1 Mga Hade 17:22 - Marahay na Bareta Biblia

²² Sinimbag nin Kagurangnan an pamibi ni Elias; nagpoon paghangos an aki asin naomayan.

1 Mga Hade 17:22 ပူးပေါင်းရင်းမြစ်များ

1 Mga Hade 17:23

Ilinusad ni Elias an aki dangan itinao sa ina. Sinabihan niya an balo, “Hilinga, buhay an saimong aki.”

2 Mga Hade 13:21

Sarong beses, nagkapirang lalaki an malubong nin sarong gadan na lalaki; kan mahiling ninda an sarong grupo nin Moabita, itinapok ninda an bangkay sa lulubngan ni Eliseo, dangan nagdurulag sinda. Pakaduta kan bangkay sa mga tolang ni Eliseo, nabuhay ini asin nagtindog.

Lukas 7:14

Nagrani siya sa kabaong asin dinutaan ini. Nag-ontok an mga nagbuburulig. Dangan sinabihan ni Jesus an gadan, “Aki, pinagbobotan taka, bumangon ka!”

Lukas 8:54

Dangan kinaptan ni Jesus an kamot kan aki asin sinabihan, “Aki, bumangon ka!”

Juan 11:43

Pakasabi niya kaini, kuminurahaw siya, “Lazaro, lumuwas ka!”

Mga Gibo 20:12

Ipinuli nindang buhay si Eutico asin naranga sinda nin marahay.

Roma 14:9

Huli ta si Cristo nagadan asin nabuhay liwat tanganing magin Kagurangnan kan mga buhay saka kan mga gadan.

Deuteronomio 32:39

“‘Ako, asin ako sana, an Dios; mayo na nin ibang totoong dios. Nakakagadan ako saka nakakabuhay; nakakalugad saka nakakapaomay, asin mayong makakaolang sa gigibohon ko.

Hebreyo 11:35

Huli sa pagtubod, nagbalik sa mga babae an saindang mga kadugo na gadan na dangan binuhay liwat. An iba nagadan sa pasakit; nagsayuma sindang magin talingkas tanganing mabuhay liwat sinda sa mas marahay na buhay.

Kapahayagan 11:11

Alagad pakatapos kan tolo may kabangang aldaw, naglaog sainda an hinangos nin buhay hale sa Dios; nagtindog sinda dangan an gabos na nakahiling sainda natakot nin makuri.

1 Samuel 2:6

An Kagurangnan an minagadan asin minabuhay liwat; isinosobol niya an mga tawo sa Sheol asin binubuhay giraray.