1 Mga Hade 18:3 - Marahay na Bareta Biblia

³ kaya ipinaapod ni Ahab si Obadias, na namamahala kan palasyo. (Igwa nin pagkatakot si Obadias sa Kagurangnan,

1 Mga Hade 18:3 ပူးပေါင်းရင်းမြစ်များ

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

Genesis 24:10

Nagkua an sorogoon nin sampolong kamelyo kan saiyang kagurangnan asin kinargahan nin manlaen-laen na mamahalon na regalo dangan naglakaw na siya pasiring sa Mesopotamia, sa syudad na pinag-eerokan ni Nahor.

Genesis 24:2

Sinabihan niya an pinakagurang niyang oripon na namamahala kan gabos niyang rogaring, “Ibugtak mo an saimong kamot sa pagultanan kan sakong mga hita asin magsumpa ka.

Genesis 39:9

pareho an samong kapangyarihan digdi sa harong asin dai siya nin ipinapangalad sako kundi ika sana, huli ta agom ka niya. Tano ta magibo ako kan siring na karigsokan asin magkasala ako sa Dios?”

Genesis 41:40

Ika an sakong ibubugtak na parapamahala kan bilog na daga. An saimong pagboot ootobon kan gabos kong nasasakopan. Magigin ikaduwa ka sako sa kapangyarihan.

Genesis 42:18

Sa ikatolong aldaw sinabihan niya sinda, “Ako sarong tawo na may pagkatakot sa Dios; giboha nindo ini asin mabubuhay kamo:

1 Mga Hade 16:9

Alagad pinasaluiban siya ni Zimri na pamayo kan kabanga kan saiyang hukbo na nagsasakay sa mga karwahe. Sarong aldaw duman sa Tirza, mantang nagbuburat si Ela sa harong ni Arza na namamahala kan palasyo,

1 Mga Hade 18:12

Paano kun pakahale ko, darahon ka tolos kan espiritu nin Kagurangnan sa sarong lugar na dai ko aram? Dangan kun sabihan ko si Ahab na uya ka saka dai ka makua, gagadanon niya ako maski igwa ako nin pagkatakot sa Kagurangnan poon kan ako aki pa.

1 Mga Hade 18:2

Kaya naglakaw si Elias tanganing magpahiling ki Ahab. Makuring gayo an gutom sa Samaria,

2 Mga Hade 4:1

Nagduman ki Eliseo an sarong babaeng balo na kaayon sa sarong grupo nin mga propeta asin nagsabi, “An sakong agom gadan na. Naaaraman mo na igwa siya nin pagkatakot sa Kagurangnan, alagad an pinagkautangan niya nag-abot tanganing kuahon an duwa kong aking lalaki tanganing oriponon.”

Nehemias 5:15

An mga gobernador na nagkaerenot sako nagbugtak nin magabat na pasanon sa mga tawo asin naghagad sinda nin kakanon saka arak, laen pa kan kwarentang kwartang plata sa sarong aldaw. Sagkod an saindang mga sorogoon nang-api man sa mga tawo. Alagad dai ko iyan ginibo, huli ta may pagkatakot ako sa Dios.

Nehemias 7:2

Bilang parapamahala kan Jerusalem, pinili ko si Hanani na sakong tugang asin si Hananias na pamayong opisyal kan bantayan. Si Hananias orog na maimbod saka diosnon ki sa gabos.

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

Salmo 112:1

Omawon an Kagurangnan! Paladan an tawong may pagkatakot sa Kagurangnan, na naoogma sa pagkuyog kan saiyang mga kabotan.

Mga Talinhaga 14:26

An pagkatakot sa Kagurangnan minatao nin pagsarig asin katiwasayan sa sarong tawo saka sa saiyang pamilya.

Malakias 3:16

Dangan nag-orolay an mga tawong natatakot sa Kagurangnan, asin hininanyog sinda nin marahay kan Kagurangnan. An saindang mga sinabi dinangog niya man. Sa atubangan niya, isinurat sa sarong libro an ngaran kan mga natatakot sa Kagurangnan asin minagalang saiya.

Mateo 10:28

Dai kamo matakot sa mga tawong makakagadan kan hawak alagad dai makakagadan kan kalag; kundi matakot kamo sa Dios na makakagadan kan hawak asin kalag sa impyerno.

Mateo 25:17

Siring man an nag-ako nin dos mil pesos; nakaganansya man nin dos mil pesos.

Mga Gibo 10:2

Maki-Dios an kapitan na ini. Siya saka an bilog niyang pamilya nagsasamba sa Dios. Naglilimos siya nin dakul sa mga dukhang Judio, asin danay na namimibi sa Dios.

Mga Gibo 10:35

kundi inaako niya an may pagkatakot saiya asin naggigibo nin matanos maski taga saen siyang nasyon.