin pinapabalik mo sinda sa saimo.”

2 Mga Hade 1:12

Alagad nagsimbag si Elias, “Kun ako sarong sorogoon nin Dios, maghugpa logod an kalayo hale sa langit asin gadanon ka sagkod an saimong mga soldados!” Dangan naghugpa an kalayo nin Dios asin ginadan an opisyal sagkod an saiyang mga soldados.

1 Mga Cronica 21:26

Nagpatindog duman si David nin sarong altar para sa Kagurangnan, asin nagdolot siya nin mga tinutong na atang saka mga dolot para sa katoninongan. Namibi siya asin sinimbag siya nin Kagurangnan sa paagi nin kalayong hale sa langit na tuminutong kan mga dolot sa altar.

2 Mga Cronica 7:1

Pakapamibi ni Solomon, may kalayo na naghilig hale sa langit dangan tinutong an mga idinolot na atang, asin an Templo napano kan kamurawayan nin Kagurangnan.

An Libro ni Job 1:16

Dai pa nakakatapos pagtaram an sorogoon, kan saro pang sorogoon an nag-abot dangan nagsabi, “Tinamaan kan kikilat an mga karnero saka an mga pastor; nagkagaradan sinda gabos. Ako sana an nakadulag tanganing magbareta saimo.”

Isaias 31:9

Huli sa takot, madulag an saindang hade, asin babayaan kan mga opisyal an saindang mga banderang panggera huli sa makuring pagkatakot.” An Kagurangnan an nagtaram—an Kagurangnan na sinasamba sa Jerusalem asin an saiyang kalayo naglalaad duman para sa mga sakripisyo.

Levitico 10:1

An mga aki ni Aaron na si Nadab saka si Abihu parehong nagkua kan saindang insensaryo, binugtakan nin baga asin insenso dangan idinolot an kalayo sa Kagurangnan. Alagad bakong banal an kalayo huli ta dai man sinda pinagbotan nin Kagurangnan na magdolot.

Levitico 10:2

Kaya biglang nagpadara nin kalayo an Kagurangnan asin sinulo sindang duwa sagkod na magadan.

Levitico 9:24

Biglang ipinadara nin Kagurangnan an kalayo asin inubos kaini an tinutong na atang saka an mga taba na nasa altar. Kan mahiling ini kan mga tawo, nagkururahaw sinda gabos asin nagdarapa sa daga.

Kapahayagan 13:13

Ining ikaduwang hayop naggibo nin makangangalas na mga milagro; nagpahulog siya nin kalayo sa daga hale sa langit sa atubang nin mga tawo.

Hukom 6:21

Dangan an karne saka tinapay dinutaan kan anghel nin Kagurangnan kan poro kan saiyang sugkod. Biglang luminuwas an kalayo hale sa gapo asin tinutong an karne sagkod an tinapay. Pakatapos kaini, nawara an anghel.