1 Mga Hade 18:13 - Marahay na Bareta Biblia

¹³ Dai mo nadangog na kan ginagadan ni Jezebel an mga propeta nin Kagurangnan itinago ko sa mga lungib an sanggatos sa sainda, sa duwang grupo na tigsingkwenta, dangan tinawan ko sinda nin pagkakan saka inomon?

1 Mga Hade 18:13 ပူးပေါင်းရင်းမြစ်များ

1 Mga Hade 18:14

Kaya tadaw ta sinusugo mo ako na sabihan an hade na uya ka? Gagadanon niya ako!”

1 Mga Hade 18:4

asin kan ginagadan ni Jezebel an mga propeta kan Kagurangnan, ilinigtas ni Obadias an sanggatos kan mga propetang ini. Binanga niya an mga propeta sa duwang grupo na tigsingkwenta, dangan tinago sa mga lungib; tinawan niya sinda nin kakanon saka inomon.)

2 Mga Hade 6:32

Kaya nagsugo siya tanganing kuahon si Eliseo. Kan panahon na iyan, yaon si Eliseo sa saiyang harong asin kaolay an kamagurangan. Bago nag-abot an sugo kan hade, sinabihan ni Eliseo an kamagurangan, “An paragadan igwa nin sinugo tanganing pugotan ako! Pag-abot niya digdi, isera nindo an pintoan asin dai nindo siya pagpalaogon. Kasunod sana niya an hade.”

Mga Talinhaga 28:12

Kun marahay na tawo an nagkakapot nin kapangyarihan, nag-oogma an lambang saro, alagad kun an maraot iyo an namamayo, nagtatago an gabos.

Mateo 25:35

Huli ta kan ako nagutom pinakakan nindo; kan ako napaha pinainom nindo; kan ako dayuhan pinadagos nindo;

Mga Gibo 20:34

Aram man sana nindo na nagtrabaho ako tanganing magkaigwa kami kan gabos ming kaipuhan.

Hebreyo 11:38

An kinaban bakong maninigo para sainda. Siring sa mga dayuhan, nakalakop sinda sa mga desyerto sagkod sa kabubuldan. Nag-erok sinda sa mga lungib asin sa mga kalot.