1 Mga Hade 18:26 - Marahay na Bareta Biblia

²⁶ Kinua ninda an saro kan mga torong baka na dinara sainda, inandam idto, dangan namibi ki Baal magpoon aga sagkod odto. “Baal, simbaga kami,” an kurahaw ninda, mantang nagsasayaw sa palibot kan altar na ginibo ninda. Alagad mayo nin simbag na nag-abot.

1 Mga Hade 18:26 ပူးပေါင်းရင်းမြစ်များ

1 Mga Hade 18:24

Pakatapos, mamimibi kamo sa saindong dios asin mamimibi man ako sa Kagurangnan. An magsimbag sa paagi nin kalayo, iyo an Dios.” Nagkurahaw kan saindang pag-oyon an mga tawo.

1 Mga Hade 18:25

Dangan sinabihan ni Elias an mga propeta ni Baal, “Huli ta dakul kamo, pilion na nindo an sarong toro asin kamo an enot na mag-andam kaiyan. Mamibi kamo sa saindong dios, alagad dai nindo pagkalayohan an igatong.”

1 Mga Hade 18:27

Kan odto na, pinonan sindang tuyatuyaon ni Elias. An sabi niya, “Kosogon nindo an pagpamibi! Saro siyang dios! Tibaad may iniisip siya o may ibang ginigibo. Tibaad nasa paglakaw siya o kaya natotorog, asin kaipuhan pukawon!”

Exodo 8:14

Tinambak kan mga Egipcio an mga gadan na talapang, na nakapabata sa Egipto.

Isaias 37:38

Sarong aldaw, kan nagsasamba siya sa templo kan saiyang dios na si Nisrok, ginadan siya kan duwa niyang aking lalaki na si Adrammelek asin Sarezer, dangan nagdulag an mga ini sa daga nin Ararat. Si Esarhadon na saro pa niyang aking lalaki an nagsalihid saiya bilang emperador.

Isaias 44:17

An natada na kahoy ginigibo niyang sarong ladawan, dangan minaluhod dangan minasamba kaiyan. Pinapamibian niya iyan asin minasabi, “Ika an sakong dios—ligtasan ako!”

Isaias 45:20

Nagsasabi an Kagurangnan, “Magtiripon kamo asin madya, mga namamanwaan kan mga nasyon, kamo gabos na nagkatarada kan marumpag an imperyo; dumolok kamo sa hukoman! An mga tawong nagpaparada kaiba an saindang mga ladawan na kahoy asin namimibi sa mga dios-dios na dai makakaligtas sainda— an mga tawong iyan mayong naaaraman!

Isaias 46:7

Ibinubugtak ninda iyan sa saindang mga abaga asin dinadara; ibinubugtak ninda iyan sa sadiring lugar asin duman sana iyan nagtitindog, dai nakakahiro sa namumugtakan. Kun igwang mamibi diyan, dai iyan nakakasimbag o nakakaligtas saiya sa panahon nin kasakitan.

Jeremias 10:5

An mga dios-dios na siring kaiyan garo pantakot sa mga gamgam sa oma; dai iyan nakakataram; kaipuhan pasanon sinda huli ta dai sinda nakakalakaw. Dai kamo matakot sainda huli ta dai sinda makakagibo nin maraot, ni makakagibong marahay.”

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Jonas 1:5

Nagkatarakot an mga tripulante, kaya an lambang saro nagkurahaw sa pag-apod nin tabang sa saiyang dios. Dangan, tanganing mainaan an gabat kan barko, itinapok ninda sa dagat an mga kargamento. Mantang nangyayari ini, nagduman si Jonas sa ibabang kabtang kan barko dangan nagkatorog.

Habakkuk 2:18

Anong karahayan an makukua sa sarong ladawan? Sarong bagay man sana iyan na ginibo nin tawo, asin mayo iyan nin sinasabi kundi kaputikan. Anong karahayan an makukua diyan kan naggibo kaiyan kun pagsarigan niya iyan—sarong dios-dios na dai ngani nakakataram!

Habakkuk 2:19

Herak man saindo na nagsasabi sa sarong pedaso nin kahoy, “Pagmata!” o sa sarong dakulang gapo, “Tindog!” Igwa daw nin ikakapahayag saindo an sarong dios-dios? Pwedeng patoson iyan nin plata o bulawan, alagad mayo iyan nin buhay.

Sofonias 1:9

Papadusahan ko an gabos na nagsasamba siring sa mga pagano, asin an nanghahabon saka nanggagadan tangani sanang panoon nin sinamsaman an harong nin saindang kagurangnan.

Mateo 6:7

“Kun namimibi kamo, dai kamo maggamit nin dakul na tataramon na mayo man sana nin kahulogan, arog kan ginigibo kan mga pagano. Paghona ninda, dadangogon sinda nin Dios huli ta kadakul kan itinataram ninda.

1 Corinto 12:2

Aram nindo na kan kamo bako pang mga paratubod, nadara kamo sa manlaen-laen na paagi nin pagsamba sa mga dios-dios na mayong buhay.

1 Corinto 8:4

Kun siring, ini an masasabi ko dapit sa pagkakan na idinolot sa mga dios-dios: aram nyato na an mga dios-dios minarepresentar sa mga mayo nin buhay; aram nyato na saro sana an Dios.

1 Samuel 5:3

Amay pa kan sunod na aldaw, nahiling kan mga taga Asdod na an estatwa ni Dagon nakadapa sa daga, sa atubangan kan Kaban nin Tipan nin Kagurangnan. Kaya binuhat ninda an estatwa asin ibinalik sa dating namumugtakan.