1 Mga Hade 18:15 - Marahay na Bareta Biblia

¹⁵ Nagsimbag si Elias, “Sa ngaran kan buhay na Kagurangnan nin mga hukbo, na sakong pinaglilingkodan, nanunuga ako na mapahiling ako saiya ngunyan na aldaw.”

1 Mga Hade 18:15 ပူးပေါင်းရင်းမြစ်များ

Genesis 2:1

Kaya nahaman an kalangitan asin an daga.

1 Mga Hade 17:1

Sinabihan si Ahab ni Propeta Elias na taga Tisbe sa Gilead, “Sa ngaran nin Kagurangnan, an buhay na Dios nin Israel, na sakong pinaglilingkodan, sinasabihan taka na dai magkakaigwa nin ambon ni uran sa masunod na duwa o tolong taon sagkod na sabihon ko.”

1 Mga Hade 18:10

Sa ngaran kan buhay na Kagurangnan na saimong Dios, minasumpa ako na ipinahanap ka kan hade sa lambang daga sa kinaban. Kun an pamayo kan daga minapahayag na mayo ka na sa saiyang daga, pinapasumpa ni Ahab an pamayong idto na dai ka mananggad manumpongan.

1 Mga Hade 18:14

Kaya tadaw ta sinusugo mo ako na sabihan an hade na uya ka? Gagadanon niya ako!”

1 Mga Hade 18:16

Kaya nagduman si Obadias ki Hadeng Ahab, dangan nag-osip saiya, asin naglakaw si Ahab tanganing sabaton si Elias.

1 Mga Hade 22:14

Alagad nagsimbag si Micaias, “Sa ngaran kan buhay na Kagurangnan nasumpa ako na kun ano an itataram niya sako iyo sana an sakong itataram!”

An Libro ni Job 25:3

May makakabilang daw kan saiyang mga hukbo? Siisay an dai nasisirangan kan saiyang liwanag?

Salmo 103:21

Mag-omaw kamo sa Kagurangnan, kamo gabos na saiyang hukbo, kamong mga sorogoon niya na nag-ootob kan saiyang kabotan!

Isaias 6:3

Nag-iinapodan sinda nin makusog: “Banal, banal, banal an Kagurangnan nin mga hukbo; an bilog na daga pano kan saiyang kamurawayan.”

Jeremias 39:17

Alagad ako, an Kagurangnan, an mag-iingat saimo, kaya dai taka itatao sa mga tawong natatakotan mo.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Lukas 1:19

Nagsimbag an anghel, “Ako si Gabriel na naglilingkod sa atubang nin Dios. Sinugo ako nganing taraman ka asin darahon saimo an marahay na baretang ini.

Deuteronomio 1:38

Alagad pakosoga an boot kan saimong katabang na si Josue na aki ni Nun. Siya an mangengenot sa Israel sa pagsakop kan daga.’

Deuteronomio 4:19

Magmaan kamo ta tibaad sambahon nindo asin paglingkodan an nahihiling nindo sa langit—an aldaw, an bulan, saka an mga bitoon. Itinao nin Kagurangnan na saindong Dios an mga ini sa ibang mga banwaan tanganing saindang pagsambahon.