1 Mga Hade 17:18 - Marahay na Bareta Biblia

¹⁸ Sinabihan kan babaeng balo si Elias, “Sorogoon nin Dios, tadaw ta ginibo mo ini sako? Nagdigdi ka daw tanganing ipagiromdom sa Dios an sakong mga kasalan asin magin dahelan kan pagkagadan kan sakong aking lalaki?”

1 Mga Hade 17:18 ပူးပေါင်းရင်းမြစ်များ

Genesis 44:16

Nagsimbag si Juda, “Ano pa an samong masasabi saimo, kagurangnan? Paano mi sasabihon na mayo kaming sala? Ipinahiling nin Dios an samong kasalan. Oripon mo na kami gabos, bako sana an nakuahan kan kalis.”

Genesis 50:15

Pagkagadan kan saindang ama, nag-orolay an mga tugang ni Jose, “Ano an satong gigibohon kun anggot pa sato si Jose asin nag-iisip na magbalos huli kan ginibo ta saiya?”

Genesis 50:17

‘Nakikimaherak ako na patawadon mo na an saimong mga tugang kan sala na naginibo ninda saimo.’ Kaya, nakikimaherak kaming patawadon mo na an kasalan kan mga oripon kan Dios nin saimong ama.” Kan makaabot ki Jose an mensahe, naghibi siya.

2 Samuel 16:10

Sinabihan kan hade si Abisai asin an tugang niyang si Joab, “Dai kamo makilabot digdi. Kun maldisyonon niya ako huli ta sinabihan siya nin Kagurangnan, siisay an may deretsong maghapot kun tadaw ta ginigibo niya iyan?”

2 Samuel 19:22

Alagad nagsabi si David ki Abisai asin sa tugang kaining si Joab, “Siisay an naghagad saindo nin hatol? Kamo an matao sako nin problema? Ako na an hade sa Israel ngunyan, asin mayong magagadan na Israelita ngunyan na aldaw.”

1 Mga Hade 12:22

Alagad tinaraman nin Dios si Propeta Semaias

1 Mga Hade 13:1

Sa pagboot nin Kagurangnan, sarong propetang gikan sa Juda an nagpasiring sa Betel. Nag-abot siya duman mantang nakatindog si Jeroboam sa atubang kan altar tanganing magtutong nin insenso.

1 Mga Hade 17:17

Pakalihis nin nagkapirang aldaw, naghelang an aking lalaki kan balo. Nag-orog an saiyang kamatean sagkod na siya nagadan.

1 Mga Hade 17:19

“Itao mo sako an aki,” an sabi ni Elias. Kinua niya sa ina an aking lalaki, dinara sa itaas, sa kwartong pinagkakatorogan niya, asin hinulid sa saiyang higdaan.

1 Mga Hade 18:9

Nagsimbag si Obadias, “Ano an sakong kasalan ta boot mo akong ibugtak sa pag-alaman nin kagadanan huli ki Hadeng Ahab? Gagadanon niya ako.

1 Mga Hade 20:28

Sarong propeta an nagduman ki Hadeng Ahab asin nagsabi, “Iyo ini an itinaram nin Kagurangnan: ‘Huli ta nagsasabi an mga taga Siria na ako sarong dios kan kabukidan asin bako kan kapantayan, tatawan taka nin kapangganahan laban sa dakula nindang hukbo. Dangan maaaraman nindo na ako an Kagurangnan.’”

2 Mga Hade 1:9

Dangan an sarong opisyal na may kaibahan na singkwentang soldados sinugo kan hade ki Elias. Nakua kan opisyal si Elias na nagtutukaw sa ibabaw nin sarong bulod asin sinabihan, “Sorogoon nin Dios, ipinagboboot kan hade na maghilig ka.”

2 Mga Hade 3:13

Nagsabi si Eliseo sa hade nin Israel, “Ano an pakilabot ko saimo? Dumuman ka sa mga propeta kan saimong ama asin sa mga propeta kan saimong ina.” Nagsimbag si Joram, “Dai, an Kagurangnan an nag-apod samong tolo tanganing itao sa kamot kan hade nin Moab.”

2 Mga Cronica 35:21

Alagad nagpadara nin mga sugo ki Josias si Neco na an sabi, “Tadaw ta nakikilabot ka sako, Hade nin Juda? Dai ako nagdigdi tanganing makilaban saimo, kundi sa sakong mga kaiwal asin pinapahidali ako nin Dios. Dai mo pagsalungaton an Dios na nasa kaibahan ko, ta tibaad ronoton ka niya.”

An Libro ni Job 13:23

Ano an sakong mga kasalan? Anong mga karatan an sakong naginibo? Paaraman sako an mga iyan!

An Libro ni Job 13:26

“Mga mapait na sumbong an dara mo laban sako, sagkod kaidtong nagibo ko kan aki pa ako.

Mga Bilang 5:15

sa arin man na kaso, dadarahon kan lalaki an saiyang agom sa padi. Dadarahon man niya an dolot para sa saiyang agom—sarong kilo nin arinang sebada. Dai niya iyan uulaan nin lana, ni bubugtakan nin insenso, huli ta iyan dolot nin pag-imon, sarong dolot tanganing aramon an katotoohan.

Mateo 8:29

Bigla sindang nagkurahaw, “Aki nin Dios, ano an pakilabot mo samo? Nagdigdi ka tanganing padusahan kami maski bako pang panahon?”

Markos 5:7

saka nagkurahaw, “Ano an boot mo sako, Jesus aki nin Kahorohalangkaweng Dios? Sa ngaran nin Dios, nakikimaherak ako saimo, dai mo ako pagpasakitan!”

Markos 6:16

Kan makaabot ini ki Herodes, nagsabi siya, “Siya si Juan Bautista na pinapugotan ko; nabuhay siya liwat!”

Lukas 4:34

“Anong labot mo samo, Jesus na taga Nazaret? Nagdigdi ka sa pagrumpag samo? Midbid taka—ika an banal na sugo nin Dios!”

Lukas 5:8

Kan mahiling ni Simon Pedro an nangyaring ini, nagluhod siya sa atubangan ni Jesus asin nagsabi, “Rumayo ka sako, Kagurangnan, huli ta saro akong makasalan!”

Lukas 8:28

Pakahiling ki Jesus, nagkurahaw an lalaki, nagdapa sa atubangan niya asin makosog na nagsabi, “Jesus, Aki nin Kahorohalangkaweng Dios, ano an pakilabot mo sako? Nakikiolay ako saimo, dai mo ako pagpasakitan!”

Juan 2:4

Nagsimbag si Jesus, “Babae, tadaw ta kaipuhan na makiaram ka sako. Dai pa minaabot an sakuyang oras.”

Hukom 13:6

Dinuman tolos kan babae an saiyang agom dangan sinabihan, “Sarong sorogoon nin Dios an nagdigdi sako. Makangirhat an saiyang lalawogon na arog kan sa anghel nin Dios. Dai ko siya hinapot kun saen siya hale asin dai man niya sinabi an saiyang ngaran.

1 Samuel 16:4

Kinuyog ni Samuel an ipinagboot saiya nin Kagurangnan; nagduman siya sa Betlehem. Nagtatarakig na nagsabat saiya an kamagurangan kan syudad, asin nagharapot, “Nagdigdi ka daw sa katoninongan?”