1 Mga Hade 17:15 - Marahay na Bareta Biblia

¹⁵ Naghale an babaeng balo asin ginibo an sinabi saiya ni Elias. Dai sinda nawaraan nin pagkakan sa laog nin dakul na aldaw.

1 Mga Hade 17:15 ပူးပေါင်းရင်းမြစ်များ

Genesis 12:4

Kaya kan setenta y singko na an edad ni Abram, binayaan niya an Haran sosog sa itinaram saiya nin Kagurangnan; nag-iba saiya si Lot.

Genesis 22:3

Amay pa kan sunod na aldaw, nagputol na si Abraham nin kahoy para sa tinutong na atang, siniyahan an saiyang asno dangan nagduman sa lugar na sinabi saiya nin Dios, kaiba si Isaac asin duwang sorogoon.

Genesis 6:22

Ginibo ni Noe an gabos na ipinagboot saiya nin Dios.

1 Mga Hade 17:14

Huli ta ini an sinasabi nin Kagurangnan, an Dios nin Israel: ‘Dai mauubosan nin arina an mangko asin dai mauubosan nin lana an dulay bago ako, an Kagurangnan, magpadara nin uran.’”

1 Mga Hade 17:16

Sosog sa panuga nin Kagurangnan sa paagi ni Elias, an mangko dai naubosan nin arina asin dai naubosan nin lana an dulay.

2 Mga Hade 4:5

Kaya naglaog an babae sa harong kaiba an duwa niyang aki asin sinerahan niya an pinto. Mantang pinapalisan niya nin lana an sarong dulay, dinadara man saiya kan saiyang mga aki an mayo pang laog na dulay.

2 Mga Cronica 20:20

Pagkaagang amay, an mga tawo nagduruman sa kalangtadan nin Tekoa. Mantang paluwas na sinda, nagtindog si Jehosafat dangan nagsabi, “Mga taga Juda asin mga taga Jerusalem, dangoga nindo ako! Magtubod kamo sa Kagurangnan na saindong Dios asin dai kamo mahihiro; magtubod kamo sa saiyang mga propeta asin manggagana kamo.”

Mateo 15:28

Kaya sinabihan siya ni Jesus, “Babae, dakula an saimong pagtubod! Mangyari saimo siring sa kamawotan mo.” Kan oras man sanang iyan naomayan an aki niya.

Markos 12:43

Inapod ni Jesus an saiyang mga disipulo asin sinabihan, “Sa katotoohan sinasabihan ko kamo, an dukhang balong ini mas dakul an itinao ki kan gabos na naghulog sa lalagan nin limos.

Juan 11:40

Alagad sinabihan siya ni Jesus, “Bakong sinabihan taka, na kun magtubod ka, mahihiling mo an kamurawayan nin Dios?”

Hebreyo 11:17

Huli sa pagtubod, idinolot ni Abraham an saiyang aking si Isaac bilang atang, kan baloon siya nin Dios. Maski siya an pinanugaan nin Dios, andam si Abraham na iatang an bugtong niyang aki.